Faataoto 23:1-35
23 Kafai ko sagasaga ifo koe o ‵kai mo se tupu,Ke mafaufau faka‵lei ki mea i ou mua;
2 Ke tuku se naifi ki tou ua*Māfai ko fiakai malosi koe.
3 Ke mo a ma umiti malosi koe ki ana meakai ‵gali,Me ne meakai faka‵se tino.
4 Ke mo a ma fakafi‵ta ne koe a koe eiloa ke maua a koloa.+
Fakagata te faifaiga tenei kae fakaasi atu te malamalama.
5 Kafai e kilo atu ou mata ki ei, e galo i konā,+E mautinoa me ka ‵tala ana kapakau e pelā mo te aeto kae eva atu ki luga i te lagi.+
6 Ke mo a ma kai koe ki meakai a se tino kaiu;*Ke mo a ma umiti malosi koe ki ana meakai ‵gali,
7 Me e ‵pau a ia mo se tino telā e fakamau ki lalo a kaitalafu.
“Kai kae inu,” ko ana pati ki a koe, kae e loi fua tou tagata.*
8 Ka luaki mai ne koe ki tua au mu meakai ne kaiKae ka māumāu eiloa au pati ‵gali ne fai atu.
9 Sa faipati ki taliga o se tino valea,+Me ka se fiafia a ia ki te aoga o au pati.+
10 Ke mo a ma fakagasue ne koe te pine o te tuakoi+Io me tolo tuakoi ki te manafa o tama‵liki e seai ne lotou tamana.
11 Me i te Tino e ‵Pulu* ne ia latou e malosi;Ka fesoasoani a ia ki te lotou tagi e uiga ki a koe.+
12 Fakagalue aka i tou loto a polopolokigaKae tuku atu ou taliga ki muna aoga o te poto.
13 Sa taofi ne koe a polopolokiga mai i se tamaliki tagata.*+
Kafai e ‵kini ne koe a ia ki te lakau, ka se mate a ia.
14 E ‵tau o ‵kini ne koe a ia ki te lakau,Ko te mea ke fakasao a ia mai te Tanuga.*
15 Taku tama, kafai ko maua ne tou loto a te poto,Tenā ko fiafia ei toku loto.+
16 Ka maua ne toku ‵kano loto* a te fiafiaMāfai e fai‵pati ou laugutu ki te mea tonu.
17 Ke mo a ma kaisano tou loto ona ko tino agasala,+Kae ke mataku koe ki a Ieova i te aso kātoa,+
18 Me ka manuia koe i aso mai mua+Kae ka se galo foki tou fakamoemoega.
19 Fakalogo mai, e taku tama, kae ke poto koe,Kae takitaki tou loto i te auala tonu.
20 Ke mo a ma aofia koe i a latou kolā e inu malosi ki uaina,+Mo latou kolā e ‵kai mānumanu ki meafasi,+
21 Me i te tino inu kava mo te tino gafula ka ma‵tiva,+Kae ko te tino e fiafia ki te moe ka pei ki gatu masae‵sae.
22 Fakalogo ki tou tamana telā ne māfua mai i ei tau fanaumaiga,Kae ke mo a ma takalialia ki tou mātua ona ko ia ko lomatua.+
23 ‵Togi mai* te munatonu kae ke mo a eiloa ma fakatau atu ki tua,+E pelā foki te poto mo polopolokiga mo te malamalama.+
24 A te tamana o te tino amiotonu ka fiafia eiloa;So se tino e fai mo tamana o se tamaliki poto ka fiafia eiloa ki a ia.
25 A tou tamana mo tou mātua ka fia‵fia,Kae ko te fafine telā ne fanau ne ia koe ka fiafia malosi.
26 Taku tama, tuku mai tou loto ki a au,Kae ke fia‵fia ou mata ki oku auala.+
27 Me i te fafine talitāgata se vaikeli ‵poko,Kae ko te fafine amio matagā* se vaikeli lauliki.+
28 E nofo fakatalitali tou fafine e pelā me se tino kaisoa;+E fai ne ia ke gasolo aka te aofaki o tāgata sē fakamaoni.
29 Ko oi e fakaalofa? Ko oi e manavase?
Ko oi e kinau? Ko oi e isi ne ana fameo?
Ko oi e isi ne ana pa‵kiaga e aunoa mo se pogai? Ko oi e mata fia moe?
30 Ko latou kolā e inu malosi ki uaina;+Ko latou kolā e ‵sala* ki uaina ne palu.
31 Ke mo a ma kilo atu ki te lanu kula o te uainaI te taimi e matilo mai ei i loto i te ipu kae ulu ‵lei ki loto,
32 Me i te fakaotiga e ū eiloa e pelā me se gata,Kae maua mai i ei te poisini e pelā me se gata poisini.
33 Ka lavea ne ou mata a mea fai fakaa‵tea,Kae ka faipati tou loto ki mea sē ‵tau.+
34 Kae ka ‵pau koe mo se tino e takato ki lalo i te kogaloto o te tai,E ‵pau mo se tino e takato i te taulu o te tila o te vaka.
35 Ka fai mai koe: “Ne ta ne latou au, kae e seai saku mea e iloa.*
Ne fusu ne latou au, kae e se iloa ne au.
Ko te taimi fea ka ala aka ei au?+
Ko ‵tau o aumai saku suā meainu.”*
Fakamatalaga mai lalo
^ Io me “Tataofi ne koe a koe eiloa.”
^ Io me “se tino telā e masei tena mata.”
^ Epelu, “a tena loto e se fakatasi mo koe.”
^ Epelu, “Tino e Faka‵sao.”
^ Io me “tamaliki; talavou.”
^ Epelu, “oku nonu.”
^ Io me “Fai ke maua.”
^ Epelu, “fakaa‵tea.” Onoono ki te Fat 2:16.
^ Io me “kolā e maopoopo o ‵tofo.”
^ Io me “E seai se ‵mae ne lagona ne au.”
^ Io me “Ka toe ‵sala au ki ei.”
