Se Fakaasiga ki a Ioane 20:1-15

  • ‵Sai Satani mō se 1,000 tausaga (1-3)

  • Tino pule fakatasi mo Keliso i te Meleniuma (4-6)

  • Fakasaoloto Satani, ko fakaseai atu ei (7-10)

  • Fakamasino a tino ‵mate i mua o te nofogaaliki ‵kena (11-15)

20  Kae ne matea ne au se agelu e fanaifo mai te lagi mo te kī o te lua ‵poko+ mo te seni lasi i tena lima.  Ne puke ne ia te talako,+ ko te gata taumua,+ telā ko te Tiapolo+ mo Satani,+ kae ‵sai a ia i loto i te 1,000 tausaga.  Kae ne ‵pei ne ia a Satani ki te lua ‵poko+ kae ‵pono kae faka‵mau ne ia, ko te mea ke se toe takitaki ‵se ne ia a atufenua ke oko ki te fakaotiga o te 1,000 tausaga. Mai tua o te mea tenei e ‵tau mo ia o ‵tala mai i se taimi toetoe.+  Kae ne matea ne au a nofogaaliki, kae ko latou kolā e saga‵saga i luga i ei ne tuku atu ki a latou te malosi ke fai te fakamasinoga. Ao, ne matea ne au a ola o latou kolā ne tamate* ona ko te molimau ne fai ne latou e uiga ki a Iesu mo te fai‵pati atu e uiga ki te Atua, mo latou kolā e seki tapuaki ki te manu fekai io me ko tena fakatusa kae e seki maua ne latou te fakailoga i olotou lae mo olotou lima.+ Kae ne toe ola mai latou kae pule e pelā me ne tupu fakatasi mo Keliso+ i te 1,000 tausaga.  (A te ‵toega o tino ‵mate+ e seki ola mai seiloga ke palele atu te 1,000 tausaga.) Tenei eiloa te toe‵tuga muamua.+  E fiafia kae e tapu so se tino telā e aofia i te toe‵tuga muamua;+ me e seai se pule+ a te mate fakalua+ ki luga i a latou, kae ka fai latou mo fai a faitaulaga+ a te Atua mo Keliso, kae ka pule latou pelā me ne tupu fakatasi mo ia i te 1,000 tausaga.+  I te taimi eiloa e palele ei te 1,000 tausaga, ka toe ‵tala mai a Satani mai i tena falepuipui,  kae ka fanatu a ia o takitaki ‵se a atufenua i feitu e fa o te lalolagi, ko Koka mo Makoka, ke fakamaopoopo fakatasi latou mō te taua. A te aofaki o latou konei e pelā mo one i te tai.  Kae ne olo atu latou ki koga katoa i te lalolagi kae nikoi ne latou te koga e ‵nofo i ei a tino tapu mo te fakai fakapelepele. Kae ne tō ifo te afi mai te lagi kae ne ‵sunu i ei latou.+ 10  Kae ko te Tiapolo telā ne takitaki ‵se ne ia a latou ne ‵pei ki loto i te lase ‵ka ulaula mo te pauta ‵ka, ko te koga telā ko ‵nofo atu i ei te manu fekai+ mo te pelofeta loi,+ kae ka fakapuapuagatia* latou i konā i ao mo po ki te se-gata-mai, se-gata-mai eiloa. 11  Kae ne matea atu ne au te nofogaaliki lasi kae ‵kena mo te Atua telā e sagasaga i luga i ei.+ Ne ‵tele kea‵tea te lalolagi mo te lagi mai i ana mua,+ kae ne seki toe maua se koga mō lāua. 12  Kae ne matea ne au a tino ‵mate, ko tino ma‵luga mo tino ma‵lalo, e ‵tu i mua o te nofogaaliki, kae ne ‵tala a peluga tusi. Kae ne ‵tala mai foki te suā peluga tusi; ko te peluga tusi o te ola.+ Ne fakamasino a tino ‵mate i mea kolā e tusi i peluga tusi e ‵tusa mo olotou faifaiga.+ 13  Kae ne tuku mai ne te tai a tino ‵mate i loto i ei, kae ne tuku mai ne te mate mo te Tanuga* a tino ‵mate i loto i ei, kae ne fakamasino a latou taki tokotasi e ‵tusa mo olotou faifaiga.+ 14  Kae ko te mate mo te Tanuga* ne ‵pei ki loto i te lase ‵ka ulaula.+ A te lase ‵ka ulaula+ tenei e fakauiga ki te mate fakalua.+ 15  E se gata i ei, so se tino e se tusi tena igoa i te tusi o te ola+ e ‵pei ki te lase ‵ka ulaula.+

Fakamatalaga mai lalo

Eleni, “tamate ki te takū.”
Io me “taofi ‵mau; ‵pei ki te falepuipui.”
Io me “Heitisi,” telā ko te tanuga masani o tino. Onoono ki te FP.
Io me “Heitisi,” telā ko te tanuga masani o tino. Onoono ki te FP.