Faataoto 25:1-28

  • Mea kolā e ‵tau o ‵funa (9)

  • Pati ne filifili faka‵lei (11)

  • Ke mo a ma tō fakalavelave atu ki nisi tino (17)

  • Te ‵lukuatuga o malala ‵ka ki te ulu o te fili (21, 22)

  • A te lipoti ‵lei e fai pelā me se vai ‵moko (25)

25  Konei foki a nisi faigamuna a Solomona+ kolā ne laga ki lalo ne tāgata a Hesekia+ te tupu o Iuta:   E ‵malu eiloa a te Atua māfai e ‵funa ne ia se mea,+Kae e ‵malu eiloa a tupu māfai e sukesuke ne latou se mea.   E pelā mo te maluga o te lagi mo te ‵poko o te lalolagi,E penā eiloa i te faigata ke sukesuke a loto o tupu.   Ave kea‵tea a mea sē aoga mai i te siliva,Kae ka sae aka, ko ‵ma katoatoa.+   Ave kea‵tea a te tino amio masei mai i mua o te tupu,Kae ka ‵mautakitaki a tena nofogaaliki i te amiotonu.+   Ke mo a ma fai ke fakaaloalogina koe i mua o te tupu,+Kae ke mo a ma tu koe i se tulaga o tino takutakua,+   Me e ‵lei atu ke fai mai a ia ki a koe, “Vau ki luga nei,”I lō te fakamavale ne ia koe i mua o se tino tāua.+   Ke mo a ma fano fakavave koe o ave tau tagi,Me se a tau mea ka fai fakamuli māfai e fakamavale koe ne tou tuakoi?+   Kinau atu e uiga ki tau tagi ne fai ki tou tuakoi,+Kae ke mo a ma fakaasi a mea ne fai ‵funa* atu ki a koe,+ 10  Ko te mea ke se fakama koe ne te tino fakalogologoKae fakasalalau ne koe se lipoti masei* telā e se mafai o toe fakafoki mai. 11  E pelā me ne apolo aulo i loto i se pōla silivaKo te pati telā e faipati atu i te taimi tonu.+ 12  E pelā me se ligi aulo mo se mea fakagaligali aulo ‵lei. Ko te tino telā e polopoloki atu mo te poto ki se taliga telā e toka o fakalogo+ 13  E pelā mo te ‵moko o te kiona i te aso e tau ei a fuatagaE penā foki eiloa te avefekau fakamaoni ki a latou kolā ne uga mai ne latou a ia,Me e fakamalosi ne ia tena matai.+ 14  E pelā me ne kaumana mo te matagi telā e seai se vaiua i eiKo te tagata telā e faipati fakamatamata ki se meaalofa telā e seki tuku atu.+ 15  E auala i te kufaki e mafai o maua i ei se takitaki kautau,Kae ko pati ‵gali* e mafai o ‵fati i ei se ivi.+ 16  Kafai e maua ne koe a hani, kai fua ki mea e manako koe ki ei,Me kafai ko tō uke au mea e kai, e mafai o lua ne koe ki tua.+ 17  Sa fano sāle ki te fale o tou tuakoi,Ko te mea ke se fi‵ta a ia i a koe, ko takalialia ei ki a koe. 18  E pelā me se pago mo se pelu mo se matasana ‵kaiKo te tagata telā e molimau ‵pelo e uiga ki tena tuakoi.+ 19  E pelā me se nifo fati io me se vae e polepoleKo te loto telā e talitonu ki se tino e se fakatuagagina* i taimi o fakalavelave. 20  E pelā me se tino telā e tapale tena gatu i se aso ‵mokoKae pelā me se vinika ne ‵ligi ki luga i masima*Ko te tino telā e usu pese ki se tino loto fanoanoa.+ 21  Kafai e fiakai tou fili,* tuku atu ne meakai ke kai ki ei;Kafai e fiainu, tuku atu ne vai ke inu ki ei,+ 22  Me ka ‵luku ne koe ki luga i tena ulu a malala ‵ka,*+Kae ka taui atu ne Ieova a koe. 23  A te matagi mai mātū e aumai ne ia te vaiua ‵lotu,Kae ko te gutu faitala e aumai ne ia te mata kaitaua.+ 24  E ‵lei atu ke nofo i se ‵kōna o se tuafaleI lō te ‵nofo fakatasi mo se avaga fafine kinau valea* i se fale e tasi.+ 25  E pelā me se vai ‵moko ki se tino ko fi‵taKo te lipoti ‵lei mai i se fenua ‵mao.+ 26  E pelā me se punavai pelapelā mo se vaikeli ko oti ne fakamaseiKo te tino amiotonu telā e takavale i se tino amio masei. 27  E sē se mea ‵lei ke kai ki hani e uke,+Kae e sē se mea ‵malu ke ‵sala atu koe ki tou ‵malu eiloa.+ 28  E pelā me se fakai ne ofa ki lalo, ko seai sena ‵puiKo te tagata telā e se mafai o taofi tena kaitaua.+

Fakamatalaga mai lalo

Io me “ko mea ‵funa a nisi tino.”
Io me “se tala sē tonu telā e matagā.”
Epelu, “alelo agamalu.”
Io me kāti, “e faitogafiti.”
Se vaegā masima telā e fakaaoga mo ‵fulu a mea.
Epelu, “te tino e takalialia ki a koe.”
Telā ko te faiga ke ‵noga te tino kae fakamalū tena loto makeke.
Io me “gutu kotekote.”