Isaia 24:1-23
24 Kiloke! A Ieova ka ave kea‵tea ne ia a tino mai te fenua* kae faka‵ma takalekale ne ia.+
E ‵fuli ne ia ki lalo+ kae fakasalalau atu ana tino.+
2 Ka ‵pau eiloa a tino katoa:
Ko tino e pelā foki mo faitaulaga,Te tavini mo tena matai,Te tavini mo tena matai fafine,Te tino ‵togi mo te tino fakatau,Te tino e tuku atu a mea mo te tino e puke mai ne iaTe tino fakakaitalafu mo te tino kaitalafu.+
3 Ka seai eiloa ne mea i luga i te fenua;Ka kaisoa katoatoa a mea i ei,+Me i a Ieova ko oti ne faipati mai.
4 A te fenua ko fanoanoa;*+ ko gasolo eiloa o masei.
A te laukele ola ‵lei ko magemage; ko matafi atu kea‵tea.
A tino lauiloa o te fenua ko vāi‵vai.
5 A te fenua ko oti ne fakalailai ne tino e ‵nofo i ei,+Me ko oti ne soli ne latou a tulafono,+‵Fuli a tulafono fo‵liki,+
Kae ofa te feagaiga tumau.*+
6 Tenā te pogai ko malaia ei te fenua,+Kae ko tino e ‵nofo i ei e ‵se.
Tenā te pogai ko gasolo ifo ei o mu‵tana a tino i te fenua,Kae ne nai tāgata fua e ‵toe mai.+
7 A te uaina fou ko fanoanoa,* a te vine ko magemage,+Kae ko latou katoa kolā e loto fia‵fia ko mānava fi‵ta.+
8 A fiafiaga mai samupelini ko gata;A te logoa o tino ko‵nā ko palele atu;A te tagi fiafia o te kitala ko gata.+
9 E inu uaina latou e aunoa mo ne pese,Kae ko ‵kona a meainu ma‵losi ki a latou kolā e inu ki ei.
10 A te fakai ne tuku tiaki ko maofa ki lalo;+A fale katoa ko ‵pono ke seai se tino e ulu ki loto i ei.
11 E ka‵laga atu latou i auala ke maua ne uaina.
A fiafiaga katoa ko ‵galo atu;A te fiafia o te fenua ko galo.+
12 A te fakai ko oti ne fakamasei;A te mataloa o te fakai ko oti ne ofa likiliki ki lalo.+
13 Me tenei te mea ka tupu i te fenua, i mua o tino:
E pelā mo te lakau ko te olive māfai ko kini,+E pelā mo te taetaega o vine māfai ko palele atu te ‵katiga o vine.+
14 Ka avaka olotou leo ki luga,Ka paka‵laga latou mo te fia‵fia.
Mai i te tai* ka folafola atu ne latou te maluga o Ieova.+
15 Tenā te pogai ka faka‵malu ei ne latou a Ieova i te koga o te mainaga;*+I fenua fo‵liki o te tai ka faka‵malu ne latou te igoa o Ieova te Atua o Isalaelu.+
16 Mai koga ‵mao o te lalolagi e lagona ne tatou a pese:
“Faka‵malu ki te Atua Amiotonu!”+
Kae e fai atu au: “Toku malosi ko fanaifo, toku malosi ko fanaifo!
Kalofa eiloa i a au! A tino faitogafiti ko fai olotou faifaiga faitogafiti;Mai i olotou togafiti ko fai ne tino faitogafiti olotou faifaiga faitogafiti.”+
17 A te mataku mo lua mo matasele e faka‵tali ki a koutou, e tino kolā e ‵nofo i te fenua.+
18 So se tino e tele kea‵tea mai te ‵tagi o te mea fakamataku ka tō ki loto i te lua,Kae ko so se tino e fanaka mai i te lua ka tō ki loto i te matasele.+
Me ka ma‵tala a ‵pui o vai mai luga i te lagi,Kae ko fakavae o te fenua ka ga‵lulu.
19 A te laukele ko mafāfā;A te laukele ko gasuesue;A te laukele ko galulu malosi.+
20 A te laukele ko takasēsē e pelā me se tagata konā,Kae ko gasuesue ki mua mo tua e pelā me se tamā fale i se matagi.
Ana amioga solitulafono ko ‵mafa eiloa i luga i a ia,+Kae ka siga ki lalo, ko te mea ke se mafai o toe tu ki luga.
21 I te aso tenā, ka saga atu eiloa a Ieova ki te kautau i te koga maluga i luga,Mo tupu o te lalolagi i luga i te lalolagi.
22 Kae ka maopoopo fakatasi mai latouE pelā me ne pagota kolā e maopoopo atu ki se lua,Kae ka ‵loka latou i te falepuipui;Mai tua o aso e uke ka saga atu ei ki a latou.
23 A te masina sulu ka masiasi,Kae ko te la ‵kasa ka mavale,+Me i a Ieova o kautau ko fai mo Tupu+ i luga i te Mauga o Siona+ mo Ielusalema,E ‵malu i mua o toeaina o tena fenua.+
Fakamatalaga mai lalo
^ Io me “lalolagi.”
^ Io me kāti, “malō.”
^ Io me “mua.”
^ Io me “malō.”
^ Io me “te feitu ki togala.”
^ Io me “te feitu ki saegala.”
