Iopu 10:1-22

  • Ko toe faka‵soko atu te tali a Iopu (1-22)

    • ‘Kaia e fakataufai mai ei te Atua ki a au?’ (2)

    • Ko fakatusatusa a te Atua ki te tagata ko Iopu (4-12)

    • ‘Ke maua ne au se tokagamalie’ (20)

10  Au e takalialia ki toku ola.+ Ka fakaasi ‵tonu atu ne au aku fameo. Ka faipati au ona ko toku loto mafatia!   Ka fai atu au ki te Atua: ‘Sa taku au me se tino fai mea ‵se. Fai mai ki a au me kaia e fakataufai mai ei koe ki a au.   E mata, se mea ‵lei ki a koe ke pule fakasaua mai ki a au,Ke fakaseaoga a galuega ne fai ne ou lima+Kae talia ne koe a pati fakatonutonu a tino ma‵sei?   E isi ne ou mata pelā mo mata o te tino,Io me e ‵pau tau kilo mo te kilo a te tagata?   E a, e ‵pau ou aso mo aso o te tagata,Io me e ‵pau ou tausaga mo tausaga o se tagata,+   Ko te mea ke ‵sala koe ki taku mea ‵seKae salasala faeloa ki taku agasala?+   E iloa ne koe i a au e sē ‵se;+Kae e seai se tino e mafai o fakasao ne ia au mai tou lima.+   Ko ou lima ne fakafoliga kae faite ei au,+Kae nei ka fakaseai katoatoa ne koe au.   Fakamolemole, ke masaua, me ne faite ne koe au mai te kele,+Kae nei ko fakafoki ne koe au ki te ‵pefu.+ 10  E a, ne seki ‵ligi ne koe au ki tua e pelā me se susuKae ‵vae au kea‵tea pelā me se susu makeke? 11  Ne fakapei ne koe au ki pa‵kili mo ‵kano,Kae ‵laga fakatasi ne koe au ki ivi mo uaua.+ 12  Ne tuku mai ne koe ki a au te ola mo te alofa fakamaoni;Ne puipui ne koe toku agaga* ki tou atafai.+ 13  Kae isi se manakoga ‵funa i a koe ke fai a mea konei.* E iloa ne au me i mea konei ne maua mai i a koe. 14  Kafai e agasala au, e kilokilo mai koe ki a au,+Kae e se fakasao ne koe au mai taku mea ‵se. 15  Kafai au e ‵se, ko fakaalofa eiloa au! Kae kafai e seai soku ‵se, e se mafai o kilo aka toku ulu ki luga,+Me i a au ko ‵fonu i te masiasi mo te puapuaga.+ 16  Kafai e kilo aka toku ulu ki luga, e ‵sala eiloa koe ki a au e pelā me se leona+Kae toe fakaasi tou ‵mana o ‵teke mai ki a au. 17  E aumai ne koe a molimau ‵fou o ‵teke mai ki a auKae momea aka tou kaitaua ki a au,E oko mai ki a au a mea faiga‵ta e uke. 18  Tela la, kaia ne aumai ei ne koe au ki tua mai te moegatama?+ Ne ‵tau eiloa au o mate koi tuai o lavea au ne se mata. 19  E pelā eiloa au me ne seki ola mai;Moi penei e ave ‵tonu eiloa au mai te moegatama ki te tanuga.’ 20  E a, e se mu‵tana oku aso?+ Fai aka ki ei ke tuku malie au;Fai ke ‵fuli kea‵tea ana mata mai i a au, ko te mea ke maua ne au se tokagamalie*+ 21  Koi tuai au o fano kea‵tea—kae ka se toe foki mai au+Ki te fenua o te pouli tagataga,*+ 22  Ki te fenua o te pouliga lasi, Se fenua e lasi te ata o te pouliga i ei mo te fai valevale,Te koga telā e fai foki i ei a te mainaga e pelā me se pouliga.”

Fakamatalaga mai lalo

Io me “mānava; ola.”
Epelu, “Kae ko mea konei ne ‵funa ne koe i tou loto.”
Io me “ke fiafia malie aka.”
Io me “pouliga mo te ata o te mate.”