Iopu 22:1-30
22 Ne tali atu a Elifasa+ te tino Timanu:
2 “E a, e mafai o aoga se tagata ki te Atua?
E a, e mafai o aoga ki a ia se tino telā e ‵loto tena malamalama?+
3 E a, e saga mai te Atua Malosi Katoatoa* ki a koe māfai koe e amiotonu,Io me e isi sena mea e maua ona ko tou tautali i te auala o te fakamaoni?+
4 E a, ka fakasala ne ia koeKae ulu fakatasi atu mo koe ki loto i te fakamasinoga ona ko tou āva ki te Atua?
5 E a, e se fai penā ona ko te uke o au mea ma‵seiKae e seai se gatamaiga ki au mea ‵se?+
6 Me ne ‵fao ne koe mai i ou taina a mea kolā ne tauto koe ki ei e aunoa mo se pogai,Kae tapale ne koe a gatu o tino kae tuku ke ‵nofo fuafua.*+
7 E se tuku ne koe ki tino fi‵ta ne vai mō inu,Kae taofi ne koe a meakai mai tino fia‵kai.+
8 A te laukele i o te tagata malosi,+Kae ko te tino telā e taulia e nofo i ei.
9 Ne uga kea‵tea ne koe a fāfine ko ‵mate olotou avaga e aunoa mo ne mea,Kae tuki palapala ne koe a lima o tama‵liki e seai ne olotou tamana.
10 Tenā te pogai e sikomia ei koe ne malei,*+Kae mataku koe i mea fakama‵taku;
11 Tenā te pogai ko pouli malosi ei ko se mafai o lavea ne koe se mea,Kae ko ufi koe ne se lofiaga o vai.
12 E a, e se nofo te Atua i koga ma‵luga o te lagi?
Kae kilo aka ki te ma‵luga o fetū katoa.
13 Kae ne fai mai koe: ‘Se a te mea e iloa ne te Atua?
E a, e mafai o fai tena fakamasinoga i loto i se pouliga matolu?
14 E ‵pono a ia ne kaumana ko se lavea ei ne ia se meaI te taimi e sasale ei a ia i te pukupukuga o te lagi.’
15 E a, ka tautali koe i te auala muaTelā ne sa‵sale i ei a tāgata ma‵sei,
16 Ko tāgata kolā ne puke fakavave* mai mua o te lotou taimi,Kolā ne ‵tafe kea‵tea te lotou fakavae i se lofiaga?*+
17 Ne fai atu latou ki te Atua tonu: ‘Tuku malie matou!’
Kae ‘Se a te mea e mafai ne te Atua Malosi Katoatoa o fai ki a tatou?’
18 Kae ko ia eiloa te Atua telā ne faka‵fonu ne ia olotou fale ki mea ‵lei.
(A mafaufauga ma‵sei penā e ‵mao ‵ki mai toku mafaufau.)
19 Ka lavea ne tino amio‵tonu a te mea tenei kae fia‵fia,Kae ko tino e seai ne mea ‵se ka fakatauemu ki a latou kae fai aka:
20 ‘A ‵tou fili ko oti ne fakaseai,Kae ko mea a latou e ‵toe mai ka ‵ka i te afi.’
21 Fai ke iloa ne koe a Ia, kae ka filemu koe;Tenā ko oko mai ei a mea ‵lei ki a koe.
22 Ke talia a tulafono mai tena gutu,Kae tausi ana pati i tou loto.+
23 Kafai e toe foki koe ki te Atua Malosi Katoatoa ka toe fakamalosi aka koe;+Kafai e ave kea‵tea ne koe te sē amiotonu mai tou faleie,
24 Kafai e ‵pei ne koe au aulo ki te ‵pefuMo aulo o Ofeila+ ki loto i vanu fatufatua,
25 Tenā ko fai ei te Atua Malosi Katoatoa mo fai tau aulo,Kae ka fai a ia mo fai tau siliva tafasili i te ‵lei.
26 Tenā ko fiafia ei koe ki te Atua Malosi Katoatoa,Kae ka kilo aka ou mata ki te Atua.
27 Ka fakatagi atu koe ki a ia, kae ka lagona ne ia koe;Kae ka fakataunu ne koe au tautoga.
28 So se mea e fakaiku ne koe ke fai ka manuia eiloa,Kae ka maina atu te mainaga ki tou auala.
29 Me i a koe ka fakamasiasi eiloa māfai koe e faipati fakamatamata,Kae ka fakasao ne ia a te tino loto maulalo.
30 Ka faka‵sao ne ia a latou kolā e seai ne olotou mea ‵se;Tela la, kafai ou lima e ‵ma, ka fakasao eiloa koe.”
Fakamatalaga mai lalo
^ Io me “E a, ka fiafia te Atua Malosi Katoatoa.”
^ Epelu, “tapale kea‵tea a gatu o tino e ‵nofo fuafua.”
^ Epelu, “malei o manu eva.”
^ Io me “kolā ne ‵kati ‵mutu olotou ola.”
^ Epelu, “vaitafe.”
