Faataoto 28:1-28
28 A tino amio ma‵sei e ‵tele faitalia me seai se tino e afuli ne ia latou,Kae ko tino amio‵tonu e loto ma‵losi eiloa e pelā me se leona.*+
2 Kafai e isi ne amioga solitulafono* i te fenua, ka sui faeloa a tena pelenise,+Kae mai te fesoasoani o se tagata atamai kae poto, ka tumau eiloa se pelenise i se taimi leva.+
3 A te tagata mativa telā e kaisoa ne ia a mea a tino ma‵lalo+E fai pelā me se vaiua telā e ‵tafe kea‵tea i ei a meakai katoa.
4 A latou kolā e tiaki ne latou te tulafono e tavae ne latou a te tino masei,Kae ko latou kolā e faka‵logo ki te tulafono e kaitaua ki a latou.+
5 A tāgata matagā e se mafai o malamalama i te fakamasinoga tonu,Kae ko latou kolā e ‵sala ki a Ieova e mafai o malamalama i mea katoa.+
6 E ‵lei atu a te tagata mativa telā e sasale i te fakamaoniI lō te tagata maumea telā e fai mea piko‵piko.+
7 A te tamaliki telā e malamalama e fakalogo ki te tulafono,Kae ko te taugasoa o te tino gafula e fakamasiasi ne ia tena tamana.+
8 A te tino telā e fakauke ne ia ana koloa e auala i tupe fakapasene+ mo tupe fakakaitalafuE fakauke fua ne ia a mea konā mō te tino telā e alofa ki tino ma‵tiva.+
9 A te tino telā e ita ma fakalogo ki te tulafono—A tena ‵talo se mea fakatakalialia.+
10 A te tino e takitaki ‵se ne ia te tino fai mea tonu ki se auala masei ka tō ki lalo i tena lua eiloa,+Kae ko te tino amio ‵lei ka maua ne ia te ‵lei.+
11 A te tagata maumea e poto i tena kilokiloga eiloa,+Kae ko te tagata mativa telā e atamai e mafai o lavea ‵tonu ne ia a mea e uiga ki a ia.+
12 Kafai ko manumalo a tino amio‵tonu, ko oko eiloa i te gali,Kae kafai ko pule mai a tino amio ma‵sei, a tino e olo o ‵muni.+
13 A te tino e ufiufi ne ia ana amioga solitulafono ka se manuia,+Kae ko so se tino e fakaasi ‵tonu a mea konā kae tiaki ne ia ka fakaasi atu ki ei a te alofa fakamagalo.+
14 E fiafia te tagata telā e matapulapula faeloa,*Kae ko so se tino e fakamakeke tena loto ka tō atu ki loto i te malaia.+
15 E pelā me se leona e tagi kaitaua mo se pea telā e oso maiE penā eiloa te pule masei māfai ko pule i tino vāi‵vai.+
16 A te takitaki telā e se atamai e fakaaoga ‵se ne ia tena malosi,+Kae ko te tino e takalialia ki te mauaga o tupe silia i se auala faitogafiti ka ola leva a ia.+
17 A te tagata telā e manavase i te agasala ko te tamatega o se tino ka tele faeloa kea‵tea ke oko eiloa ki te tanuga.*+
Ke mo a eiloa e ‵lago atu se tino ki a ia.
18 A te tino e sasale e aunoa mo se mea ‵se ka sao,+Kae ko te tino telā e fai mea piko‵piko ka siga vave.+
19 A te tino e fakagalue tena laukele ka uke ana meakai,Kae ko te tino e kausaki ki mea sē aoga ka mativa malosi.+
20 A te tagata fakamaoni ka maua ne ia a fakamanuiaga e uke,+Kae ko te tino e manako ke maumea vave a ia ka se tumau i te ‵ma.+
21 E sē se mea ‵lei ke fakaasi atu te fakailoga tino;+Kae e mafai ne se tagata o fai se mea ‵se ke maua ne mu meakai.
22 A te tagata kaisano* e manako malosi ki koloa,Kae e se iloa ne ia me ka maua a ia ne te mativa.
23 So se tino e polopoloki ‵mafa ne ia se tagata+ ka maua fakamuli ne ia te taliaga+I lō se tino telā e tavae fakaloiloi ki tena gutu.
24 So se tino e kaisoa ne ia a mea a tena tamana mo tena mātua kae fai aka, “A te mea tenā e se masei,”+E ga‵lue fakatasi mo te tagata telā e fakamāfua ne ia a fakamaseiga.+
25 A te tino kaimanako e faka‵tupu ne ia a kinauga,Kae ko so se tino e fakalagolago ki a Ieova ka manuia.+
26 So se tino e talitonu ki tena loto e valea,+Kae ko te tino telā e sasale i te poto ka sao.+
27 So se tino e tuku atu a mea ki tino ma‵tiva ka se mativa eiloa i se mea,+Kae ko te tino e ‵pono ana mata ki a latou ka maua ne ia a fakamalaiaga e uke.
28 Kafai ko pule mai a tino amio ma‵sei, a te tagata e fano o ‵muni,Kae kafai ko ‵mate atu latou, e gasolo o tokouke a tino amio‵tonu.+
Fakamatalaga mai lalo
^ Io me “se tamā leona.”
^ Io me “‵teke.”
^ Io me “telā e se mafai o mataku.”
^ Io me “lua.”
^ Io me “kaimanako.”
