Faataoto 5:1-23

  • Ke fakaeteete i fāfine amio matagā (1-14)

  • Ke fia‵fia fakatasi mo tau avaga fafine (15-23)

5  Taku tama, saga tonu mai ki toku poto. Fakalogo faka‵lei* ki toku atamai i te faiga o faka‵tauga ‵lei,+  Ko te mea ke mafai o puipui ne koe te malosi o tou mafaufauKae leoleo a te iloaga fakatasi mo ou laugutu.+  Me i laugutu o se fafine masei* e ‵moti e pelā me se hani,+Kae ko tena gutu e ‵mole atu i lō te sinu.+  Kae oti aka loa e ‵kona eiloa tou fafine e pelā me se lakau ‵kona+Kae e ‵kai pelā me se pelu e ‵kai matalua.+  Ana vae e olo ifo ki te mate. Ana kalafaga e olo ‵tonu atu ki te Tanuga.*  E se mafaufau a ia ki te ala o te ola. Ko fano valevale tena auala, kae ko se iloa ne ia me fano a ia ki fea.  Nei la, e aku tama, faka‵logo mai ki a auKae ke mo a ma ‵fuli kea‵tea mai aku pati e fai atu.  Faka‵mao kea‵tea mai tou fafine;Ke mo a ma fakapilipili atu ki te mataloa o tena fale,+  Ko te mea ke mo a ma galo te āva o nisi tino ki a koe+ Kae tau ne koe a mea ma‵sei i te fia o tausaga;+ 10  Ko te mea ke mo a ma fakaaoga ne tino fakaa‵tea ou koloa+Kae ko mea kolā ne galue koe ki ei ko ave ki te fale o se tino fakaa‵tea. 11  I a koe ma tagi fi‵ta i te fakaotiga o tou olagaI te taimi ko gasolo ei o vāivāi tou foitino+ 12  Kae fai atu koe: “Ko oko eiloa au i te takalialia ki polopolokiga! Ko oko eiloa i te sē fiafia o toku loto ki polopolokiga ‵mafa! 13  Au ne seki fakalogo ki leo o tino e akoako ne latou auIo me saga tonu atu ki oku faiakoga 14  Ko oko mai au ki kaugutu o te fakamaseiga katoatoaI loto i te fakapotopotoga kātoa.”+ 15  Inu ki vai mai tau vaikeli eiloaMo vai e ‵tafe mai i tau vaikeli.+ 16  E a, e ‵tau o fakasalalau atu ou vaipuna ki tua,Ko au vai e ‵tafe mai ki loto i malae o te fakai?+ 17  Ke fai eiloa a mea konā ma koe tokotasi,Kae e se mō tino fakaa‵tea kolā e fakatasi mo koe.+ 18  Ke manuia eiloa ou vaipuna,Kae ke fia‵fia fakatasi koe mo tau avaga telā ne fai i te taimi koi talavou ei koe,+ 19  Se tia telā e alofagina, se kouti mata fiafia o mauga.+ Ke malie eiloa koe ki ana ū i taimi katoa. Ke fiafia faeloa koe ki tena alofa.+ 20  Tela la, e taku tama, kaia e ‵tau ei koe o fiafia ki se fafine masei*Io me ‵sai atu ki fatafata o se fafine amio matagā?*+ 21  Me i auala o te tagata e ‵tu i mua o mata o Ieova;E iloilo ne ia ana ala katoa.+ 22  A te tino amio masei ka maleigina eiloa ne ana mea ‵se,Kae ka ‵poa aka a ia i loto i lōpu o tena agasala.+ 23  Ka mate a ia ona ko te sē lava o polopolokigaKae takasēsē kea‵tea ona ko te lasi o tena valea.

Fakamatalaga mai lalo

Epelu, “Tuku mai ou taliga.”
Epelu, “fakaa‵tea.” Onoono ki te Fat 2:16.
Io me “Seoli,” telā ko te tanuga masani o tino. Onoono ki te FP.
Epelu, “fakaa‵tea.” Onoono ki te Fat 2:16.
Epelu, “fakaa‵tea.” Onoono ki te Fat 2:16.