Ki te Kau i Filipi 3:1-21

  • E se fakavae te ‵tou talitonuga ki mea o te foitino (1-11)

    • Ko fai a mea katoa me ne mea e se aoga ona ko Keliso (7-9)

  • Kausaki atu eiloa ki te fakamoemoega (12-21)

    • Te ‵tou fenua tonu e maua i te lagi (20)

3  Kae ko te ‵toe manatu, e oku taina, ke tumau koutou i te fia‵fia i te Aliki.+ E sē se fakalavelave ki a au ke toe tusi atu a mea konei ki a koutou, me e fai a mea konei mo fai te otou puipuiga.  Ke fakaeteete koutou i kuli; ke fakaeteete i tino fakalogo‵mae tino; ke fakaeteete i tino kolā e fakamalosi ne latou te pilitome.*+  Me i a tatou ko tino kolā e maua ne tatou te pilitome tonu,+ ko tatou kolā e fai te taviniga tapu e auala i te agaga o te Atua kae e fai‵pati fakamata‵mata i a Keliso Iesu+ kae e se fakavae te ‵tou talitonuga ki mea o te foitino,  kae kafai e isi se tino e isi se pogai ke talitonu ei ki mea o te foitino, ko au eiloa tenā. Kafai e mafaufau se tino me e isi se pogai ke talitonu ei a ia ki mea o te foitino, e sili atu au i a ia:  au ne pilitome i te valu o aso+ mai te fenua o Isalaelu, mai te matakāiga o Peniamina, se tino Epelu telā ne fanau mai i tino Epelu,+ kae e ‵tusa mo te tulafono, se Falesaio;+  ona ko te loto finafinau, ne fakasaua ne au te fakapotopotoga;+ ona ko te amiotonu telā e fakavae ki te tulafono, se tino telā ne fakatalitonu aka me e seai eiloa sena ‵se.  E tiga te feitu tenā, a mea katoa kolā ne aoga ki a au, ko fai ne au me ne mea e se aoga* ona ko Keliso.+  E se gata i ei, ko fai foki ne au a mea katoa me ne mea sē aoga ona ko te sili atu o te aoga o te iloaga e uiga ki a Keliso Iesu, toku Aliki. Ona ko ia ko talia ei ne au ke ‵galo atu a mea katoa kae ko fai ne au a mea konā e pelā me ne kaiga ko oko eiloa i te uke, ko te mea ke maua ne au a Keliso  kae ke ‵kau fakatasi māua, e se ona ko toku amiotonu i te tautali atu ki te Tulafono, kae ona ko te amiotonu telā e maua e auala i te fakatuanaki+ ki a Keliso,+ ko te amiotonu mai te Atua telā e fakavae ki te fakatuanaki.+ 10  A toku fakamoemoega ko te fai ke iloa ne au a ia mo te ‵mana o tena toetu+ kae ke kau atu ki ana logo‵maega,+ kae ke mate au e pelā mo tena mate,+ 11  ke onoono aka me e mafai o aofia au i a latou kolā ka faka‵tu muamua mai te mate.+ 12  E se ko tena uiga me ko oti ne maua ne au a te mea tenā io me ko oti au ne fai ke ‵lei katoatoa, kae e kausaki atu eiloa au+ ke onoono aka me e mafai o puke au ki te mea telā ne filifili ei au ne Keliso Iesu.+ 13  Oku taina, e se mafaufau au me ko oti ne puke au ki te mea tenā; kae e tasi te mea e mautinoa ‵lei: Ko te fakapuli atu o mea i oku tua,+ kae saga atu faeloa ki mea i oku mua,+ 14  E kausaki eiloa au ke oko atu ki te tapula mō te failoga+ o te kalagaga ki te lagi+ mai te Atua e auala i a Keliso Iesu. 15  Tela la, ke maua ne tatou kolā ko ma‵tua ‵lei+ a te kilokiloga tenei, kae kafai e se tuku otou mafaufau ki te mea tenā i so se feitu, ka fakaasi atu eiloa ne te Atua a te kilokiloga tonu ki a koutou. 16  E ui i ei, ke na sa‵sale faka‵lei tatou e ‵tusa mo te ‵tou ga‵solo ki mua i te auala eiloa tenei. 17  Ke ‵kau fakatasi o fakaakoako mai ki a au,+ e oku taina, kae onoono faeloa ki a latou kolā e sa‵sale e ‵tusa mo te fakaakoakoga ne tuku atu ne matou ki a koutou. 18  Me e tokouke a tino​—ne fakailoa sāle atu ne au kae ko toe fakailoa atu foki ne au nei mo loimata​—kolā e sa‵sale e pelā me ne fili o te pou fakasaua* o te Keliso. 19  A te lotou ikuga ko te fakaseaiga, kae ko te lotou atua ko olotou tinae,* kae e fakamata‵mata ki mea kolā ka masiasi ei latou, kae e tuku atu fua olotou mafaufau ki mea o te lalolagi.+ 20  Kae ko te ‵tou fenua tonu+ e maua i te lagi,+ kae e fakatali‵tali kae olioli eiloa tatou ke vau se fakaola mai i ei, ko te Aliki ko Iesu Keliso,+ 21  telā ka ‵fuli ne ia ‵tou foitino fatauva ke fai pelā mo tena foitino ‵malu+ e auala i tena malosi sē fuafuagina telā e fai ei ke mafai ne ia o tuku a mea katoa mai lalo i a ia.+

Fakamatalaga mai lalo

Io me “katikati te foitino.”
Io me kāti, “ko oti ne tiakina mo te loto fiafia.”
Onoono ki te FP.
Io me “ko mea kolā e ma‵nako ki ei olotou foitino.”