Faataoto 27:1-27

  • A polopolokiga mai i se taugasoa e ‵lei atu (5, 6)

  • Taku tama, fai toku loto ke fiafia (11)

  • Te fiti e fakamata ki te fiti (17)

  • Fai ke iloa ne koe tau lafu mamoe (23)

  • A koloa e se tumau ki te se-gata-mai (24)

27  Ke mo a ma faipati fakamatamata e uiga ki te aso ma taeao,Me e se iloa ne koe a mea ka ‵tupu i te aso tenā.+   Tuku ke tavae koe ne te suā tino,* kae e se ko tou gutu eiloa;Ko nisi tino,* kae e se ko ou laugutu eiloa.+   A te fatu e ‵mafa kae ko one e ‵mafa foki,Kae ko te kaitaua e fakamāfua aka ne se tino valea e ‵mafa atu i te avā mea konā.+   A te kaitaua e masei kae ko te ita e pelā me se lofiaga,Kae ko oi e mafai o fa‵ki ne ia te loto masei?+   E ‵lei atu a polopolokiga ‵mafa i lō te alofa telā e se fakaasi ki tua.+   A pa‵kiaga kolā ne fai ne se taugasoa e fakamaoni,+Kae e uke atu* a sogi mai i se fili.   A te tino telā e makona e se manako ki te tinā hani,Kae ko te tino fiakai, e suamalie eiloa ki a ia te tami o mea kolā e ‵kava.   E pelā me se manu eva ko takasēsē* kea‵tea mai tena ofagaE penā eiloa te tagata telā ko takasēsē kea‵tea mai i tena fale.   A te sinu mo mea manogi gali e fai i ei te loto ke fiafia;E penā foki a te va fakataugasoa gali telā e sae mai i fautuaga fakamaoni.+ 10  Ke mo a ma tiaki ne koe tou taugasoa io me ko te taugasoa o tou tamana,Kae ke mo a ma ulu ki loto i te fale o tou taina i te aso o tou puapuaga;E ‵lei atu te tuakoi telā e pili mai i lō se taina telā e ‵mao ‵ki.+ 11  Ke poto koe, e taku tama, kae fai toku loto ke fiafia,+Ko te mea ke mafai o fai atu ne au se tali ki a ia telā e fakaitaita mai ki a au.+ 12  A te tino atamai e lavea ne ia te mea fakamataku kae ‵muni,+Kae ko tino e se lasi te lotou iloa e olo ‵tonu atu eiloa, ko puapuaga ei i ikuga* o mea konā. 13  Puke se gatu o te tagata māfai ko oti ne tuku atu e pelā me se puipuiga o te tupe kaitalafu a se tino fakaa‵tea;Taofi ‵mau ki te tautoga a ia māfai ne fai ne ia mō se fafine fakaa‵tea.+ 14  Kafai e fakamanuia ne se tino a tena tuakoi i se leo maluga i te tafataeao ‵malu,Ka fai a mea konā e pelā me ne pati fetū ki a ia. 15  A te avaga fafine kinau valea* e pelā me se tuafale ‵tulu i te aso e ‵to ei a vaiua.+ 16  So se tino e mafai o taofi ne ia tou fafine e mafai o taofi ne ia te matagiKae e mafai foki o taofi ‵mau ne ia a sinu ki tena lima fakaatamai. 17  E pelā mo te fiti e fakamata ki te fiti,E fakamalosi* ne se tagata e tokotasi a tena taugasoa.+ 18  A te tino e tausi faka‵lei ki te lakau ko te mati ka kai i ana fuataga,+Kae ko te tino e tausi faka‵lei ki tena matai ka fakaaloalogina.+ 19  E pelā mo te vai e fakaata mai i ei a foliga o se tino,E penā eiloa te loto o se tagata e tokotasi e fakaata mai i ei te loto o te suā tino. 20  A te Tanuga mo te koga o fakaseaiga* e se mafai o lotoma‵lie,+E penā foki a mata o se tagata e se mafai o lotoma‵lie. 21  E pelā mo te ulo e faka‵ma i ei a siliva kae ko te ogaumu e faka‵ma i ei te aulo,+E penā foki te tino, e tofotofogina e auala i tavaega e maua ne ia. 22  Kafai foki e tuki ne koe se tino valea ki se mea tukitukiE pelā mo saito kolā ko oti ne tuki i se talituki,Ka se tiakina eiloa a ia ne tena valea. 23  E ‵tau o iloa faka‵lei ne koe a foliga o tau lafu mamoe. Tausi faka‵lei* au mamoe,+ 24  Me i koloa e se tumau ki te se-gata-mai,+Io me ko te foualiki i kautama katoa. 25  Ko ‵galo atu a mouku lanu launiu, ko ‵sae mai a mouku ‵fou,Kae ko lakau o mauga ko fakamaopoopo fakatasi. 26  A tamā mamoe e maua mai i ei ou gatu,Kae ko kouti tāgata e maua mai i ei a te ‵togi o te laukele. 27  Kae ka lava eiloa a susu mai i kouti ke fagai ei koe,Ke fagai ei tou kaufale, kae tausi i ei au tavini fāfine.

Fakamatalaga mai lalo

Epelu, “se tino fakaa‵tea.”
Epelu, “tino fakaa‵tea.”
Io me kāti, “e se fakamaoni; e faimālō.”
Io me “eva.”
Io me “fakasalaga.”
Io me “gutu kotekote.”
Io me “fakamata.”
Io me “Seoli mo Apatoni.”
Io me “Tuku atu tou loto ki; Saga tonu atu ki.”