Isaia 25:1-12
25 Ieova, a koe ko toku Atua.
E fakamaluga ne au koe, e tavae ne au tou igoa,Me ne fai ne koe a mea fakaofoofogia,+Ko mea ne fakatoka mai i aso mua,+I te fakamaoni,+ i te fakatuagagina.
2 Me ko oti ne ‵fuli ne koe se fakai ki se fakaputuga o fatu,Se fakai malosi ke fakamaseigina.
A te taoa o te tino fakaa‵tea ko se toe fai pelā me se fakai;Ka se toe faite aka eiloa.
3 Tenā te pogai ka faka‵malu atu ei se fenua malosi ki a koe;Te fakai o atufenua fakasaua ka ma‵taku ki a koe.+
4 Me i a koe ko fai pelā me se ‵pui malosi ki tino ma‵lalo,Se ‵pui malosi ki te tino mativa i ana puapuaga,+Se lafiga mai te vaiua ‵to ‵lotu,Kae se malūga mai te ‵vela.+
Kafai a te kaitaua o tino pule fakasaua ko fai pelā me se vaiua ‵to ‵lotu ki luga i se ‵pui,
5 E pelā mo te ‵vela i se fenua e seai ne vai i ei,Ko fakatakavale ne koe te ‵tagi o tino fakaa‵tea.
E pelā mo te ‵vela ko fakatakavale e auala i te malūga o se kaumana,Ka fakafilemu foki penā a te pese a tino pule fakasaua.
6 I te mauga tenei,+ ka fai ne Ieova o kautau mō tino katoaSe ‵kaiga o meakai tafasili i te ‵gali,+Se ‵kaiga e tufa atu i ei a uaina ‵lei,Ko meakai tafasili i te ‵gali fakatasi mo mea sinusinu i loto i ivi o manu,Ko uaina ‵lei ko oti ne faka‵ma.
7 I te mauga tenei ka ave kea‵tea* ne ia a te laugatu telā e ufi i ei a tino katoaMo te mea ufi* telā e ‵laga i luga i atufenua katoa.
8 Ka fakaseai* ne ia te mate ki te se-gata-mai,+Kae ko te Aliki Sili ko Ieova ka ‵solo ne ia a loimata mai i mata katoa.+
A te masiasi o ana tino ka ave kea‵tea ne ia mai te lalolagi kātoa,Me ko Ieova tenā ne faipati mai.
9 I te aso tenā, ka fai mai latou:
“Kiloke! Tenei te ‵tou Atua!+
Ne fakamoe‵moe eiloa tatou ki a ia,+Kae ka faka‵sao ne ia tatou.+
Tenei a Ieova!
Ne fakamoe‵moe eiloa tatou ki a ia.
Ke na ‵lifu kae fia‵fia tatou i te fakaolataga e auala i a ia.”+
10 Me ka tuku mai te lima o Ieova i luga i te mauga tenei,+Kae ko Moapi ka lakalaka ki lalo i tena koga+E pelā mo mouku e lakalaka ke fai pelā me se fakaputuga o kaiao.
11 Ka ‵fola atu ana lima ki eiE pelā me se tino ‵kau e ‵fola atu ana lima ke ‵kau a ia,Kae ka tuku ifo ne ia tena fakamaualuga+Fakatasi mo te apo i te fakaaogaga o ana lima.
12 Kae ko te fakai malosi mo ou ‵pui ma‵luga e puipui ei koe,Ka ofa ne ia ki lalo;Ka ‵pago ne ia ki lalo i te laukele ke liu ‵pefu.
