Failauga 1:1-18

  • A mea katoa e seai ne aoga (1-11)

    • A te lalolagi e tumau ki te se-gata-mai (4)

    • E tumau eiloa a tamilosaga o te natula (5-7)

    • E seai se mea fou i lalo o te la (9)

  • E isi se tapula ki te poto o te tagata (12-18)

    • Ko te afuliga fua o te matagi (14)

1  Ko pati a te failauga,*+ te tama tagata a Tavita, te tupu i Ielusalema.+   Muna a te failauga, “Te ‵toe mea sē aoga!”“Te ‵toe mea sē aoga! A mea katoa e seai ne aoga!”+   Se a te mea e maua ne se tino mai i ana galuega ‵mafa katoaKolā e galue malosi a ia ki ei i lalo o te la?+   E fanatu se kautama, kae vau te suā kautama,Kae ko te lalolagi e tumau eiloa ki te se-gata-mai.+   E sae aka te la,* kae tō ifo te la;Tenā ko foki fakavave* ei ki te koga e toe sae aka i ei.+   E agi atu a te matagi ki saute kae toe agi fakatamilo mai ki mātū;E agi fakatamilomilo, kae agi fakapukupuku; e agi fakatamilo faeloa a te matagi.   A tamā vaitafe katoa e ‵tafe ki te tai, kae e se mafai eiloa o ‵fonu a te tai.+ A te koga ne ‵tafe mai i ei a tamā vaitafe, e toe ‵foki atu eiloa ki ei ko te mea ke toe ‵tafe mai i ei.+   A mea katoa ne mea fakafi‵ta;E seai se tino e mafai o faipati e uiga ki ei. A te mata e se lotomalie i te kilo atu ki ei;Io me ‵fonu te taliga i te fakalogologo atu ki ei.   A te mea ko oti ne tupu ko te mea eiloa telā ka tupu,A te mea telā ko oti ne fai, ka toe fai foki;E seai se mea fou i lalo o te la.+ 10  E a, e isi se mea e mafai o fai mai i ei se tino, “Kiloke ki te mea tenei—se mea fou”? A te mea tenā se mea ko leva ne isi mai taimi mua;Ko leva eiloa ne isi mai mua o ‵tou taimi. 11  E seai se tino e masaua ne ia a tino i taimi mua;Io me ka masaua ne se tino a latou kolā ka o‵mai fakamuli;Io me ka masaua latou ne tino kolā koi o‵mai fakamuli ifo.+ 12  Au, ko te failauga, ne fai mo tupu o Isalaelu i Ielusalema.+ 13  Ne fakatoka ne au toku loto ke sukesuke kae iloilo ne au mo te poto+ a mea katoa kolā ne fai mai lalo o te lagi+—ko galuega fakafi‵ta kolā ne tuku mai ne te Atua ki tama a tāgata ke fakalave‵lave latou i ei. 14  Ne lavea ne au a galuega katoa ne fai mai i lalo o te la,Kae kiloke! a mea katoa e seai ne aoga, ko te afuliga fua o te matagi.+ 15  A te mea pikopiko e se mafai o fai ke ‵tonu,Kae e se mafai lele eiloa o lau aka a mea kolā e seai. 16  Tenā ne fai aka ei au i toku loto: “Kiloke! Ko oti ne maua ne au a te poto sili, e sili atu i lō so se tino mai mua atu i a au i Ielusalema,+ kae ne maua ne toku loto a te poto mo te iloaga sili.”+ 17  Ne fakagalue aka ne au a toku loto ke iloa ne ia te poto kae ke iloa a te fakavalevale kae ke iloa a te valea,+ kae fai foki te mea tenei e pelā mo te afuliga fua o te matagi. 18  Me ko te lasi o te poto e aumai i ei a fakalavelave e uke,Tela la, so se tino e momea aka te lasi o tena iloaga e momea aka foki i ei te lasi o te logo‵mae.+

Fakamatalaga mai lalo

Io me “te tino e fakamaopoopo ne ia.”
Io me “maina mai.”
Io me “foki atu mo te gaegae.”