Te Tusi a Ioane 12:1-50

  • Ko ‵ligi ne Malia te sinu ki vae o Iesu (1-11)

  • Ko ulu atu Iesu mo te manumalo (12-19)

  • Ko ‵valo mai ne Iesu tena mate (20-37)

  • A te sē lava o te fakatuanaki o te kau Iutaia e fakataunu ei se valoaga (38-43)

  • Ne vau a Iesu o faka‵sao te lalolagi (44-50)

12  E ono aso mai mua o te Paseka kae oko atu a Iesu ki Petania, te koga ne nofo i ei a Lasalo+ telā ne fakatu aka ne Iesu mai te mate.  Tenā ne fai ei ne latou se ‵kaiga mō Iesu i te afiafi tenā, kae ne laulau ne Maleta a meakai,+ kae ko Lasalo se tokotasi o tino kolā ne ‵kai* fakatasi mo ia.  Ne puke ne Malia se pauna* o te sinu manogi ne faite mai te tinā nato, e ‵togi ‵mafa ‵ki, kae ‵ligi ne ia ki vae o Iesu, kae ‵solo ana vae ki ana laulu. Ne pusaki atu te manogi o te sinu tenā ki te fale kātoa.+  Kae ko Iuta te Isikaliota,+ se tokotasi o ana soko, telā ko pili o fakatogafiti ne ia a Iesu, ne fai atu penei:  “Kaia e se fakatau atu ei a te sinu manogi tenei ki se 300 tenali* kae tuku atu ki tino ma‵tiva?”  Ne seki fai atu ne ia a pati konei ona ko tena manavase ki tino ma‵tiva, kae ona ko ia se tino kaisoa kae ne nofo mo te pokisi tupe, ne kaisoa sāle ne ia a tupe kolā e lafo atu ki ei.  Ne fai atu a Iesu: “Tuku malie ei a ia, ko te mea ke fai ne ia te fakamanatuga tenei mō te aso e tanu ei au.+  Me e ‵nofo faeloa koutou mo tino ma‵tiva,+ kae ko au e se ‵nofo faeloa mo koutou.”+  I te taimi eiloa tenā, ne iloa ne se vaitino o tino Iutaia i a Iesu ko nofo i konā, olo atu ei latou, e se ona fua ko Iesu kae ke lavea foki ne latou a Lasalo telā ne fakatu aka ne ia mai te mate.+ 10  Ne fai a aofaga a faitaulaga pule ke tamate foki ne latou a Lasalo, 11  me ko ia ne ala ei o tokouke a tino Iutaia ne olo atu ki konā kae fakatuanaki ki a Iesu.+ 12  I te suā aso, ne ‵logo a te vaitino kolā ne olo atu ki te fakamanatuga i a Iesu ko vau ki Ielusalema. 13  Ne puke ne latou a kaula o lakau ko te pama kae olo atu o fakafetaui ki a ia kae kamata o paka‵laga atu penei: “Matou e ‵talo ke fakaola koe! Ke manuia a te tino telā e vau i te igoa o Ieova,*+ te Tupu o Isalaelu!”+ 14  I te mauaga ne Iesu se tamā asini ne sagasaga a ia i luga i ei,+ e pelā eiloa mo muna ne tusi i te tusi: 15  “Sa mataku, e te tama fafine o Siona, ‘Kiloke! A tou tupu ko vau ki a koe, e sagasaga i luga i se tamā asini.”+ 16  Ne seki malamalama ana soko i mea konei i te taimi muamua, kae i te taimi ne faka‵malugina ei a Iesu,+ masaua ei ne latou me ne tusi a mea konei e uiga ki a ia i te tusi kae ne fai eiloa ne latou a mea konei ki a ia.+ 17  Ne molimau atu faeloa a te vaitino kolā ne ‵nofo mo ia i te taimi ne kalaga atu ei a ia ki a Lasalo i te tanuga+ kae fakatu aka ne ia mai te mate.+ 18  Tenei te pogai ne olo atu ei te vaitino o fakafetaui ki a ia, ona ko te mea ne ‵logo latou me ne fai ne ia a te galuega ‵mana tenei. 19  Ne fai aka ei a te kau Falesaio i a latou eiloa: “Ko lavea ne tatou me ko seai eiloa se mea e mafai ne tatou o fai. Kiloke! Ko tau‵tali atu a te lalolagi kātoa i a ia.”+ 20  E isi ne tino Eleni i a latou kolā ne olo atu o tapuaki i te taimi o te fakamanatuga. 21  Ne olo atu a latou konei ki a Filipo+ mai Petesaita i Kalilaia, kae fakamolemole atu, olotou muna: “Tou ‵malu, e fia lavea ne matou a Iesu.” 22  Ne fakailoa atu ne Filipo te mea tenā ki a Anitelea, olo atu ei a Anitelea mo Filipo o fakailoa ki a Iesu. 23  Ne tali atu a Iesu ki a lāua: “Ko oko mai te itula ka faka‵malugina ei a te Tama a te tagata.+ 24  Au e fai ‵tonu atu ki a koutou, kafai e se tō se fuaga ki te laukele kae pala* e tasi fua te fuaga e maua; kae kafai e pala,+ ka ‵fua mai ei a fuaga e uke. 25  So se tino e fakapelepele ne ia tena ola e fakaseai ne ia, kae ko so se tino e takalialia ki tena ola+ i te lalolagi tenei ka puipui eiloa ne ia mō te ola se-gata-mai.+ 26  So se tino e fia tavini mai ki a au, ke na tautali mai i a au. Ko te koga e nofo ei au e nofo foki i konā taku tavini.+ So se tino e fia tavini mai ki a au ka fakaaloalogina a ia ne te Tamana. 27  Ko se toka toku loto+ i te taimi nei, kae ne a foki aku pati ka fai atu? Toku Tamana, fakaola aka au mai i te itula tenei.+ E ui i ei, tenei eiloa te pogai ne oko mai ei au ki te itula tenei. 28  Toku Tamana, faka‵malu tou igoa.” Kae ne oko mai se leo+ mai te lagi: “Ko oti ne faka‵malu ne au kae ka toe faka‵malu foki ne au.”+ 29  I te lagonaga ne te vaitino kolā ne takatu‵tu i konā a te mea tenā, ne fai mai latou me e isi se fa‵tili ne ‵pa. Kae ne fai mai a nisi tino: “Ne faipati atu se agelu ki a ia.” 30  Ne tali atu a Iesu: “E seki oko mai te leo tenei ona ko au, kae mō koutou. 31  Nei la, ka fakamasinogina te lalolagi tenei; kae ko te pule o te lalolagi tenei+ ka ‵tuli kea‵tea.+ 32  Kae kafai ko sisi aka au ki luga mai te lalolagi,+ ka ‵futi mai ne au a vaegā tino katoa ki a au.” 33  Ne fai mai ne ia a pati konei ke fakaasi atu ei te vaegā mate telā ko pili o mate a ia i ei.+ 34  Ne tali atu te vaitino ki a ia: “Ne lagona ne matou mai te Tulafono me i te Keliso e tumau ki te se-gata-mai.+ Kae e pefea o fai mai koe me i te Tama a te tagata e ‵tau o sisi aka ki luga?+ Ko oi te Tama a te tagata tenei?” 35  Ne fai atu a Iesu ki a latou: “Ka nofo te mainaga i a koutou i se taimi toetoe fua. Sa‵sale a koi maua ne koutou te mainaga, ko te mea ke se taka‵vale koutou i te pouliga; so se tino e sasale i te pouliga e se iloa ne ia te koga e fano a ia ki ei.+ 36  Ke fakaasi atu faeloa ne koutou te fakatuanaki ki te mainaga i te taimi e nofo ei i a koutou a te mainaga, ko te mea ke fai koutou mo tama o te mainaga.”+ Ne faipati a Iesu ki mea konei fano ei a ia o ‵muni mai i a latou. 37  E tiga eiloa te uke o galuega ‵mana ne fai ne ia i mua o latou, ne seki fakatuanaki latou ki a ia, 38  ko te mea ke fakataunu a pati a te pelofeta ko Isaia, telā ne fai mai: “Ieova,* ko oi ne fakatuanaki ki te mea ne lagona ne latou mai i a matou?*+ Kae ko oi ne fakaasi atu ki ei a te lima o Ieova?”*+ 39  Ne toe fai mai ne Isaia a te pogai ne seki mafai ei o tali‵tonu latou: 40  “Ko oti ne faka‵kivi ne ia olotou mata kae fai olotou loto ke ma‵keke, ko te mea ke se lavea ne latou ki olotou mata kae ke se malama‵lama latou i olotou loto, ko ‵fuli mai ei ke faka‵lei ne au latou.”+ 41  Ne fai mai ne Isaia a pati konei me ne lavea ne ia tena ‵malu kae ne faipati mai e uiga ki a ia.+ 42  E ui i ei, e tokouke a tino ke oko foki ki tino pule ne fakatuanaki ki a ia,+ kae ne seki mafai o fakaasi ‵tonu mai ne latou me e fakatuanaki latou ki a ia ona ko te kau Falesaio, ko te mea ke se faka‵tea latou mai te sunako;+ 43  me ne fia‵fia atu latou ki tavaega mai tino i lō tavaega mai te Atua.+ 44  Kae ne fai aka a Iesu: “So se tino e fakatuanaki mai ki a au, e se fakatuanaki mai fua ki a au, kae ki a ia foki telā ne uga mai ne ia au;+ 45  kae ko so se tino e lavea ne ia au e lavea foki ne ia a te Atua telā ne uga mai ne ia au.+ 46  Au ne vau e pelā me se mainaga ki te lalolagi,+ ko te mea ko tino katoa kolā e fakatuanaki ki a au ke se ‵nofo tumau i te pouliga.+ 47  Kae ko so se tino e lagona ne ia aku pati kae se tausi ki ei, e se fakamasino ne au; me i a au ne seki vau o fakamasino te lalolagi, kae o faka‵sao te lalolagi.+ 48  So se tino e se fia saga mai ki a au kae e se talia ne ia aku pati e isi se tino e fakamasino ne ia a te tino tenā. A pati kolā e fai atu ne au e fakamasino ei a ia i te aso fakaoti. 49  Me ne seki fai atu ne au a pati konā i a au eiloa, kae ko te Tamana telā ne uga mai ne ia au ne tuku mai ne ia te fakatonuga ki a au ki mea kolā e ‵tau o fakailoa atu kae faipati au ki ei.+ 50  Kae e iloa ne au me e fakauiga tena fakatonuga ki te ola se-gata-mai.+ Tela la, so se mea e faipati atu ne au, e faipati atu fua ne au a mea kolā ne fai mai ne te Tamana ki a au.”+

Fakamatalaga mai lalo

Io me “fakapale i te taipola.”
Telā se pauna Loma, telā kāti e 327 kalame (11.5 aunese). Onoono ki te MF E14.
Onoono ki te MF E14.
Onoono ki te MF A5.
Io me “kafai e se tō se fuaga ki te laukele kae mate.”
Onoono ki te MF A5.
Io me “i te motou lipoti?”
Onoono ki te MF A5.