Se Fakaasiga ki a Ioane 3:1-22

  • Fekau ki Salataisa (1-6), ki Filatelafia (7-13), ki Laotikaia (14-22)

3  “Tusi atu penei ki te agelu o te fakapotopotoga i Salataisa: Konei a pati a te tino telā e maua ne ia a agaga e fitu o te Atua+ mo fetū e fitu:+ ‘E iloa ne au au mea ne fai, e ola fua koe i te igoa, kae ko te tonuga loa, a koe ko mate.+  Ke matapulapula koe,+ kae ke fakamalosi aka a tino kolā e ‵toe mai kae ko toka o ‵mate, me e seki maua atu ne au au galuega e kātoa ‵lei i mua o toku Atua.  Tela la, ke masaua faeloa ne koe a mea kolā ne maua ne koe mo mea kolā ne lagona ne koe, kae ke tumau faeloa i ei, kae ke salamō.+ Se mea tonu, kafai e se ala mai koe, ka vau au e pelā me se tino kaisoa,+ kae ka se iloa lele eiloa ne koe te itula telā ka oko atu ei au ki a koe.+  “‘Kae ui i ei, e isi ne nai tino* i Salataisa kolā ne seki fakalai‵lai ne latou olotou gatu,+ kae ka sa‵sale fakatasi latou mo au i gatu ‵kena,+ me e ‵tau eiloa o fai latou penā.  A te tino telā e manumalo+ ka pei ki gatu ‵kena,+ kae ka se ‵solo ne au tena igoa mai i te tusi o te ola,+ kae ka taku tonu atu ne au tena igoa i mua o toku Tamana kae i mua foki o ana agelu.+  A te tino telā e isi ne ana taliga ke na fakalogo ki muna a te agaga ki fakapotopotoga.’  “Tusi atu penei ki te agelu o te fakapotopotoga i Filatelafia: Konei a muna a te tino telā e tapu,+ telā e tonu,+ telā e maua ne ia te kī a Tavita,+ ko ia telā e ‵tala ne ia a mea ke se toe ‵pono ne se tino kae e ‵pono ne ia a mea ke se toe ‵tala ne se tino:  ‘E iloa ne au au mea ne fai​—kiloke! ko oti ne fakatu ne au i ou mua te mataloa telā ko matala,+ kae e se mafai o toe ‵pono ne se tino. Kae e iloa ne au me e isi ne ou mu malosi, kae ne fakalogo eiloa koe ki aku muna kae ne fakamaoni koe ki toku igoa.  Kiloke! Ka fai ne au a tino mai i te sunako o Satani, kolā e fai mai i a latou ne tino Iutaia, kae tagaila, e se ne tino Iutaia+ kae e ‵loi fua latou​—kiloke! ka fai ne au latou ke o‵mai o ifo i ou vae kae fai ke iloa ne latou i a au ne alofa ki a koe. 10  Ona ko te mea ne fakalogo koe ki te muna e uiga ki toku kufaki,*+ ka tausi foki ne au a koe i te itula o tofotofoga,+ telā ka oko atu ki te lalolagi nofoaki kātoa, ke tofotofo aka ei a latou kolā e ‵nofo i te lalolagi. 11  Au ka fanatu fakavave.+ Puke ‵mau faeloa ki mea kolā ko oti ne maua ne koe, ko te mea ke seai se tino e puke ne ia tou foualiki.+ 12  “‘A te tino e manumalo​—ka fai ne au a ia mo fai se pou malosi i te faletapu o toku Atua, kae ka se mafai eiloa o fano kea‵tea a ia mai i konā, kae ka tusi ne au i luga i a ia a te igoa o toku Atua+ mo te igoa o te fakai o toku Atua, ko te Ielusalema Fou+ telā e fanaifo mai te lagi mai i toku Atua, mo toku igoa fou.+ 13  A te tino telā e isi ne ana taliga ke na fakalogo ki muna a te agaga ki fakapotopotoga.’ 14  “Tusi atu penei ki te agelu o te fakapotopotoga i Laotikaia:+ Konei a pati a te Amene,+ te molimau+ fakamaoni kae tonu,+ ko te kamataga o mea kolā ne faite ne te Atua:+ 15  ‘E iloa ne au au mea ne fai, me i a koe e se ‵moko kae e se ‵vela foki. Au e manako ke na ‵moko io me ke na ‵vela koe. 16  Tela la, ona ko koe e mafanafana kae e se ‵vela+ io me ‵moko,+ ka luaki ne au a koe ki tua mo toku gutu. 17  Me e fai mai koe, “Au e maumea+ kae ne maua ne au a koloa e uke kae e se manako au ki se mea,” kae e se iloa ne koe i a koe e fanoanoa kae fakaalofa kae mativa kae ‵kivi kae nofo fuafua, 18  au e fai atu ki a koe ke na ‵togi ne koe mai i a au ne aulo kolā ne faka‵ma ki te afi ko te mea ke maumea koe, mo gatu ‵kena ko te mea ke isi ne ou gatu ke se fakaasi faka‵sau mai te masiasi o tou nofo fuafua,+ mo vailakau o mata ke ‵mili ki ou mata+ ko te mea ke ‵kite koe.+ 19  “‘E polopoloki kae fakasala ne au a latou katoa kolā e alofa au ki ei.+ Tela la, ke loto finafinau kae sala‵mo.+ 20  Kiloke! ko tu atu au i te mataloa kae tukituki atu. Kafai e isi se tino e lagona ne ia toku leo kae e ‵tala mai ne ia te mataloa, ka ulu atu au ki tena fale kae ‵kai fakatasi mo ia i te ‵kaiga i te afiafi kae ko ia fakatasi mo au. 21  A te tino telā e manumalo+ ka talia ne au ke saga‵saga fakatasi mo au i toku nofogaaliki,+ e pelā eiloa mo au ne manumalo kae ne saga‵saga fakatasi+ mo toku Tamana i tena nofogaaliki. 22  A te tino telā e isi ne ana taliga ke na fakalogo ki muna a te agaga ki fakapotopotoga.’”

Fakamatalaga mai lalo

Eleni, “ne nai igoa.”
Io me “fakaakoako ki toku kufaki.”