Faataoto 4:1-27
4 Faka‵logo mai, e aku tama, ki polopolokiga a se tamana;+‵Saga tonu atu ko te mea ke maua te malamalama,
2 Me ka avatu ne au a fakatonuga ‵lei;Ke mo a ma tiaki aku akoakoga.*+
3 Ne fai au pelā me se tama tonu ki toku tamana+Mo te tino telā e alofa malosi ki ei toku mātua.+
4 Ne akoako ne ia au kae fai mai: “Ke taofi ‵mau tou loto ki aku muna.+
Tausi aku fakatonuga kae tumau i te ola.+
5 Fai ke maua te poto, fai ke maua te malamalama.+
Ke mo a ma puli, kae ke mo a foki ma ‵fuli kea‵tea mai aku muna.
6 Ke mo a ma tiaki ne koe te poto, kae ka puipui ne ia koe.
Alofa ki ei, kae ka tausi ne ia koe.
7 A te poto ko te ‵toe mea tāua,+ tela la, fai ke maua te poto,Kae mai mea katoa e maua ne koe, fai ke maua te malamalama.+
8 Fakatāua malosi a te poto, kae ka fakamaluga ne ia koe.+
Ka fakaaloalo atu a ia ki a koe me ne puke ‵mau koe ki ei.+
9 Ka tuku ne ia se fou gali ki luga i tou ulu;Ka fakagaligali ne ia koe ki se kalauna gali.”
10 Fakalogo mai, e taku tama, kae talia aku pati,Kae ka uke a tausaga o koe i te olaga nei.+
11 Ka akoako ne au koe i te auala o te poto;+Ka takitaki ne au koe i auala o te fai mea tonu.+
12 Kafai koe e sasale, ka se ‵lave eiloa ou vae;Kae kafai koe e tele, ka se siga eiloa koe.
13 Puke ‵mau ki polopolokiga; kae sa tiakina.+
Puipui a te mea tenā, me ko tou ola tenā.+
14 Ke mo a ma ulu ki loto i te ala o tino amio ma‵sei,Kae ke mo a ma sasale i te auala o tāgata matagā.+
15 ‵Kalo kea‵tea mai i ei, sa puke ki ei;+‵Fuli kea‵tea mai i ei, kae fakasili atu i ana tafa.+
16 Me e se mafai latou o ‵moe vagana ke fai ne latou se mea masei.
E se ‵moe latou vagana ke fai ne latou se mea ke siga ei se tino.
17 E ‵kai latou ki meakai a tino amio ma‵sei,Kae inu ki uaina o te saua.
18 Kae ko te auala o te tino amiotonu e ‵pau mo te mainaga telā e maina aka i te tafataeaoTelā e gasolo aka eiloa o maina ke oko ki te taimi ko ao mai ei.+
19 A te auala o tino amio ma‵sei e ‵pau mo te pouliga;E se iloa ne latou a te pogai e ‵siga ei latou.
20 Taku tama, saga tonu mai ki aku muna;Fakalogo faka‵lei mai* ki aku pati.
21 Ke mo a ma ‵galo a mea konā mai i ou mata;Tausi a mea konā i tou ‵kano loto,+
22 Me i mea konā ko te ola ki a latou kolā e maua ne latou+Mo te malosi ki olotou foitino kātoa.
23 Mai i mea katoa kolā e ‵tau o puipui ne koe, ke puipui tou loto,+
Me e māfua mai i ei a pogai o te ola.
24 Ave kea‵tea mai i a koe a pati sē ‵tonu,+Kae faka‵mao mai i a koe a faipatiga fakaloiloi.
25 E ‵tau o kilo ‵tonu atu ou mata ki mua,Ao, ‵pula ‵toka atu ou mata ki ou mua.+
26 Fai ke laugatasi* te auala o ou vae,+Kae ka mautinoa eiloa ou auala katoa.
27 Ke mo a ma fano ki te fakaatamai io me ki te fakamaui.+
‵Fuli kea‵tea ou vae mai te mea masei.
Fakamatalaga mai lalo
^ Io me “tulafono.”
^ Epelu, “Tuku mai ou taliga.”
^ Io me kāti, “Mafaufau faka‵lei ki.”
