Isaia 17:1-14

  • Se fekau ‵mafa e uiga ki Tamaseko (1-11)

  • Ka ‵liko ne Ieova a atufenua (12-14)

17  Se fekau ‵mafa e uiga ki Tamaseko:+ “Kiloke! A Tamaseko ka se toe fai pelā me se fakai,Kae ka fai pelā me se fakaputuga o mea ne ofa valevale.+   A fakai o Aloela+ ka tuku tiaki;Ka fai latou mo koga e takatokato i ei a lafu mamoeKae seai se tino e ma‵taku latou ki ei.   A fakai e puipui faka‵lei ka ‵galo mai i Efalaima,+Mo te malo mai i Tamaseko;+Kae ko latou kolā e ‵toe mai i SuliaKa fai pelā mo te ‵malu o tino Isalaelu,” ko te folafolaga a Ieova o kautau.   “I te aso tenā a te ‵malu o Iakopo ka gasolo ifo eiloa,Kae ko tena foitino malosi* ka gasolo o pakā.   Ka fai eiloa e pelā me se tino ‵kati saito ko ‵luku mai ne ia a lakau saitoKae ko tena lima e ‵kati a kausaito,E pelā me se tino e taetae mai a saito i te Vanu o Lefaima.+   Ko mea fua kolā e ‵tau o taetae ka ‵toe mai,Kae kafai ko kini ki lalo se lakau olive: E lua fua io me tolu a olive ‵pala e ‵toe mai i tena toe kaula maluga,E fa fua io me lima i ana kaula kolā e ‵fua malosi,”+ ko te folafolaga a Ieova te Atua o Isalaelu.  I te aso tenā a te tagata ka kilo aka ki te Atua telā ne faite ne ia a ia, kae ka kilo atu ana mata ki te Atua Tapu o Isalaelu.  Ka se kilo atu a ia ki fatafaitaulaga,+ ko galuega a ana lima;+ kae ka se kilo atu a ia ki mea ne fai ne ana matikao lima, ki pou lakau tapu* io me ko tulaga e ofo atu i ei a mea ma‵nogi.   I te aso tenā ana fakai e puipui faka‵lei ka fai pelā me se koga ne tuku tiaki i te togavao,+E pelā me se kaula telā ne tuku tiaki i mua o tino Isalaelu;Ka fai eiloa e pelā me se koga sē aoga. 10  Me ko oti ne fakapuli i a koe a te Atua+ o tou fakaolataga;Ne seki masaua ne koe a te Kaupapa+ o tou fakai telā e puipui faka‵lei. Tenā te pogai e ‵toki ei ne koe a fatoaga ‵galiKae ‵toki ne koe ki te somo a se tino fakaa‵tea.* 11  I te ao e ‵pui faka‵lei ne koe tau fatoaga,I te tafataeao e fai ne koe ke ola aka au fuaga,Kae ka galo atu te taimi e ‵kati ei fuataga i te aso o te masaki mo te logo‵mae telā e se mafai o faka‵lei aka.+ 12  Fakalogo aka! E isi se logoa o tino e tokouke,Kolā e logoa e pelā mo te tai! E isi se ‵gulu o atufenua,Telā e ‵tagi e pelā mo te ‵tagi o vai e uke! 13  A atufenua ka ‵tagi e pelā mo te ‵gulu o vai e uke. Ka ‵liko atu a ia ki a latou, kae ka ‵tele latou ke ‵mao kea‵tea,E afuli e pelā mo kaiga o saito o mauga i mua o se matagi,E pelā me se lakau makaikai e agina valevale i se matagi. 14  I te afiafi ko oko eiloa i te fakamataku. E ‵galo atu latou kae koi tuai o oko ki te tafataeao. Tenei te tusaga o latou kolā e ‵fao ne latou a ‵tou meaMo te vaega o latou kolā e kaisoa ne latou a ‵tou mea.

Fakamatalaga mai lalo

Epelu, “a sinu o tena foitino.”
Onoono ki te FP.
Io me “atua fakaa‵tea.”