Galuega a Apositolo 14:1-28

  • Te gasoloakaga o te aofaki mo ‵tekeatuga i Ikonio (1-7)

  • Fakatau ‵se a tino i Lusa i a lāua ne Atua (8-18)

  • Ko sao a Paulo mai te peipeiga ki fatu (19, 20)

  • Fakamalosiga o fakapotopotoga (21-23)

  • Toe ‵foki atu ki Anitioka i Sulia (24-28)

14  Ne ulu atu lāua ki loto i te sunako o tino Iutaia i Ikonio kae fai‵pati atu i se auala telā ne tali‵tonu ei se vaitino e tokouke mai tino Iutaia mo tino Eleni.  Kae ko tino Iutaia kolā ne seki tali‵tonu, ne fakamakosu kae faka‵se ne latou a tino o fenua fakaa‵tea ke ‵teke atu ki taina konei.+  Tenā ne fakamāumāu ei ne lāua a taimi e uke o fai‵pati atu mo te loto ‵toa e auala i te pule a Ieova,* telā ne molimau atu ki te muna o tena alofa tauanoa mai te taliaga ke fai ne lāua a galuega ‵mana mo mea fakaofoofogia.+  E ui i ei, ne vaelua te fakai kātoa; ne ‵kau atu a nisi tino ki te kau Iutaia kae ko nisi tino ki te kau apositolo.  I te taimi ne taumafai ei a tino o fenua fakaa‵tea mo tino Iutaia fakatasi mo olotou takitaki o fakasaua lāua kae peipei ki fatu,+  ne fakailoa atu ki a lāua a te mea tenā, ‵sola ei lāua ki fakai ko Lukaonia, Lusa mo Teipe e penā foki loa mo fenua i olotou tafa.+  Tena ne folafola atu ei ne lāua i koga konā a te tala ‵lei.  Ne nofo atu i Lusa se tagata e ma‵sei ana vae. Ne ‵pili tou tagata talu mai tena fanaumaiga kae ne seki sasale aka eiloa.  Ne fakalogologo te tagata tenei ki a Paulo i te taimi ne faipati ei. Ne kilo ‵tonu atu a Paulo ki a ia, kae ne lavea ne ia me e mafai o faka‵lei a te tagata tenei ona ko tena fakatuanaki,+ 10  fai atu ei a ia i se leo maluga: “Tu ki luga.” Kae ne tafuke aka a ia ki luga kamata ei o sasale.+ 11  I te laveaga ne te vaitino a te mea ne fai ne Paulo, ne paka‵laga atu latou i te ‵gana Lukaonia: “Ko liu tino a atua kae ko oti ne olo ifo ki a tatou!”+ 12  Kae ne kamata o fakaigoa ne latou a Panapa ki a Seu, kae ko Paulo ki a Heleme, me ko ia eiloa telā e faipati muamua. 13  Kae ko te faitaulaga a Seu, telā e tu a tena faletapu i te auala ki loto i te fakai, ne aumai ne ia a pulumakau mo fou ki mataloa o ‵pui kae ne manako o ofo atu a taulaga fakatasi mo te vaitino. 14  Kae i te ‵logoga a te avā apositolo ko Panapa mo Paulo i te mea tenā, ne saesae lā gatu ‵loa, ne ‵tele atu ki te vaitino, kae ka‵laga atu: 15  “Oku tāgata, kaia e fai ei ne koutou a mea konei? A māua foki ne tino kolā e isi ne mā vāivāiga e pelā eiloa mo koutou.+ Kae e folafola atu ne māua a te tala ‵lei ki a koutou, ko te mea ke fulitua koutou ki mea sē aoga konei kae ke ‵fuli atu ki te Atua ola, telā ne faite ne ia te lagi mo te lalolagi mo te tai mo mea katoa i ei.+ 16  Ne talia ne ia i kautama ko ‵teka ke fai ne fenua fakaa‵tea katoa a mea e ma‵nako latou ki ei,+ 17  e tiga eiloa ne tuku mai ne ia se molimau+ e auala i mea ‵lei ne fai ne ia, mai te tuku atu ki a koutou a vaiua mai te lagi mo tau o aso aoga,+ e fakamalie ne ia koutou ki meakai kae faka‵fonu otou loto ki te fiafia.”+ 18  Kae faitalia eiloa lā pati konei, ne faigata o taofi aka ne lāua a te vaitino mai te ofoatuga o taulaga ki a lāua. 19  Kae ne oko mai a tino Iutaia mai Anitioka mo Ikonio kae fakaoso ne latou a te vaitino,+ kae peipei ne latou a Paulo ki fatu kae toso ki tua mo te fakai, mo te mafaufau me ko mate a ia.+ 20  Kae i te taimi ne mumu atu ei a soko ki a ia, ne tu aka tou tagata ki luga kae fanatu ki te fakai. I te suā aso, ne olo ei lāua mo Panapa ki Teipe.+ 21  I te otiga ne folafola atu ne lāua a te tala ‵lei i te fakai tenā kae maua ne lāua a soko e tokouke i ei, ne ‵foki atu lāua ki Lusa, Ikonio mo Anitioka. 22  Ne fakamalosi atu ne lāua a soko i konā,+ kae fesoasoani atu ki a latou ke tumau i te fakatuanaki kae fai atu: “E ‵tau mo tatou o ulu atu ki loto i te Malo o te Atua e auala i puapuaga e uke.”+ 23  E se gata i ei, ne faka‵sopo aka ne lāua a toeaina mō latou i fakapotopotoga takitasi,+ ne ‵talo kae fakaliki‵liki,+ kae ne tuku atu ne lāua a latou ki te tausiga a Ieova telā ko tali‵tonu latou ki ei. 24  Tenā ne olo atu ei lāua i loto i Pisitia kae oko atu ki Pafulia,+ 25  kae i te otiga ne folafola atu ne lāua a te muna i Peleka, olo ifo ei ki Atalia. 26  Kae mai i konā, fo‵lau atu ei lāua ki Anitioka, ko te koga telā ne maua ei ne lāua a te alofa tauanoa o te Atua ona ko te galuega telā ko oti ne fakataunu faka‵lei ne lāua.+ 27  I te taimi ne oko atu ei lāua ki konā kae fakamaopoopo mai te fakapotopotoga kātoa, ne fakamatala atu ne lāua a mea e uke ko oti ne fai ne te Atua e auala i a lāua, kae ko oti ne ‵tala atu ne ia te mataloa o te fakatuanaki ki fenua fakaa‵tea.+ 28  ‵Nofo ei lāua mo soko i konā i se taimi tai mata leva.

Fakamatalaga mai lalo

Onoono ki te MF A5.