Ielemia 10:1-25

  • Ko atua o atufenua mo te Atua ola (1-16)

  • Te fakaseaiga telā ko pili mai mo te avega fakapagota (17, 18)

  • Ko fanoanoa a Ielemia (19-22)

  • Te ‵talo a te pelofeta (23-25)

    • E se mafai ne te tagata o fakatonutonu tena auala (23)

10  Faka‵logo mai ki muna a Ieova ne fai e uiga ki a koutou, e te kāiga o Isalaelu.  Konei a muna a Ieova ne fai mai: “Ke mo a ma tauloto ki auala o atufenua,+Kae ke mo a ma ma‵taku ki fakailoga o te lagiMe i atufenua e ma‵taku i mea konā.+   Me i tuu masani a tino ne mea sē ‵tonu.* Se lakau fua o te vao telā ne ‵kati ki lalo,Kae faite ne se tufuga faite mea se mea mai i ei ki ana lima fakatasi mo ana mea faigaluega.+   E fakagaligali ne latou ki siliva mo aulo+Kae faka‵mau ki te samala mo fao ko te mea ke se siga ki lalo.+   E pelā me se mea fakamatakutaku i se fatoaga kukama, e se mafai ne latou o fai‵pati;+E ‵tau o sau latou, me e se mafai o sa‵sale.+ Ke mo a ma ma‵taku ki mea konā, me e se mafai ne latou o fai se mea masei,Io me fai ne latou se mea ‵lei.”+   E seai se tino e ‵pau mo koe, e Ieova.+ A koe e sili, kae ko tou igoa e sili kae malosi.   Ko oi te tino e se ‵tau o mataku ki a koe, e te Tupu o atufenua,+ me se mea loa e ‵tau o fai;Me mai i tino ‵poto katoa o atufenua mo olotou malo katoa,E seai eiloa se tino e ‵pau mo koe.+   A latou katoa e seai ne olotou mafaufau kae e va‵lea latou.+ A fakatonuga mai i se lakau ne mea sē ‵tonu*+ katoa.   A tifa siliva ne aumai mai i Talasisi+ kae ko aulo mai i Ufasa,Ko galuega a se tufuga faite mea, mo mea ne faite ki lima o te tino faite mea ki fiti. A olotou gatu e fai ki filo lanu moana mo vulu lanu violeta. Ne faite katoa a mea konā ne tino ga‵lue atamai. 10  Kae ko Ieova ko te Atua tonu. A ia ko te Atua ola+ mo te Tupu ki te se-gata-mai.+ Ona ko tena kaitaua ka galulu ei te lalolagi,+Kae e seai se atufenua ka kufaki ne ia tena kaitaua. 11  * Konei a pati e ‵tau o fai atu ne koe ki a latou: “A atua kolā ne seki faite ne latou te lagi mo te lalolagiKa fakaseai atu mai i te lalolagi kae mai lalo o te lagi.”+ 12  Ko ia te Atua telā ne faite ne ia te lalolagi e auala i tena ‵mana,Ko te Atua telā ne faka‵mautakitaki ne ia te laukele ola ‵lei e auala i tena poto+Kae ne ‵fola ne ia te lagi e auala i tena malamalama.+ 13  Kafai e fai ne ia ke lagona atu tena leo,E ‵numi valevale a vai i te lagi,+Kae e fai ne ia ke olo aka a kaumana ki luga mai i koga ‵mao o te lalolagi.+ E fai ne ia a te uila mō te vaiua,Kae e aumai ne ia te matagi ki tua mo ana fale ‵teu koloa.+ 14  E fai ne tāgata taki tokotasi a mea va‵lea e aunoa mo te iloa. A tino faite mea ki fiti katoa ka fakamasiasigina ona ko olotou tupua faite;+Me i olotou tupua fiti ne mea ‵loi,Kae e seai se agaga* i tupua konā.+ 15  A mea konā ne mea sē ‵tonu, ne galuega e seai ne aoga.+ Kafai ko oko mai te aso o te lotou fakamasinoga, ka ‵galo atu eiloa latou. 16  E ‵kese eiloa a te Atua o Iakopo mo mea konei,Me i a ia ko te Atua telā ne faite ne ia a mea katoa,Kae ko Isalaelu ko te tokotoko o tena tofi.+ A tena igoa ko Ieova o kautau.+ 17  ‵Luku mai au saitaga mai i te laukele,E te fafine nofo tigaina. 18  Me konei a pati a Ieova ne fai mai: “Tenei ko ‵pei kea‵tea ne au a tino mai te fenua i te taimi nei,+Kae ka fai ne au latou ke maua ne puapuaga.” 19  Kalofa eiloa i a au ona ko oku pa‵kiaga!+ A oku pa‵kiaga e se mafai o fai ke ‵lei. Kae ne fai aka au: “Tenei eiloa toku masaki, kae e ‵tau o fa‵ki ne au. 20  Ko oti ne fakama‵sei oku faleie, kae ko uka o oku faleie ko ‵motu valevale.+ Aku tama tāgata ko oti ne tiaki ne latou au kae ko ‵galo atu.+ Ko seai se tino e ‵toe mai ke ‵fola toku faleie io me sisi aka a laugatu o oku faleie. 21  Me i tausi mamoe ne fai a mea mo te sē mafaufau,+Kae ne seki ‵sala atu latou ki a Ieova.+ Tenā te pogai ne seki ga‵sue ei latou mo te ‵loto o te malamalama,Kae ko olotou lafu mamoe ko salalau valevale.”+ 22  Faka‵logo mai! E isi se lipoti! Ko oko mai te lipoti! E isi se mea e pakūkū mai i te fenua ki mātū,+Ke fai ei a fakai o Iuta ke ma‵sei valevale, se koga ‵nofo o manu ko tiakolo.+ 23  E iloa ‵lei ne au, e Ieova, me e se mafai o pule te tagata i tena auala. E seai se pule a te tagata ke fakatonutonu ne ia tena auala.+ 24  Fakatonutonu mai au, e Ieova, ki te fakamasinoga,Kae e se i tou kaitaua,+ i te mea ma fakaseai ei ne koe au.+ 25  ‵Ligi atu tou kaitaua ki atufenua kolā e se fia ‵saga mai ki a koe+Mo kāiga kolā e se ka‵laga atu ki tou igoa. Me ko oti ne fakaseai ne latou a Iakopo,+Ao, ko oti ne fakaseai katoatoa ne latou a ia,+Kae fakamasei ne latou a tena fenua.+

Fakamatalaga mai lalo

Io me “sē aoga.”
Io me “sē aoga.”
A te fuaiupu e 11 ne tusi i te ‵gana Alamaika i tusitusiga mua.
Io me “mānava.”