Faataoto 9:1-18
9 A te poto tonu ko oti ne faite ne ia tena fale;Ko oti ne faite* ne ia ana pou e fitu.
2 Ko oti ne fakatoka faka‵lei ne ia ana ‵kano o manu;Ko oti ne palu ne ia ana uaina;Ko oti foki ne fakatoka ne ia tena taipola.
3 Ko oti ne uga atu ne ia ana tavini fāfineKe ka‵laga mai i koga ma‵luga o te fakai:+
4 “So se tino e se lasi tena iloa, ke vau ki konei.”
Muna a tou fafine ki te tino e se lava te faka‵tau:
5 “Vau, kai ki aku meakaiKae inu ki uaina kolā ne palu ne au.
6 Tiaki atu a tino e se lasi te lotou iloa ke ola koe;+Sasale ki mua i te auala o te malamalama.”+
7 A te tino e fakatonu ne ia se tino fakatauemu e ‵kami mai ne ia te masiasi,+Kae ko so se tino e polopoloki ‵mafa ne ia se tino amio masei ka logo‵mae.
8 Ke mo a ma polopoloki ‵mafa ne koe se tino fakatauemu, i te mea ma takalialia ki a koe.+
Polopoloki ‵mafa a te tino poto, kae ka alofa mai a ia ki a koe.+
9 Tuku atu a fakatonuga ki te tino poto, kae ka gasolo eiloa a ia o poto atu.+
Akoako atu se tino amiotonu, kae ka fakaopoopo atu a mea konā ki ana mea ne tauloto.
10 A te mataku ki a Ieova ko te kamataga o te poto,+Kae ko te iloaga o te Atua Tafasili i te Tapu+ ko te malamalama.
11 Me e auala i a au ka uke eiloa ou aso,+Kae ka fakaopoopo atu a tausaga ki tou olaga.
12 Kafai e poto koe, e poto eiloa koe mō tou ‵lei,Kae kafai koe se tino fakatauemu, ko koe tokotasi eiloa e pokotia i ei.
13 A te fafine valea e logoa.+
E fakavalevale kae e seai sena mea e iloa.
14 E sagasaga a ia i te mataloa o tena faleI se nofoga i koga ma‵luga o te fakai,+
15 Kae kalaga atu ki tino e olo i konā,Ki tino kolā e sa‵sale ‵tonu i olotou auala:
16 “So se tino e se lasi tena iloa, ke vau ki konei.”
Muna a tou fafine ki a latou kolā e se lava te faka‵tau:+
17 “A vai ne kaisoa e ma‵galo,Kae ko meakai e kai ‵funa e ‵gali ‵ki.”+
18 Kae e se iloa ne tou tagata i a latou kolā e seai se lotou malosi i te mate e ‵nofo i konā,Kae ko tino ‵kami a tou fafine ko ‵nofo i koga ‵poko o te Tanuga.*+
Fakamatalaga mai lalo
^ Io me “‵kati.”
