Iopu 14:1-22

  • Ko faka‵soko te tali a Iopu (1-22)

    • A te tagata e toetoe tena ola kae ‵fonu i fakalavelave (1)

    • “I te lakau e isi foki sena fakamoemoega” (7)

    • “Ka faka‵muni ne koe au i te Tanuga!” (13)

    • “Kafai e mate se tagata, e mafai o toe ola mai a ia?” (14)

    • Ka manako malosi te Atua ki galuega a ana lima (15)

14  “A te tagata ne fanau mai ne te fafine,E toetoe tena ola+ kae ‵fonu i fakalavelave.+   E tupu aka a ia e pelā me se pulalakau ko magemage ei;*+E tele kea‵tea a ia e pelā me se ata ko galo atu ei.+   Ao, ko oti ne faka‵toka atu ou mata ki luga i a ia,Kae aumai ne koe a ia* ke fakamasino ne koe.+   Ko oi e mafai o fanau mai ne ia se tino ‵ma mai se tino sē ‵ma?+ E seai se tino e mafai ne ia!   Kafai ko oti ne fakaiku aka ana aso,A te aofaki o ana masina e nofo mo koe;Ko oti ne fai ne koe se tapula mō ia ko te mea ke se mafai o mumea atu ki mua.+   Kilo fakaa‵tea mai i a ia ko te mea ke mafai o malōlō a ia,Ke oko ki te taimi ko palele ei tena aso+ e pelā me se tino galue ‵togi.   Me i te lakau e isi foki sena fakamoemoega. Kafai e ‵kati ki lalo, ka toe ‵somo aka,Kae ko ana tamā kaula ka ola faeloa.   Kafai ko ma‵tua ana aka i lalo i te laukeleKae ko tena tafito e mate i luga i te one,   I te motiga fua o te vai ka toe ola aka ei;Kae ka toe ‵somo aka ana kaula e pelā eiloa me se lakau fou. 10  Kae ko te tagata e mate ko takato ei e aunoa mo se malosi;Kafai ko mate se tino, tefea a ia?+ 11  A vai e ‵galo mai i te tai,Kae ko te vaitafe e tafe kea‵tea, ko masa ei. 12  A te tagata e takato foki ki lalo kae e se toe tu aka ki luga.+ Ke oko ki te taimi ko se toe ai ei se lagi, ka se toe ala aka eiloa latou,Io me ‵fagu aka latou mai te moe.+ 13  Me ka faka‵muni ne koe au i te Tanuga,*+Me ka ‵funa ne koe au ke oko ki te taimi ko seke ei tou kaitaua,Me ka fakatoka ne koe se tapula mō oku kae masaua mai au!+ 14  Kafai e mate se tagata, e mafai o toe ola mai a ia?+ Ka faka‵tali au i aso katoa e nofo pologa ei au*Ke oko ki te taimi e fakasaoloto ei au.+ 15  Ka kalaga mai koe, kae ka tali atu au ki a koe.+ Ka manako malosi koe ki galuega a ou lima. 16  Kae nei la, e lau eiloa ne koe oku kalafaga;E kilo mai fua koe ki taku agasala. 17  A taku amioga solitulafono e ‵pono faka‵mau i loto i se ato,Kae faka‵mau ne koe a taku mea ‵se ki se kulū. 18  Kafai e siga se mauga kae takafili kea‵tea,Mo se kaupapa ko unu kea‵tea mai te koga ne tu i ei, 19  Kafai ko kaina a fatu ne vaiKae ko ‵tafe i ei a one i te laukele,Ko fakaseai ei ne koe te fakamoemoega o te tagata. 20  E pule atu faeloa koe ki a ia ke oko ki te taimi ko mate ei;+E ‵fuli ne koe ana foliga, kae uga atu ne koe ke fano. 21  Ana tama tāgata e fakaaloalogina, kae e se iloa ne ia;E fakamalalogina latou, kae e se iloa ne ia.+ 22  Ka lagona fua ne ia te ‵mae i te taimi koi ola ei a ia;E fanoanoa fua a ia i te taimi koi ola ei a ia.”

Fakamatalaga mai lalo

Io me kāti, “ko ‵kati ei kea‵tea.”
Epelu, “au.”
Io me “Seoli,” telā ko te tanuga masani o tino. Onoono ki te FP.
E fakatusa ki te nofo pologa i te mate.