Faataoto 31:1-31

  • PATI A TE TUPU KO LEMUELU (1-31)

    • Ko oi e mafai o maua ne ia se fafine avaga atamai? (10)

    • E galue malosi kae fai galuega ‵mafa (17)

    • A te atafai e maua i tena gutu (26)

    • Ana tama‵liki mo tena avaga e tavae ne latou tou fafine (28)

    • A te gali mo te tinogali e ma‵tafi atu fua (30)

31  Ko pati a te Tupu ko Lemuelu, ko te fekau tāua ne tuku atu ne tena mātua ke akoako ei a ia:+   Se a taku pati ka fai atu ki a koe, e taku tama,Se a, e te tama o toku moegatama,Kae se a, e te tama o aku tautoga?+   Ke mo a ma tuku tou malosi ki fāfine,+Io me tautali i auala kolā e fakaseai ei a tupu.+   E se ‵tau mo tupu, e Lemuelu,E se ‵tau mo tupu o inu ki uaina Io me ke fai aka a pule penei, “Tefea taku meainu?”+   Ko te mea ke se inu latou kae fakapuli a te fakatonuga ne fai atuKae ‵fuli a te saolotoga o tino ma‵lalo.   Tuku atu a meainu ma‵losi ki a latou kolā ko pili o ‵mate+Mo uaina ki a latou kolā e loto mafatia malosi.+   Fai ke inu latou kae ke puli te lotou ma‵tiva;Fai ke se toe masaua ne latou olotou fakalavelave.   Faipati atu mō tino kolā e se mafai o fai‵pati;‵Pulu aka a saolotoga o latou katoa kolā ko pili o ‵mate.+   Faipati mai kae fakamasino i te amiotonu;‵Pulu aka a saolotoga o tino ma‵lalo mo tino ma‵tiva.+ א [Alefa] 10  Ko oi e mafai o maua ne ia se fafine avaga atamai?*+ E sili atu tena tāua i lō kamu.* ב [Peta] 11  A tena avaga e talitonu ki a ia mai tena loto,Kae e seai se mea tāua e mativa ei tou tagata. ג [Gimela] 12  Ne taui atu ne tou fafine ki a ia a mea ‵lei, e se ko mea ma‵sei,I aso katoa o tena olaga. ד [Taleta] 13  E maua ne ia a vulu mo laugatu lino;E fiafia a ia o galue ki ana lima.+ ה [He] 14  E fai tou fafine e pelā mo vaka a se tino fai pisinisi,+E aumai ana meakai mai i se koga ‵mao. ו [Vau] 15  E tu aka foki a ia kae koi pouli,O fakatoka a meakai mō tena kāigaMo mea ma ana tavini fāfine.+ ז [Seini] 16  E mafaufau a ia ki se manafa, ‵togi ei ne ia;E ‵toki ne ia se togavine mai i ana galuega eiloa.* ח [Heta] 17  E fakatoka tou fafine mō galuega ‵mafa,+Kae e fakama‵losi aka ne ia ana lima. ט [Teta] 18  E lavea ne ia me e maua eiloa ana tupe mai i ana mea ne fakatau atu;E se mate eiloa a tena moli i te po. י [Iota] 19  E puke ana lima ki te lakau e faite ki ei a filo,Kae puke ana lima i te lakau e fakatamilo ei te filo.+ כ [Kafa] 20  E ‵fola atu tena alofilima ki te tino malalo,Kae e ‵tala ana lima ki tino ma‵tiva.+ ל [Lameta] 21  E se manavase a ia e uiga ki tena kāiga ona ko te kiona,Me i tena kāiga kātoa e ‵pei eiloa ki gatu ‵moko. מ [Mema] 22  E faite eiloa ne ia a sulukafu o tena moega. Ana gatu e fai ki laugatu lino mo vulu lanu violeta. נ [Nuna] 23  E takutakua eiloa tena avaga i mataloa o te fakai,+Te koga e saga‵saga fakatasi ei a ia mo toeaina o te fenua. ס [Sameka] 24  E faite ne tou fafine a gatu lino* kae fakatau atuKae fai a fusi ke avatu ki tino fai pisinisi. ע [Aina] 25  E pei tou fafine ki te malosi mo te gali,Kae kilo atu ki aso mai mua mo te loto talitonu. פ [Pe] 26  E ‵tala tena gutu mo te poto;+A te tulafono o te atafai* e maua i tena gutu. צ [Sati] 27  E onoono a ia ki mea e fai i tena kāiga,Kae e se kai eiloa a ia ki meakai o te paie.+ ק [Kofa] 28  E ‵tu aka ana tama‵liki kae taku ne latou tou fafine me e fiafia;E tu aka tena avaga kae tavae tou fafine. ר [Lesa] 29  E tokouke a fāfine ata‵mai,*Kae ko koe​—e sili atu koe i a latou katoa. ש [Sini] 30  A te gali e mafai o loi, kae ko te tinogali e matafi atu fua,+Kae ko te fafine telā e mataku ki a Ieova ka tavaegina.+ ת [Tau] 31  Tuku atu ki tou fafine a te taui mō ana mea ne fai,+Kae ke tavae a ia ne ana galuega i mataloa o te fakai.+

Fakamatalaga mai lalo

Io me “tafasili i te ‵lei.”
Onoono ki te FP.
Io me “ki ana tupe ne maua.” Epelu, “mai galuega o ana lima.”
Io me “gatu ‵tao loto.”
Io me “A fakatonuga a‵lofa; Te tulafono o te alofa fakamaoni.”
Io me “tafasili i te ‵lei.”