Isaia 11:1-16

  • Te pulega amiotonu a te tamā kaula o Iese (1-10)

    • Ka ‵nofo tasi a te kuli vao mo te tamā mamoe (6)

    • Ka ‵fonu te lalolagi i te iloaga o Ieova (9)

  • Ka toe faka‵foki mai te ‵toega (11-16)

11  Ka ‵somo aka se tamā kaula+ mai te tafito o Iese,+Kae ko te somo+ mai i ana aka ka ‵fua mai i ei a fuataga.  Kae ko te agaga o Ieova ka nofo i luga i a ia,+Te agaga o te poto+ mo te malamalama,Te agaga o pati fakatonutonu mo te malosi,+Te agaga o te iloaga mo te mataku ki a Ieova.  Kae ka maua ne ia te fiafia i te mataku ki a Ieova.+ Ka se fai fua ana fakamasinoga e ‵tusa mo mea e lavea ki ana mata,Io me polopoloki ‵mafa e ‵tusa mo mea e lagona ki ana taliga.+  Ka fakamasino ne ia a tino ma‵lalo mo te ‵lei,*Kae e auala i te fai mea tonu ka polopoloki ‵mafa ne ia a nisi tino ona ko tino agamalu i te lalolagi. Ka ‵kini ne ia a te lalolagi ki te tokotoko o tena gutu+Kae tamate a tino amio ma‵sei ki te mānava* mai i ana laugutu.+  A te amiotonu ko te fusi i tena taugasulu,Kae ko te fakamaoni ko te fusi i ana kautega.+  A te kuli vao ka ‵nofo fakatasi mo te tamā mamoe,+Kae ko te tamā kouti ka ta‵kato fakatasi mo te lepoti,Kae ko te tamā pulumakau mo te leona mo te manu putaputa ka ‵nofo fakatasi;*+Kae ka takitaki latou ne se tamā tamaliki tagata.  A te pulumakau mo te pea ka ‵kai fakatasi,Kae ko olotou tama ka ta‵kato fakatasi. A te leona ka kai ki mouku e pelā mo te pulumakau tagata.+  A te tamaliki koi ū ka tafao i luga i te koga e nofo ei te gata,Kae ko te tamaliki ko se ū ka tuku tena lima i luga i te pūga o se gata poisini.  Ka seai ne fakamaseiga e fai ne latou+Io me se mea masei i toku mauga tapu kātoa,+Me i te lalolagi ka ‵fonu eiloa i te iloaga o IeovaE pelā mo vai e ‵fonu i ei te tai.+ 10  I te aso tenā, a te aka o Iese+ ka tu aka e pelā me se fakailoga mō tino.+ Ka ‵fuli atu ki a ia a atufenua mō se takitakiga,*+Kae ko tena koga malōlō ka fai pelā me se koga ‵malu. 11  I te aso tenā, ka toe tuku atu ne Ieova tena lima i te lua o taimi, ke toe faka‵foki mai ne ia a te ‵toega o ana tino kolā ne ‵toe mai i Asulia,+ mai i Aikupito,+ mai i Patalosa,+ mai i Kusi,+ mai i Elama,+ mai i Sina,* mai i Hamata kae mai i fenua fo‵liki o te tai.+ 12  Ka fakatu aka ne ia se fakailoga mō atufenua kae fakamaopoopo mai a tino o Isalaelu kolā ne salalau atu,+ kae ka fakamaopoopo fakatasi mai ne ia a tino o Iuta kolā ne salalau valevale mai i feitu e fa o te lalolagi.+ 13  A te loto masei o Efalaima ka galo atu,+Kae ko latou kolā e fakaasi atu te lotou ‵teke ki Iuta ka fakaseai atu. A Efalaima ka se loto masei ki Iuta,Kae ka se toe ‵teke atu a Iuta ki Efalaima.+ 14  Kae ka ‵tele ifo latou mai i ‵sifoga o Filisitia i te feitu ki togala;Kae ka kaisoa fakatasi ne latou a mea a tino mai Saegala. Ka ‵kapa atu olotou lima o taua atu ki* Etoma+ mo Moapi,+Kae ko tino Amoni ka pule ne latou.+ 15  Ka vaevae* ne Ieova te kogā tai o te tai o Aikupito+Kae sisi atu tena lima i luga i te Vaitafe.*+ E auala i te ‵vela o tena mānava* ka ta ei ne ia latou i loto i ana vaitafe e fitu,Kae ka fai ne ia a tino ke sa‵sale i olotou taka ki te suā feitu. 16  Kae ka isi se auala lasi+ ki tua mai Asulia mō te ‵toega o ana tino kolā e ‵toe mai,+E pelā eiloa mo Isalaelu i te aso ne vau ei a ia ki tua mai te fenua o Aikupito.

Fakamatalaga mai lalo

Io me “amiotonu.”
Io me “agaga.”
Io me kāti, “Kae ko te tamā pulumakau mo te leona ka ‵kai fakatasi.”
Io me “Ka ‵sala atu a atufenua ki a ia.”
Telā ko Papelonia.
Io me “fakaoko atu te lotou pulega ki luga i.”
Io me “faka‵masa.”
Telā ko te Eufilate.
Io me “agaga.”