Ielemia 31:1-40
31 “I te taimi tenā,” ko te folafolaga a Ieova, “ka fai ei au mo Atua ki kāiga katoa o Isalaelu kae ka fai latou mo oku tino.”+
2 Konei a pati a Ieova ne fai mai:
“A tino kolā ne ‵sao i te pelu ne maua ne latou te taliaga a te Atua i te koga lavakiI te taimi ne sasale atu ei a Isalaelu ki tena koga malōlō.”
3 A Ieova ne fakasae mai ki a au mai i se koga ‵mao kae fai mai:
“Au ne alofa ki a koe i te alofa telā e seai sena gatamaiga.
Tenā te pogai ne fakapilipili mai ei ne au koe ki a au mo te alofa fakamaoni.*+
4 Kae ka toe faite ne au koe kae ka faite aka koe.+
Ka toe puke aka ne koe a samupelini, e te tamafine ‵ma o IsalaeluKae fano o sakasaka mo te fiafia.*+
5 Ka toe ‵toki ne koe a togavine i mauga o Samalia;+A tino ‵toki ka ‵toki kae fia‵fia ki olotou fuagalakau.+
6 Ka oko mai te aso ka ka‵laga mai ei a tāgata leoleo i mauga o Efalaima:
‘‵Tu ki luga, ‵tou olo ki luga i Siona, ki a Ieova te ‵tou Atua.’”+
7 Me konei a pati ne fai mai ne Ieova:
“Usu pese atu ki a Iakopo mo te fia‵fia.
Paka‵laga mo te fia‵fia me ko sili atu koutou i nisi atufenua.+
Folafola atu; avatu a vikiga kae fai atu,‘Ieova, faka‵sao ou tino, ko te ‵toega o Isalaelu.’+
8 Ka faka‵foki mai ne au latou mai i fenua i te feitu ki mātū.+
Ka fakamaopoopo fakatasi mai ne au latou mai i toe koga ‵mao o te lalolagi.+
E aofia i a latou ko tino ‵kivi mo tino ‵pili,+Te fafine faitama mo te fafine ka fai o fanau, ko latou katoa.
E pelā me se fakapotopotoga lasi ka toe ‵foki mai latou ki konei.+
9 Ka o‵mai latou mo te ‵tagi mautuutu.+
Ka takitaki ne au latou i te taimi e fakamolemole mai ei latou mō se taliaga.
Ka takitaki ne au latou ki tamā vaitafe,+I se auala laugatasi telā ka se ‵siga latou i ei.
Me i a au se Tamana ki Isalaelu, kae ko Efalaima ko taku toekimua.”+
10 Faka‵logo mai ki muna a Ieova, koutou e atufenua,Kae folafola atu ki fenua fo‵liki kae ‵mao:+
“A te Atua telā ne fakasalalau atu ne ia a Isalaelu ka fakamaopoopo fakatasi mai ne ia.
Ka leoleo ne ia latou e pelā mo te tausi mamoe e leoleo tena lafu.+
11 Me ka fakasaoloto ne Ieova a Iakopo+Kae fakasao a ia mai i lima o te tino e malosi atu i a ia.+
12 Ka o‵mai latou kae ka‵laga atu mo te ‵lifu i te koga maluga o Siona+Kae fia‵fia i te aga‵lei o* Ieova,I saito mo te uaina fou+ mo te sinu,Mo tamā mamoe mo tamā pulumakau i te lafu.+
Ka fai latou e pelā me se fatoaga ne fakasiusiu faka‵lei,+Kae ka se toe fi‵ta latou.”+
13 “I te taimi tenā a te tamafine ‵ma ka sakasaka mo te fiafia,E pelā foki a tamataene mo toeaina.+
Ka ‵fuli ne au te lotou fanoanoa ki te fia‵fia.+
Ka fakamafanafana ne au latou kae tuku atu te fiafia i lō te fanoanoa.+
14 Ka fai ne au a faitaulaga ke lotoma‵lie ki mea e uke e maua ne latou,Kae ko oku tino ka lotoma‵lie ki toku aga‵lei,”+ ko te folafolaga a Ieova.
15 “Konei a pati a Ieova ne fai mai:
‘E isi se leo e lagona atu i Lama,+ e tagi fanoanoa kae tagi i te logo‵mae:
A Lasela ko tagi mautuutu ona ko ana tama tāgata.*+
E se talia ne ia ke fakamafanafana a ia ona ko ana tama tāgata,Me ko ‵galo atu latou.’”+
16 Konei a pati a Ieova ne fai mai:
“‘Taofi tou leo mai te tagi mautuutu mo ou mata mai i loimata,Me e isi se taui mō au galuega ne fai,’ ko te folafolaga a Ieova.
‘Ka toe ‵foki mai latou mai i te fenua o te fili.’+
17 ‘Kae e isi se fakamoemoega mo koe i aso mai mua,’+ ko te folafolaga a Ieova.
‘Au tama tāgata ka toe ‵foki ki te lotou kogā fenua.’”+
18 “Ne lagona eiloa ne au a Efalaima e tagi fanoanoa,‘Ne fakatonutonu ne koe au, kae ne maua ne au a fakatonutonuga,E pelā me se pulumakau telā e seki fakaakoako eiloa.
Fakafoki aka au, kae ka toka au o foki atu,Me i a koe ko Ieova toku Atua.
19 Me mai tua o taku fokiatuga ne salamō au;+I te taimi ne malamalama ei au ne ‵kini ne au toku kauaga ona ko te fanoanoa.
Au ne mavale kae masiasi,+Me ne tauave ne au te masiasi o toku talavou.’”
20 “E a, e se fai a Efalaima e pelā me se tamaliki tagata tāua ki a au, se tamaliki fakapelepele?+
Me ko te uke o taimi e faipati ‵teke ei au ki a ia, e masaua faeloa ne au a ia.
Tenā te pogai e ma‵losi ei oku lagonaga* mō ia.+
Kae ka alofa eiloa au ki a ia,” ko te folafolaga a Ieova.+
21 “Fai ne fakamailoga mō koe i te auala,Faka‵tu aka ne pou fakailoga.+
Saga tonu atu ki te auala lasi, ko te auala e ‵tau o fano koe i ei.+
Foki mai, e te tamafine ‵ma o Isalaelu, foki mai ki fakai o koe konei.
22 E pefea te leva ka fakalotolotolua ei koe, e te tama fafine sē fakamaoni?
Me ko oti ne faite ne Ieova se mea fou i te lalolagi:
Se fafine telā ka ‵sala malosi ki se tagata.”
23 Konei a pati a Ieova o kautau, te Atua o Isalaelu ne fai mai: “Ka toe fai atu ne latou a pati konei i te fenua o Iuta mo ana fakai māfai ko toe fakamaopoopo mai ne au olotou tino ne ave fakapagota: ‘Ke fakamanuia koe ne Ieova, e te koga nofo o te amiotonu,+ e te mauga tapu.’+
24 Kae ka ‵nofo i loto i ei a Iuta mo ana fakai katoa, ko tino fai fatoaga mo latou kolā e takitaki ne latou a lafu mamoe.+
25 Me ka fai ne au te tino fi‵ta ke lotomalie kae fakamalosi ne au a tino taki tokotasi kolā e fi‵ta.”+
26 I konā loa, ne ala aka au kae ‵pula oku mata, kae ko oko eiloa te gali o taku moega.
27 “Kiloke! Ka oko mai a aso,” ko te folafolaga a Ieova, “ka ‵toki ei ne au a te kāiga o Isalaelu mo te kāiga o Iuta ki fanau* a se tagata mo fanau a manu.”+
28 “Kae e pelā eiloa mo au ne onoono ki a latou ko te mea ke unu kea‵tea, ke ‵futi ki lalo, ke ofa, ke fakamasei, kae ke fakapakia,+ ka onoono foki au ki a latou ke faite aka kae ke ‵toki,”+ ko te folafolaga a Ieova.
29 “I aso konā ka se toe fai mai latou, ‘A tamana ne ‵kai i fuagavine ‵kona, kae ne kalili i ei a nifo o olotou tama.’+
30 Kae ko tino taki tokotasi ka ‵mate ona ko olotou mea ‵se eiloa. So se tagata e kai ki fuagavine ‵kona ka kalili eiloa ana nifo.”
31 “Kiloke! Ka oko mai a aso,” ko te folafolaga a Ieova, “ka fai ei ne au se feagaiga fou+ mo te kāiga o Isalaelu mo te kāiga o Iuta.
32 Ka se fai pelā mo te feagaiga ne fai ne au mo olotou tupuga i te aso ne puke ei au ki olotou lima o ‵taki latou ki tua mo te fenua o Aikupito,+ ‘ko taku feagaiga telā ne ofa ne latou,+ faitalia me i a au ko te lotou matai* tonu,’ ko te folafolaga a Ieova.”
33 “Me tenei te feagaiga ka fai ne au mo te kāiga o Isalaelu mai tua o aso konā,” ko te folafolaga a Ieova. “Ka tuku ne au taku tulafono ki loto i a latou,+ kae ka tusi ne au a mea konā i olotou loto.+ Kae ka fai au mo olotou Atua, kae ka fai latou mo oku tino.”+
34 “Kae ka se toe akoako ne latou a olotou tuakoi mo olotou taina, kae fai atu, ‘Fai ke na iloa ne koutou a Ieova!’+ me ka iloa katoa ne latou a au, mai te ‵toe tino malalo ke oko eiloa ki te ‵toe tino maluga i a latou,”+ ko te folafolaga a Ieova. “Me ka fakamagalo ne au olotou mea ‵se, kae ka se toe masaua ne au olotou agasala.”+
35 Konei a pati a Ieova ne fai mai,Telā e tuku mai ne ia te la ke fakamaina ki ei te ao,Mo tulafono* o te masina mo fetū ke fakamaina ki ei te po,Telā e fai ne ia te tai ke sou kae ke ‵fati malosi ana galu,A tena igoa ko Ieova o kautau:+
36 “‘Kafai e se taunu a tulafono fo‵liki konei,’ ko te folafolaga a Ieova,‘Tenā ko se fai ei a tama a Isalaelu mo fai se fenua i oku mua i taimi katoa.’”+
37 Konei a pati a Ieova ne fai mai: “‘Kafai e mafai o fua aka a te lagi i luga kae iloilo aka a fakavae o te lalolagi i lalo, tenā ko mafai ei ne au o ‵teke a tama katoa a Isalaelu ona ko mea katoa ne fai ne latou,’ ko te folafolaga a Ieova.”+
38 “Kiloke! Ka oko mai a aso,” ko te folafolaga a Ieova, “ka faite+ aka ei te fakai ki a Ieova mai i te Taoa o Hananelu+ ki te Mataloa o Matulimanu.+
39 Kae ko te uka e fua i ei a mea+ ka fanatu ‵tonu eiloa ki te tamā mauga o Kalipo, kae ka ‵fuli mai o vau ki Koaha.
40 Kae ko vanu katoa kolā e isi i ei ne foitino ‵mate mo lefu e pelā foki mo manafa katoa ke oko atu ki te Vanu o Ketalono,+ ke oko atu ki te ‵kōna o te Mataloa o Solofanua+ o fanatu ki te feitu ki saegala, ka fai pelā me se mea tapu ki a Ieova.+ Ka se toe unu aka eiloa io me ofa ki lalo.”
Fakamatalaga mai lalo
^ Io me “ne fakaasi atu faeloa te alofa fakamaoni ki a koe.”
^ Io me “fano o ‵saka mo latou kolā e kata‵kata.”
^ Io me “ko mea ‵lei mai i a.”
^ Io me “tama‵liki.”
^ Epelu, “gakau.”
^ Io me “tama.”
^ Io me kāti, “te lotou avaga tagata.”
^ Io me “tulafono fakavae.”
