Se Fakaasiga ki a Ioane 8:1-13

  • ‵Tala te fitu o fakamailoga (1-6)

  • ‵Tagi o pu muamua e fa (7-12)

  • Ko taku fakatolu mai a te pati fakaalofa (13)

8  I te ‵talaga ne ia+ a te fitu o fakamailoga,+ ne seki logoa eiloa te lagi mō se āfa itula.  Kae ne matea ne au a agelu e tokofitu+ kolā e ‵tu i mua o te Atua, kae ne tuku atu ki a latou a pu e fitu.  Ne oko mai te suā agelu telā e puke ne ia se ipu aulo e ‵sunu ei a mea ma‵nogi kae ne tu i tafa o te fatafaitaulaga,+ kae e uke a mea ma‵nogi+ ne tuku atu ki a ia ke ofo fakatasi mo talosaga a tino tapu katoa i luga i te fatafaitaulaga aulo+ telā e tu i mua o te nofogaaliki.  A te au o mea ma‵nogi konā mai i te lima o te agelu ne olo fakatasi aka mo talosaga+ a tino tapu ki mua o te Atua.  I konā loa, ne puke te agelu ki te ipu o mea ma‵nogi, kae faka‵fonu ne ia ki te afi mai i te fatafaitaulaga kae ‵pei ifo ki te lalolagi. Kae ne pa‵pa mai a fa‵tili mo leo kae ‵lapa a uila+ kae poko se mafuie.  Kae ko agelu e tokofitu kolā ne ‵nofo mo pu e fitu+ ne fakatoka ke ili ne latou a pu konā.  Ne ili ne te agelu muamua a tena pu. Kae ne oko mai a te vaiua fatu mo te afi e palu tasi mo toto, kae ne ‵pei ifo ki te lalolagi;+ kae ne ‵sunu i ei te tasi-vae-tolu o te lalolagi, kae ne ‵sunu i ei te tasi-vae-tolu o lakau, kae ne ‵sunu i ei a mouku katoa.+  Ne ili ne te tokolua o agelu tena pu. Kae ne ‵pei atu ki te tai se mea e pelā me se mauga lasi telā e ‵ka.+ Kae ne liu toto te tasi-vae-tolu o te tai;+  kae ne ‵mate te tasi-vae-tolu o mea ola i te tai,+ kae ne ‵kasa te tasi-vae-tolu o vakamutu. 10  Ne ili ne te tokotolu o agelu tena pu. Kae ne tō ifo mai i te lagi se fetū lasi telā e ‵ka pelā me se moli, kae ne tō atu ki luga i te tasi-vae-tolu o vaitafe kae ki luga i vaipuna.+ 11  A te igoa o te fetū tenā ko ‵Kona. Kae ne ‵kona i ei te tasi-vae-tolu o vai, kae e tokouke a tino ne ‵mate i vai konā, me ko oti ne fai ke ‵kona.+ 12  Ne ili ne te tokofa o agelu tena pu. Kae ne pokotia i ei te tasi-vae-tolu o te lā+ mo te tasi-vae-tolu o te masina mo te tasi-vae-tolu o fetū, ko te mea ke pouli te tasi-vae-tolu o mea konā+ kae ke seai se mainaga o te tasi-vae-tolu o te ao, e penā foki mo te po. 13  Ne kilo atu au, kae ne lagona ne au se aeto e eva i luga i te lagi e fai mai i se leo maluga: “Fakaa‵lofa, fakaa‵lofa, fakaa‵lofa+ eiloa a latou kolā e ‵nofo i te lalolagi ona ko te ‵toega o pu a agelu e tokotolu kolā ko pili o ili ne latou!”+

Fakamatalaga mai lalo