Se Fakaasiga ki a Ioane 12:1-17

  • Te fafine, te tama tagata, mo te talako (1-6)

  • Taua Mikaele mo te talako (7-12)

    • Ko ‵pei te talako ki te lalolagi (9)

    • Iloa ne te Tiapolo me ko toetoe fua tena taimi (12)

  • Fakasaua ne te talako te fafine (13-17)

12  Tenā ne lavea atu ei se fakailoga fakaofoofogia i te lagi: Se fafine+ ne teu ki te la, kae ko te masina e tu mai lalo i ana vae, kae i luga i tena ulu se foualiki o fetū e 12,  kae ne faitama tou fafine. Kae ne tagi a ia i tena logo‵mae mo tena fi‵ta i a ia ka fanau.  Ne lavea atu te suā fakailoga i te lagi. Kiloke! Se talako lasi e lanu pelā me se afi,+ mo ulu e fitu kae sefulu a suki kae i luga i ana ulu ko foualiki e fitu;  kae e toso ne tena felo te tasi-vae-tolu o fetū+ o te lagi, kae ne ‵pei ne ia a latou ki lalo i te lalolagi.+ Kae ne tu faeloa te talako i mua o te fafine+ telā ka fai o fanau, ko te mea ke kai ne ia tena tamaliki māfai ko fanau mai.  Kae ne fanau mai ne tou fafine se tamaliki tagata,+ telā ka pule* ne ia a atufenua katoa ki te tokotoko fiti.+ Kae ko tena tama ne puke o ave fakavave ki te Atua mo tena nofogaaliki.  Kae ne tele kea‵tea te fafine ki te koga lavaki, ki te koga telā ne fakatoka ne te Atua mō ia kae ka fagai ne latou a ia i aso e 1,260.+  Kae ne kamata se taua i te lagi: A Mikaele*+ mo ana agelu ne taua mo te talako, kae ne taua atu te talako mo ana agelu  kae ne seki manumalo latou, io me ne maua se koga mō latou i te lagi.  Tenā ne ‵pei ifo ei te talako lasi,+ ko te gata muamua+ telā e fakaigoa ki te Tiapolo+ mo Satani,+ telā e takitaki ‵se ne ia te lalolagi nofoaki kātoa;+ ne ‵pei ifo a ia ki te lalolagi,+ kae ne ‵pei ifo ana agelu fakatasi mo ia. 10  Ne lagona ne au se leo maluga i te lagi ne fai mai: “Ko oko mai nei te fakaolataga+ mo te malosi mo te Malo o te ‵tou Atua+ mo te pulega a tena Keliso, me ko oti ne ‵pei ifo ki lalo a te tino telā e ‵losi atu ki ‵tou taina, telā e ‵losi atu ki a latou i ao mo po i mua o te ‵tou Atua!+ 11  Kae ne fakatakavale ne latou a ia+ ona ko te toto o te Tamā Mamoe+ kae ona ko te fekau telā e folafola atu ne latou,+ kae ne seki manumanu latou ki olotou ola+ ke oko eiloa ki te mate. 12  Ona ko te mea tenei ke fia‵fia koutou, e te lagi mo koutou kolā e ‵nofo i ei! Kalofa eiloa i te lalolagi mo te tai,+ me ko oti ne fanaifo te Tiapolo ki a koulua, kae ko oko eiloa i te kaitaua me e iloa ne ia i tena taimi ko toetoe.”+ 13  I te taimi ne matea ei ne te talako i a ia ko ‵pei ifo ki te lalolagi,+ ne fakasaua atu a ia ki te fafine+ telā ne fanau ne ia te tamaliki tagata. 14  Kae ne tuku atu ki te fafine a kapakau e lua o se aeto lasi,+ ko te mea ke mafai o eva atu a ia ki tena koga i te koga lavaki, telā ka fagai ei a ia i se taimi mo taimi e lua mo te āfa taimi*+ ke ‵mao a ia kea‵tea mai te gata.+ 15  Kae ne luaki atu ne te gata a vai e pelā me se vaitafe mai i tena gutu i tua o te fafine, ke fai ei a ia ke malemu i te vaitafe. 16  Kae ne fesoasoani atu te lalolagi ki te fafine, kae ne fakamaga ne te lalolagi tena gutu kae folo ne ia te vaitafe telā ne luaki ne te talako ki tua mo tena gutu. 17  Tenā ne gasolo o kaitaua malosi te talako ki te fafine kae fanatu o taua ki tama* a te fafine kolā e ‵toe mai,+ kolā e faka‵logo ki fakatonuga a te Atua kae e ga‵lue i te molimau atu e uiga ki a Iesu.+

Fakamatalaga mai lalo

Eleni, “tausi.”
Tena uiga, “Ko oi e ‵Pau mo te Atua?”
Eleni, “ne taimi.”
Eleni, “fanau.”