Se Fakaasiga ki a Ioane 15:1-8

  • Agelu e fitu mo mala e fitu (1-8)

    • Pese a Mose mo te Tamā Mamoe (3, 4)

15  Kae ne matea ne au i te lagi a te suā fakailoga, e lasi kae fakaofoofogia, ko agelu e tokofitu+ mo mala e fitu. Konei eiloa a mea fakaoti, me e auala i mea konā ka fakagata atu i ei te kaitaua o te Atua.+  Kae ne matea ne au se mea e pelā me se tai kilasi+ e ‵milo tasi mo te afi, kae ko latou kolā e manumalo+ i te manu fekai mo tena fakatusa+ mo te napa o tena igoa+ e ‵tu i tafa o te tai kilasi, e puke a kitala a te Atua.  E usu ne latou te pese a Mose+ te pologa a te Atua mo te pese a te Tamā Mamoe,+ olotou muna: “E ‵lasi kae fakaofoofogia au galuega,+ e Ieova* te Atua Malosi Katoatoa.+ E amiotonu kae ‵tonu ou auala,+ e te Tupu o te se-gata-mai.+  Ko oi ka se mataku tonu ki a koe, e Ieova,* kae faka‵malu ne ia tou igoa, me ko koe tokotasi fua e fakamaoni?+ Me i atufenua katoa ka o‵mai o tapuaki atu i ou mua,+ me ko oti ne fakaasi mai au tulafono amio‵tonu.”  Mai tua o te mea tenei ne matea ne au a te koga tapuaki o te faleie o te molimau+ i te lagi ne matala,+  kae ko agelu e tokofitu mo mala e fitu+ ne ‵sae mai i te koga tapuaki, e ‵pei ki gatu lino ‵mā kae malapu‵lapu mo fusi aulo e ‵sai fakatamilo i olotou fatafata.  E tokotasi te manu ola mai manu ola e fa ne tuku atu ne ia ki agelu e tokofitu a pōla aulo e fitu kolā e ‵fonu i te kaitaua o te Atua,+ telā e ola ki te se-gata-mai, se-gata-mai eiloa.  Kae ne ‵fonu te koga tapuaki i te au ona ko te ‵malu o te Atua+ mo tena ‵mana, kae e seai se tino ne mafai o ulu ki te koga tapuaki seiloga ke palele muamua a mala e fitu+ a agelu e tokofitu konā.

Fakamatalaga mai lalo

Onoono ki te MF A5.
Onoono ki te MF A5.