Faataoto 3:1-35
3 Taku tama, sa puli i a koe aku akoakoga,*Kae ke tausi i tou loto aku fakatonuga,
2 Me ka fakaopoopo atu i ei a aso e ukeMo tausaga o te olaga mo te filemu ki a koe.+
3 Sa fai ke tiaki koe ne te alofa fakamaoni mo te fakamaoni.*+
‵Sai a mea konā ki tou ua;Tusi a mea konā ki tou loto;+
4 Tenā ko maua ei ne koe te taliaga mo te ‵loto o te malamalama ‵leiI te kilokiloga a te Atua mo te tagata.+
5 Talitonu ki a Ieova+ mo tou loto kātoa,Kae sa fakalagolago eiloa ki tou malamalama.+
6 Ke masaua ne koe a ia i ou auala katoa,+Kae ka fai ne ia ke ‵tonu ou auala.+
7 Sa mafaufau i a koe e poto.+
Mataku ki a Ieova kae ‵fuli kea‵tea mai te masei.
8 Ka fai a te mea tenā mo fai se faka‵leiga ki tou foitino*Kae se fakamalosiga ki ou ivi.
9 Ke fakaaloalo ki a Ieova fakatasi mo au mea tāua,+Fakatasi mo au fuataga muamua* katoa o te laukele;+
10 Tenā ko ‵fonu faka‵lei ei ou fale ‵teu saito,+Kae ko au paelo* ka ‵fonu i uaina ‵fou.
11 Taku tama, sa ‵teke ki polopolokiga a Ieova,+Kae ke mo a ma takalialia ki ana polopolokiga ‵mafa,+
12 Me ko latou kolā e alofa ki ei a Ieova e polopoloki ‵mafa ne ia,+E pelā eiloa mo te mea e fai ne se tamana ki te tama telā e fiafia a ia ki ei.+
13 E fiafia a te tagata telā e maua ne ia te poto+Mo te tagata e maua ne ia te atamai i te faiga o faka‵tauga ‵lei;
14 Ke maua te poto e ‵lei atu i lō te mauaga o siliva,Kae ke maua ne koe te mea tenā* e ‵lei atu i lō te mauaga o aulo.+
15 E sili atu tena tāua i lō kamu;*E seai se mea e manako koe ki ei e mafai o faka‵pau ki te poto.
16 A te ola leva e maua i tena lima fakaatamai;A koloa mo te ‵malu e maua i tena lima fakamaui.
17 Ana auala e ‵gali,Kae ko ana ala katoa e filemu.+
18 A te mea tenā se lakau o te ola ki a latou kolā e puke ‵mau ki ei,Kae ko latou kolā e taofi ‵mau ki ei ka taku me e fia‵fia.+
19 Ne fakavae ne Ieova te lalolagi ki te poto.+
Ne faka‵mautakitaki ne ia te lagi ki te atamai.+
20 E auala i tena iloaga ne vaelua ei a vai ‵pokoKae ko te lagi kaumanā ne moti‵moti mai ei a te ‵sau.+
21 Taku tama, ke mo a eiloa ma ‵galo a mea konā* mai i a koe.
Taofi ‵mau ki te poto mo te malosi o te mafaufau;
22 Ka avatu ne mea konā te ola ki a koeKae fai pelā me se mea fakagaligali i tou ua;
23 Tenā ko sasale ei koe i tou auala i te saogalemu,
Kae e se mafai eiloa o ‵siga ou vae.+
24 Kafai e takato koe ki lalo, ka se mataku koe;+Ka takato koe ki lalo, kae ka gali eiloa tau moe.+
25 Ka se mataku koe ki so se mea fakamataku+Io me ko te matagi malosi telā ka poko ki tino amio ma‵sei.+
26 Me ka fai a Ieova mo fai te pogai o tou loto talitonu;+Ka taofi ne ia tou vae ke mo a ma ‵lave i se mea.+
27 Sa taofi a mea ‵lei mai i a latou kolā e ‵tau o tuku atu ne koe ki ei+Māfai e lava tou malosi o fesoasoani.+
28 Ke mo a ma fai atu koe ki tou tuakoi, “Fano; kae toe foki mai fakamuli! Ka avatu ne au ki a koe ma taeao,”
Māfai e mafai o avatu ne koe i te taimi nei.
29 Sa fai ne koe se mea ke fakapakia ei tou tuakoi+
Māfai e talitonu eiloa tou tagata ki a koe.
30 Ke mo a ma sona kinau mo se tagata e aunoa mo se pogai+Māfai e seai se mea masei ne fai ne ia ki a koe.+
31 Ke mo a ma kaisano koe ona ko te tagata fakasaua+Io me filifili se auala e tasi mai i ana auala,
32 Me i a Ieova e takalialia ki te tino amio fakaloiloi,+Kae e pili Tena va fakataugasoa mo te tino fai mea tonu.+
33 A te fakamalaiaga a Ieova e nofo i luga i te fale o te tino amio masei,+Kae e fakamanuia ne ia te fale o te tino amiotonu.+
34 Me e fakatauemu ne ia a tino fakatauemu,+Kae e alofa a ia ki te tino agamalu.+
35 A te fakaaloalo ka fai mo tofi o te tino poto,Kae ko tino va‵lea e faka‵malu ki te sē āva.+
Fakamatalaga mai lalo
^ Io me “tulafono.”
^ Io me “munatonu.”
^ Epelu, “pito.”
^ Io me “‵toe mea ‵lei.”
^ Io me “mea ‵tau uaina.”
^ Io me “ke maua ne koe a te mea tenā e pelā me se tupe silia.”
^ E fakasino atu eiloa ki uiga o te Atua kolā ne taku mai i fuaiupu mai luga.
