Ioelu 2:1-32

  • Te aso o Ieova mo tena kautau lasi (1-11)

  • Ko te kalaga ke toe ‵foki ki a Ieova (12-17)

    • “‵Sae otou loto” (13)

  • Te tali a Ieova ki ana tino (18-32)

    • “Ka ‵ligi atu ne au toku agaga” (28)

    • Mea fakaofoofogia i te lagi mo te lalolagi (30)

    • Ko latou kolā e ka‵laga ki te igoa o Ieova ka ‵sao (32)

2  “Ili se pu i Siona!+ Kalaga te kalaga o te taua i toku mauga tapu. Ke pole‵pole eiloa a tino katoa e ‵nofo i te fenua,*Me i te aso o Ieova ka oko mai!+ Ko pili mai eiloa!   Se aso pouli kae fakamalumalu,+Se aso kaumanā kae pouli tagataga,+E pelā mo te mainaga o te vaveao e sulu atu ki mauga. E isi se fenua e tokouke a tino i ei kae ma‵losi;+E seki ai eiloa se fenua penei i aso mua,Kae ka se toe ai foki eiloa se isi fenua peneiI loto i tausaga o kautama katoa.   E fakamasei ne se afi a mea i olotou mua,Kae ko mea katoa i olotou tua e ‵ka i te ulaga o se afi.+ A te fenua i mua o latou e fai pelā mo te fatoaga o Etena,+Kae mai tua o latou se koga lavaki fua ko oti ne fakamaseigina,Kae e seai eiloa se mea i ei e mafai o sao.   Olotou foliga e pelā mo foliga o solofanua,Kae e ‵tele latou e pelā mo solofanua o te taua.+   A te ‵tagi e fai pelā mo te ‵tagi o kaliota māfai ko ‵tele i luga i taulu o mauga,+E pelā mo te pakēkē o se afi ‵ka telā e ‵sunu i ei a mouku ma‵lō. Ko pelā eiloa mo se fenua malosi ko ‵kau fakatasi o olo atu ki te taua.+   Ona ko latou, ka mafatia valevale ei a tino. A mata katoa ka kula i te ma‵taku.   E ‵tele atu latou e pelā me ne toa ‵mafi,E ‵kake latou i se ‵pui e pelā me ne sotia,A tino taki tokotasi e olo atu eiloa i olotou auala,Kae e se olo kea‵tea mai i olotou auala.   E se ‵tule ne te suā tino a te suā tino;A tāgata taki tokotasi e olo atu eiloa i olotou auala. Kafai e fai ne se meatau ke siga se tino,E se ofa eiloa ne nisi tino a fakatonuga.   E ‵tele fakavave atu latou ki loto i te fakai, e ‵tele latou i luga i te ‵pui. E ‵kake latou ki loto i fale, e ulu atu latou i famalama e pelā me se tino kaisoa. 10  A te laukele e polepole kae ko te lagi e gasuesue i mua o latou. A te la mo te masina ko pouli,+Kae ko fetū ko se maina. 11  A te leo o Ieova ka momea aka ki luga i mua o tena kautau,+ me i tena kautau e tokouke ‵ki.+ Me i te tino e fakataunu ne ia Tena fakatonuga e malosi ‵ki;Me i te aso o Ieova e sili kae fakamataku.+ Ko oi e mafai o kufaki i ei?”+ 12  “Ke oko mai ki te taimi nei,” ko te folafolaga a Ieova, “‵foki mai ki a au mo otou loto kātoa,+Fakatasi mo te fakalikiliki+ mo te ‵tagi mautuutu mo te ‵tagi fanoa‵noa. 13  ‵Sae otou loto,+ kae e se ko otou gatu,+Kae ‵foki ki a Ieova te otou Atua, Me i a ia e alofa atafai kae alofa fakamagalo, e tuai o ita+ kae ‵fonu i te alofa fakamaoni,+ Kae ka toe mafaufau a ia ki te fakalavelave tenā. 14  Ko oi e iloa ne ia me ka foki mai a ia kae toe mafaufau ki ei+ Kae tuku atu se fakamanuiaga,Se taulaga meakai mo se taulaga meainu ma Ieova te otou Atua? 15  Ili se pu i Siona! Folafola atu ke fai se fakalikilikiga; fakailoa atu ke fai se maopoopoga ‵malu.+ 16  Fakamaopoopo mai a tino; fakatapu te fakapotopotoga.+ Fakamaopoopo fakatasi a toeaina ma‵tua; fakamaopoopo mai a tama‵liki mo pepe koi ū.+ A te tagata fatoa fakaipoipo ke vau ki tua mo tena potu tafa ki loto, mo te fafine fatoa fakaipoipo ke vau ki tua mo tena potu. 17  I te va o te fakaosoga mo te fatafaitaulaga+E ‵tagi mautuutu i ei a faitaulaga, ko tavini a Ieova, kae fai atu: ‘Ieova, ke alofa mai koe ki ou tino;Sa fai ne koe tou tofi e pelā me se mea fai fa‵kata,Kae ke pule latou ne nisi atufenua. Kaia e ‵tau ei o fai atu a tino, “Tefea te lotou Atua?”’+ 18  Tenā ka fesoasoani atu ei a Ieova mo te loto finafinau ki tena fenuaKae fakaasi atu ne ia te alofa atafai ki ana tino.+ 19  Ka tali atu a Ieova ki ana tino: ‘Ko avatu nei ne au ki a koutou a saito mo te uaina fou mo sinu,Kae ka ma‵kona eiloa koutou;+Ka se toe fai ne au koutou e pelā me se mea fakatakalialia ki atufenua.+ 20  Ka afuli ne au te tino e nofo i te feitu ki mātū ke ‵mao ‵ki mai i a koutou;Ka fakasalalau atu ne au a ia i se fenua e seai ne vai i ei kae e se aoga,Fakatasi mo tena kautau tafa ki mua e saga atu ki te feitu ki saegala o te tai.* Kae ko tena leoleo tafa ki tua e saga atu ki te feitu ki togala o te tai.* A te manogi ‵pou mai i a ia ka gasolo aka,A te manogi elo mai i a ia ka gasolo aka faeloa ki luga;+Me ka fai ne Ia a mea fakaofoofogia.’ 21  Sa mataku, e te fenua. Ke ‵lifu kae fia‵fia, me ka fai ne Ieova a mea fakaofoofogia. 22  Sa ma‵taku koutou e manu fe‵kai o te vao,Me i laukele moukuā o te koga lavaki ka lanu launiu,+Kae ko lakau ka ‵fua mai i ei a fuagalakau;+A te lakau ko te mati mo te vine e ‵tau o ‵fua malosi.+ 23  Koutou e tama tāgata a Siona, ke ‵lifu kae fia‵fia i a Ieova te otou Atua;+Me ka tuku atu ne ia te aofaki ‵tau o vaiua i te tau e ‵to ei a lau o lakau,Kae ka aumai ne ia ki a koutou se vaiua ‵lotuKo te vaiua i te tau e ‵to ei a lau o lakau mo te vaiua i te tau e ‵somo ei a lau o lakau, e pelā eiloa mo taimi muamua.+ 24  A te koga solo saito ka ‵fonu eiloa i saito ‵ma,Kae ko mea ‵tau uaina ka ‵fonu i te uaina fou mo sinu.+ 25  Kae ka fai ne au ke ‵togi atu a mea konei ki a koutou ona ko tausaga Ne kai ei otou mea ne te mumuga seakelise, seakelise e seai ne kapakau, seakelise fe‵kai mo seakelise fakamasei mea,Ko taku kautau lasi telā ne uga atu ne au ki a koutou.+ 26  A koutou ka ‵kai eiloa ke ma‵kona,+Kae ka ‵viki atu koutou ki te igoa o Ieova te otou Atua,+Telā ne fai ne ia a mea fakaofoofogia mō koutou;Ka se toe fakamasiasi eiloa oku tino.+ 27  Kae ka iloa ei ne koutou me i a au e nofo i te kogaloto o Isalaelu+Kae ko au ko Ieova te otou Atua+—e seai aka foki se isi atua aka! Ka se toe fakamasiasi eiloa oku tino. 28  Fakamuli ifo, ka ‵ligi atu ne au toku agaga+ ki luga i vaegā tino valevale,Kae ko otou tama tāgata mo tama fāfine ka ‵valo fakapelofeta,Otou toeaina ka fai moemiti,Kae ko otou tamataene ka lavea ne latou a fakaasiga.+ 29  Ka ‵ligi atu ne au ki luga i aku pologa tāgata mo pologa fāfineA toku agaga i aso konā. 30  Kae ka fakaasi atu ne au a mea fakaofoofogia i te lagi mo te lalolagi,Te toto mo te afi mo ausaga ma‵tolu.+ 31  A te la ka pouli kae ka liu toto te masina+Koi tuai o oko mai te aso lasi kae fakamataku o Ieova.+ 32  Kae ko tino katoa kolā e ka‵laga ki te igoa o Ieova ka ‵sao;+Me i luga i te Mauga o Siona mo Ielusalema ka isi ne tino kolā ka ‵sao,+ e pelā eiloa mo pati a Ieova ne fai,A tino ne ‵sao ko tino kolā ne kalaga atu ki ei a Ieova.”

Fakamatalaga mai lalo

Io me “lalolagi.”
Telā ko te Tai Mate.
Telā ko te Tai Metitilani.