Isaia 14:1-32

  • Ka nofo a Isalaelu i tena fenua tonu (1, 2)

  • Pati fakaitaita ki te tupu o Papelonia (3-23)

    • Ka tō ifo a te mainaga mai te lagi (12)

  • Ka tuki pala ne te lima o Ieova a te tino Asulia (24-27)

  • Se fekau ‵mafa e uiga ki Filisitia (28-32)

14  Me ka fakaasi atu ne Ieova te alofa fakamagalo ki a Iakopo,+ kae ka toe filifili ne ia a Isalaelu.+ Ka faka‵nofo ne ia latou* i te lotou fenua,+ kae ka fakatasi atu ki a latou a tino fakaa‵tea kae ‵nofo fakatasi mo te kāiga o Iakopo.+  Kae ka puke latou ne tino kae aumai latou ki te lotou koga tonu, kae ka fai ne te kāiga o Isalaelu a latou e pelā me ne tavini tāgata mo tavini fāfine+ i te fenua o Ieova; kae ka fai latou mo pule o tino kolā ne puke fakapagota ne latou a latou, ka ‵nofo mai lalo i te lotou pulega a latou kolā ne faimālō latou ke ga‵lue.*  I te aso e tuku atu ei ne Ieova ki a koutou a te malōlōga mai i te otou logo‵mae mo te ‵numi valevale mo galuega ‵mafa ne tuku atu ki a koutou e pelā me ne pologa,+  ka fai atu ne koutou a te faigamuna* tenei e uiga ki te tupu o Papelonia: “Ko oko mai te gataga o te tino telā ne faimālō ne ia a tino ke ga‵lue!* Ko oko mai te gataga o te pulega fakasaua!+   Ko oti ne ‵fati ne Ieova te tokotoko o tino amio ma‵sei,Te lakau a takitaki pule,+   Te tino telā e ‵ta faeloa ne ia mo te kaitaua a tino ki ana fusu,+Te tino telā e fakatakavale faeloa ne ia mo te ita a fenua ki fakasauaga.+   A te lalolagi kātoa ko malōlō, ko seai ne fakalavelave. A tino ko ‵tagi mo te fia‵fia.+   Ke oko ki lakau ko iunipa ko fia‵fia ona ko koe,Fakatasi mo alasi o Lepanona. Olotou muna, ‘Talu mai te taimi ne pakū ei koe,E seki ai eiloa se tino ‵kati lakau kai vau o ‵kati matou ki lalo.’   Ke oko ki te Tanuga* i lalo ko ua‵te valevaleKe fetaui mo koe ma vau koe. Ona ko koe, ko ‵fagu aka i ei a latou kolā e seai se lotou malosi i te mate,Ko takitaki pule fakasaua* katoa o te lalolagi. E fai i ei ko tupu katoa o atufenua ke ‵tu aka mai i olotou nofogaaliki. 10  A latou katoa e fai‵pati kae fai atu ki a koe,‘E a, ko vāivāi foki koe e penei mo matou? E a, ko ‵pau koe mo matou? 11  A tou fakamatamata ko oti ne tuku ifo ki lalo i te Tanuga,*Te ‵tagi o au kitala.+ A ilo ko oti ne ‵fola mai lalo o koe e pelā me se moega,Kae ko anufe ko tou sulukafu.’ 12  Ko oti koe ne tō ifo mai te lagi,E te mainaga, te tama tagata o te vaveao! Ko oti koe ne ‵kati ki lalo i te lalolagi,Ko koe telā ne fakatakavale ne koe a atufenua!+ 13  Ne fai aka koe i tou loto, ‘Ka fanaka au ki te lagi.+ Ka avaka ne au toku nofogaaliki mai luga atu i fetū o te Atua,+Kae ka sagasaga au ki lalo i te mauga o maopoopoga,I toe koga ‵mao i te feitu ki mātū.+ 14  Ka fanaka au mai luga atu o kaumana;Ka fai ne au ke ‵pau au mo te Atua Tafasili i te Maluga.’ 15  I lō te fai penā, ka tuku ifo koe ki lalo i te Tanuga,*Ki toe koga ‵poko o te lua. 16  A latou kolā e lavea ne latou koe ka ‵kilo atu ki a koe;Ka iloilo faka‵lei ne latou a koe, olotou muna,‘E a, tenei te tagata ne lūlū ne ia te lalolagi,Telā ne fai ne ia a malo ke pole‵pole,+ 17  Telā ne fai ne ia te lalolagi nofoaki mo fai se koga lavakiKae fakatakavale ana fakai,+Telā ne ita ma tuku atu ana pagota ke ‵foki ki olotou fale?’+ 18  A nisi tupu o atufenua,Ao, ko latou katoa, ne ta‵kato ki lalo mo te ‵malu,Ko tino taki tokotasi i olotou tanuga.* 19  Kae ko koe e ‵pei atu fua e aunoa mo se tanuga,E pelā me se kaula fakatakalialia,E fakapei ki foitino o tino kolā ne tamate ki te pelu,Kolā ne olo ki lalo i te lua fatu,E pelā me se foitino mate o se manu telā ne lakalaka ki lalo. 20  Ka se fakatasi atu koe ki a latou i te tanugaMe ne fakamasei eiloa ne koe tou fenua tonu,Ne tamate ne koe ou tino. A tama a tino amio matagā ka se mafai o toe taku atu olotou igoa. 21  Fakatoka se koga mo tamate ana tama tāgataOna ko mea ‵se a olotou tupuga,Ko te mea ke se ‵tu aka latou kae pule atu ki te lalolagiKae faka‵fonu te fenua ki olotou fakai.” 22  “Ka tu aka au o ‵teke atu ki a latou,”+ ko te folafolaga a Ieova o kautau. “Kae ka ‵solo ne au mai Papelonia a te igoa mo te ‵toega o tino mo tino ne ‵tupu mai i ei mo kautama i aso mai mua,”+ ko te folafolaga a Ieova. 23  “Kae ka fai ne au a Papelonia mo koga e ‵nofo i ei a kifota* mo se koga sua‵sua, kae ‵teu faka‵ma ne au a ia ki te ‵teu o te fakaseaiga,”+ ko te folafolaga a Ieova o kautau. 24  A Ieova o kautau ko oti ne tauto mai: “Ka tupu eiloa te mea ne manako au ki ei,Kae e pelā mo te mea ne fakaiku aka ne au, tenā eiloa te mea ka taunu. 25  Ka tuki pala ne au a te tagata Asulia i toku fenua,Kae ka lakalaka ne au a ia i luga i oku mauga.+ A tena amo ka ave kea‵tea mai i a latou,Kae ko tena amoga ka ave kea‵tea mai i olotou tuauma.”+ 26  Tenei te mea ko oti ne fakaiku aka e uiga ki te lalolagi kātoa,Kae tenei te lima telā ka ‵kapa atu* o taua ki atufenua katoa. 27  Me i a Ieova o kautau ko oti ne fai tena fakaikuga,Kae ko oi e mafai o fakaseaoga ne ia?+ A tena lima ko ‵kapa atu,Kae ko oi e mafai o toe fakafoki mai ne ia?+ 28  I te tausaga ne mate i ei te tupu ko Aasa,+ ne fai atu ei te fekau ‵mafa tenei: 29  “Ke mo a koe ma fiafia, e Filisitia, mo so se tino o koutou,Ona ko te tokotoko o te tino ne ta ne ia koe ko fati. Me mai te aka o te gata+ ka vau i ei se gata poisini,+Kae ko tena tama ka fai pelā me se gata e eva kae ‵ka pelā me se afi. 30  I te taimi e ‵kai ei a toekimua a tino ma‵laloKae ko tino ma‵tiva e ta‵kato mo te saogalemu,Ka fai ne au ou aka ke ‵mate i se oge,Kae ko te mea e ‵toe mai i a koutou ka tamate.+ 31  ‵Tagi fanoa‵noa, e mataloa! ‵Tagi ki luga, e fakai! A koutou katoa ka loto vāi‵vai, e Filisitia! Me ka vau se au mai i mātū,Kae e seai ne tino e takapili tuai i tena kautau.” 32  Ka tali atu pefea latou ki avefekau o atufenua? Me ko oti ne fakatakato ne Ieova te fakavae o Siona,+Kae ko tino ma‵lalo o tena fenua ka faka‵lafi i a ia.

Fakamatalaga mai lalo

Io me “tuku atu ki a latou se malōlōga.”
Io me “olotou tino fakatonutonu galuega.”
Io me “pati fakaitaita.”
Io me “te tino fakatonutonu galuega.”
Io me “Seoli,” telā ko te tanuga masani o tino. Onoono ki te FP.
Epelu, “ko kouti tāgata.”
Io me “Seoli,” telā ko te tanuga masani o tino. Onoono ki te FP.
Io me “Seoli,” telā ko te tanuga masani o tino. Onoono ki te FP.
Epelu, “fale.”
Se manu e pelā me se kimoa lasi telā e isi ne mea makai‵kai i tena tua e puipui ei a ia. I te ‵gana Palagi ko te porcupine.
Io me “ko toka o taua atu.”