Faataoto 21:1-31
21 A te loto o se tupu e pelā eiloa mo tamā vaitafe i te lima o Ieova.+
E ‵fuli ne ia ki so se koga e manako a Ia ki ei.+
2 A auala katoa o te tagata e foliga ‵tonu ki a ia,+Kae ko Ieova e iloilo ne ia a loto o tino.*+
3 A te faiga o te mea ‵lei kae tonuE fakafiafia malosi atu ki a Ieova i lō se taulaga.+
4 A mata fakamaualuga mo te loto fia sili
—Ko te moli e takitaki ei a tino amio ma‵sei telā se agasala.+
5 A palani a tino ga‵lue malosi e manuia eiloa,+Kae ko latou katoa kolā e fai fakava‵vave olotou mea e iku atu eiloa ki te mativa.+
6 A koloa e maua e auala i te gutu loiE ‵pau mo te afusaga telā e vave galo, se malei fakamataku ‵ki.*+
7 A fakasauaga a tino amio ma‵sei ka fai ei ke ‵tafe atu latou kea‵tea,+Me ita latou ma fai te fakamasinoga tonu.
8 A te auala o te tagata agasala e pikopiko,Kae ko faifaiga a te tagata ‵ma e fai mea tonu.+
9 E ‵lei atu ke nofo i se ‵kōna o te tuafaleI lō te ‵nofo fakatasi mo se avaga fafine kinau valea* i se fale e tasi.+
10 A te tagata amio masei e umiti ki te mea masei;+E seai se alofa e fakaasi atu ne ia ki tena tuakoi.+
11 Kafai ko fakasala se tino fakatauemu, a te tino e se lasi tena iloa e gasolo o poto,Kae kafai e maua ne se tino poto a te ‵loto o te malamalama, ko maua ne ia te iloaga.*+
12 A te Atua amiotonu e onoono faeloa ki mea e fai i te fale o te tino amio masei;E fakatakavale ne ia a tino amio ma‵sei ke oko eiloa ki te lotou fakaseaiga.+
13 So se tino telā e ‵pono ana taliga ki te tagi a te tino malaloKa kalaga mai tou tagata kae seai se tali e maua ne ia.+
14 A te meaalofa telā e fai ‵funa e faka‵noga i ei te kaitaua,+Kae ko te ‵togi fakakolekole telā e fai ‵funa, e fakalasi i ei te kaitaua.
15 Se mea fakafiafia ki te tino amiotonu ke gasuesue mo te fai mea tonu,+Kae se mea masei ki a latou kolā e fai amioga matagā.
16 A te tagata e takasēsē kea‵tea mai auala ‵loto o te malamalama,Ka malō‵lo fakatasi mo latou kolā e seai se lotou malosi i te mate.+
17 A te tino e fiafia ki fakafiafiaga ka iku atu ki te mativa;+A te tino e fiafia ki uaina mo sinu ka se gasolo o maumea.
18 A te tino amio masei se togiola mō te tino amiotonu,Kae ko te tino faitogafiti ka sui ne ia te tino fai mea tonu.+
19 E ‵lei atu ke nofo i te koga lavakiI lō te ‵nofo fakatasi mo se avaga fafine kinau valea* kae fakakaitaua tino.+
20 A koloa tāua mo sinu e maua i fale o tino ‵poto,+Kae ko te tagata valea ka fakamāumāu* ne ia ana mea e maua.+
21 So se tino e kausaki ki te amiotonu mo te alofa fakamaoniKa maua ne ia te ola, te amiotonu mo te ‵malu.+
22 A te tagata poto e mafai o kake ki loto* i te fakai o te tagata mafiKae fakaseaoga ne ia te malosi telā e tali‵tonu latou ki ei.+
23 A te tino telā e leoleo tena gutu mo tena aleloE fai ne ia ke seai ne fakalavelave e oko atu ki a ia.+
24 E fakamatamata, e fakamaualuga kae maioA te tagata telā e fai ne ia a faifaiga fai valevale mo te fakamatamata.+
25 A te mea e umiti ki ei te tagata paie ka tamate ei a ia,Me ita ma fakagalue ana lima.+
26 I te aso kātoa e umiti a ia mo te kaimanako ki mea e uke,Kae ko te tino amiotonu e tuku atu ana mea, e seai eiloa se mea e taofi ne ia.+
27 A te taulaga a te tino amio masei se mea fakatakalialia.+
Kae sili atu la i ei māfai ko ofo atu ne ia mo te manakoga masei!*
28 A te molimau ‵pelo ka mate atu,+Kae ko te tagata e fakalogo ka manuia eiloa tena molimau.*
29 A te tagata masei e fakafoliga mai i a ia e loto malosi,+Kae ko te tino fai mea tonu e mautinoa tena auala.+
30 E seai se poto, io me se atamai, io me ne pati ‵poto māfai e ‵teke atu ki a Ieova.+
31 A te solofanua e fakatoka mō te aso o te taua,+Kae ko te fakaolataga i a Ieova eiloa.+
Fakamatalaga mai lalo
^ Io me “manakoga ‵tonu.”
^ Io me kāti, “ki a latou kolā e ‵sala ki te mate.”
^ Io me “gutu kotekote.”
^ Io me “ko iloa ne ia te mea e ‵tau o fai.”
^ Io me “gutu kotekote.”
^ Epelu, “folo.”
^ Io me “manumalo.”
^ Io me “fakatasi mo amioga fakalumalumagina.”
^ Epelu, “faipati ki te se-gata-mai.”
