Isaia 10:1-34
10 Kalofa eiloa i a latou kolā e fai ne latou a tulafono fo‵liki kae fakalogo‵mae,+Kolā e tusitusi faeloa ne latou a fakatonuga ‵mafa,
2 Ke se talia ei ne latou a tagi a tino ma‵tiva,
Ke se fai a fakamasinoga ‵tonu ki oku tino ma‵lalo,+E fai a fāfine ko ‵mate olotou avaga e pelā fua me ne mea ne maua mai i te tauaKae ko tama‵liki kolā e seai ne olotou tamana e pelā fua me ne tino ne kaisoa mai!+
3 Se a te mea ka fai ne koutou i te aso e fai ei te fakamasinoga,*+I te taimi e oko mai ei te fakamaseiga mai i se koga ‵mao?+
Ko oi te tino ka ‵tele koutou ki ei mō se fesoasoani,+Kae tefea te koga ka tuku ne koutou i ei otou koloa?*
4 E seai se mea e ‵toe kae na ko te totuli atu fua i va o pagotaIo me siga atu ki luga i tino kolā ne tamate.
I te ‵kilo atu ki mea katoa konei, a tena kaitaua ne seki mafuli eiloa,Kae koi ‵kapa atu eiloa tena lima o ‵ta latou.+
5 “Kiloke! ko te tino Asulia,+Ko te tokotoko ke fakaasi atu ei toku kaitaua+Mo te lakau i olotou lima e fakaoko atu ei taku fakasalaga!
6 Ka uga atu ne au a ia ke taua ki se fenua aposetate,+Ke taua ki tino kolā ne fai ne latou au ke kaitaua;Ka fakatonu ne au a ia ke puke ke uke a mea ne maua mai i te taua mo mea ne kaisoa maiKae ke lakalaka ki lalo a tino konā e pelā me ne pela i auala.+
7 Kae e se tenei te mea ne manako a ia ki eiKae e se tenei foki te aofaga i tena loto;Me e manako tena loto ke fakaseai atu,Ke ‵kati kea‵tea a atufenua e uke, kae e se ko nai atufenua fua.
8 Me e fai mai a ia,‘E a, aku pelenise e se ne tupu katoa?+
9 E a, e se fai a Kalino+ e pelā mo Kakemisa?+
E a, e se fai a Hamata+ e pelā mo Apaata?+
E a, e se fai a Samalia+ e pelā mo Tamaseko?+
10 Ko oti ne puke ne toku lima a malo o atua sē aoga,Kolā e uke atu olotou tupua faite i lō Ielusalema mo Samalia!+
11 E a, ka se fai foki ne au ki Ielusalema mo ana tupuaA te mea ne fai ne au ki Samalia mo ana atua sē aoga?’+
12 “Kafai ko palele a galuega katoa a Ieova i luga i te Mauga o Siona mo Ielusalema, ka fakasala ne Ia te tupu o Asulia ona ko tena loto sē āva kae fakamatamata mo ana mata fia sili.+
13 Me ne fai mai a ia,
‘Ka fai ne au te mea tenei e auala i te malosi o toku limaMo toku poto, me i a au e poto.
Ka ave kea‵tea ne au a tuakoi o tino+Kae kaisoa olotou koloa,+Kae ka fakatakavale ne au a tino e pelā me se tino mafi.+
14 E pelā me se tagata e ‵kapa atu tena lima ki se ofaga o se manu,Ka puke atu eiloa toku lima ki koloa o tino;Kae e pelā me se tino e fakamaopoopo mai ne ia a fuamoa kolā ne tiaki,Ka fakamaopoopo mai eiloa ne au a te lalolagi kātoa!
Ka seai se manu eva e kapatā ana kapakau io me fakamaga tena gutu io me tagitagi.’”
15 E a, ka fakamaluga aka ne te takū a ia eiloa i luga i te tino e fakaaoga ne ia te mea tenā?
E a, ka fakamaluga aka ne te soa a ia eiloa i luga i te tino e fakaaoga ne ia te mea tenā?
E a, e mafai ne te tokotoko+ o tatalo atu ki te tino e sau aka ne ia te mea tenā ki luga?
Io me e a, e mafai ne se tokotoko o sau aka se tino e seki faite ki lakau?
16 Tela la, a te Aliki tonu ko Ieova o kautau,Ka fai ne ia ke gasolo o vāi‵vai ana tino puta‵puta,+Kae mai lalo i tena ‵malu ka fai ne ia ke ‵ka se afi.+
17 A te Mainaga+ o Isalaelu ka fai pelā me se afi,+Kae ko tena Atua Tapu se ulaga o te afi;Ka ula aka kae ‵ka i ei ana mouku ma‵sei mo vao lakau talatala i te aso eiloa e tasi.
18 Ka fakaseai fakavave ne ia a te ‵malu o tena togavao mo tena vao lakau kaina;Ka fai eiloa e pelā me se tagata masaki ko gasolo ifo o vāivāi.+
19 Kae ko te ‵toega o lakau i tena togavao,Ka mu‵tana fua, telā ko mafai ei o tusi ki lalo ne se tamaliki tagata.
20 I te aso tenā a tino kolā ne ‵toe mai i IsalaeluMo tino i te kāiga o Iakopo kolā ne ‵saoKa se toe fakalagolago atu eiloa ki te tino ne ta ne ia latou;+Kae ka fakalagolago atu latou mo te fakamaoni ki a Ieova,Te Atua Tapu o Isalaelu.
21 Se ‵toega fua ka toe ‵foki mai,Ko te ‵toega o Iakopo, ki te Atua Malosi.+
22 Me e tiga eiloa e fai ou tino, e Isalaelu,E pelā mo one i te tai,Se ‵toega fua o latou ka ‵foki mai.+
Ko oti ne fakaiku aka te fakaseaiga,+Kae ka fai ki a latou a te fakamasinoga tonu.*+
23 Ao, a te fakaseaiga telā ko oti ne fakaiku aka ne te Aliki Sili, ko Ieova o kautau,Ka fakaoko atu ki te fenua kātoa.+
24 Tela la, konei a pati ne fai mai ne te Aliki Sili, ko Ieova o kautau: “Sa ma‵taku e oku tino kolā e ‵nofo i Siona, ona ko te tino Asulia, telā ne masani o ‵ta ne ia koutou ki te tokotoko+ kae sisi sāle aka tena tokotoko o taua atu ki a koutou e pelā mo te mea ne fai ne Aikupito.+
25 Me i se taimi pili mai ka gata atu ei te fakamaseiga; kae ka saga atu a toku kaitaua ki a ia kae ka fakaseai atu ei a ia.+
26 Kae ko Ieova o kautau ka ‵kini ne ia a ia,+ e pelā mo te fakatakavalega ne ia a Mitiana i te kaupapa o Olepaa.+ Kae ko tena tokotoko ka sisi i luga i te tai, kae ka fakatu aka ne ia ki luga e pelā mo te mea ne fai ne ia ki Aikupito.+
27 I te aso tenā ka tō kea‵tea tena amoga mai tou tuauma,+Mo tena amo mai tou ua,+Kae ka fati te amo ona ko te sinu.”+
28 Ne vau a ia ki Aiata;+Ne ulu atu a ia i loto i Mikilone;Ne tuku ne ia ana kope i Mekemase.+
29 Ne olo atu latou i te asaga;Ne ‵moe latou i te po i Kepa,+Ko polepole a Lama, a Kipea,+ telā ko te fakai o Saulo, ko tele kea‵tea.+
30 Tagi kae pakalaga atu, e te tama fafine o Kalima!
Saga tonu atu, e Laisaa!
Fakaalofa la a Anatota!+
31 A Matamena ko tele kea‵tea.
A tino Kepima ko ‵sala ki se koga ke ‵malu i ei.
32 I te aso eiloa tenei ka taofi a ia i Nopa.+
E lūlū atu tena fusu ki te mauga o te tama fafine o Siona,Te tamā mauga o Ielusalema.
33 Kiloke! A te Aliki tonu, ko Ieova o kautau,Ko ‵kati ne ia a kaula ke ‵to ki lalo;+A toe lakau ‵loa eiloa ko ‵kati ki lalo,Kae ko lakau ma‵luga ko oti ne fakama‵lalo ifo.
34 E ta ne ia ki lalo a vao lakau o te togavao ki se mea faigaluega fiti,*Kae ko Lepanona ka takavale e auala i se tino malosi.
Fakamatalaga mai lalo
^ Io me “fakasalaga.”
^ Io me “‵malu.”
^ Io me “fakasalaga.”
^ Io me “se takū.”
