Faataoto 2:1-22
2 Taku tama, kafai e talia ne koe aku patiKae tausi faka‵lei aku fakatonuga,+
2 E auala i te tuku tonu mai ou taliga ki te poto+Kae saga tonu mai tou loto o tauloto ki te atamai i te faiga o faka‵tauga ‵lei;+
3 E se gata i ei, kafai e kalaga atu koe ke maua te malamalama+Kae avaka tou leo ke maua te atamai i te faiga o faka‵tauga ‵lei;+
4 Kafai e salasala faeloa koe ki ei e pelā me ‵sala ki siliva,+Kae keli faeloa koe ki ei e pelā me keli a koloa ‵funa;+
5 Tenā ko malamalama ei koe i te mataku ki a Ieova,+Kae ka maua ne koe te iloaga o te Atua.+
6 Me e tuku mai eiloa ne Ieova te poto;+Mai i tena gutu e ‵mai ei te iloaga mo te atamai i te faiga o faka‵tauga ‵lei.
7 E ‵teu ne ia te poto mō tino fai mea ‵tonu;A ia se talita ki a latou kolā e sa‵sale i te fakamaoni.+
8 E kilokilo atu a ia ki ala o latou kolā e fai mea ‵tonu,Kae leoleo ne ia a te auala o ana tino fakamaoni.+
9 Tenā ko malamalama ei koe i te mea telā e amiotonu, te fakamasinoga tonu kae sao,Ko te auala kātoa o te mea telā e ‵lei.+
10 Kafai ko ulu a te poto ki loto i tou loto+Kae ko te iloaga ko fai pelā me se mea gali ki a koe,+
11 A te mafaufau ‵lei ka leoleo ne ia koe,+Kae ko te atamai i te faiga o faka‵tauga ‵lei ka puipui ei koe,
12 Ke fakasao ei koe mai te auala masei,Mai te tagata e faipati ki mea sē ‵tonu,+
13 Mai i a latou kolā e tiaki a auala o te fai mea tonu,Ke sa‵sale i auala o te pouliga,+
14 Mai i a latou kolā e fia‵fia o fai a mea ma‵sei,Kolā e fia‵fia ki mea sē ‵tonu kae matagā,
15 Ko latou kolā e piko‵piko olotou aualaKae ko olotou olaga kātoa e se fakamaoni.
16 Ka fakasao ne ia koe mai te fafine masei,*Mai pati fakakolekole a te fafine amio matagā,+
17 Telā ko tiaki ne ia tena taugasoa pili* mai te taimi koi talavou ei+Kae fakapuli a te feagaiga a tena Atua;
18 Me kafai e fano koe ki tena fale e pelā eiloa me ko sasale atu koe ki te mate,Kae ko te auala e fanatu ki tena fale e takitaki atu ei ki te tanuga.+
19 E seai se tino i a latou kolā e ‵moe fakatasi mo ia ka toe foki mai,Io me toe maua ne latou a auala o te ola.+
20 Tela la, tautali i te auala o tino ‵leiKae tumau i ala o tino amio‵tonu,+
21 Me ko tino fai mea ‵tonu fua ka ‵nofo i te lalolagi,Kae ko tino e seai ne olotou mea ‵se ka tumau i ei.+
22 E pelā mo tino amio ma‵sei, ka unu kea‵tea latou mai te lalolagi,+Kae ko tino faitogafiti ka tapale kea‵tea mai i ei.+
Fakamatalaga mai lalo
^ Epelu, “fakaa‵tea.” Ko te tino telā ko ‵mao mai te Atua i mea tau amioga.
^ Io me “avaga tagata.”
