Faataoto 19:1-29
19 E ‵lei atu te mativa kae sasale i te loto fakamaoni+I lō te valea kae faipati ki te loi.+
2 A te tino telā e seai se iloaga i ei e se ‵lei,+Kae ko te tino e gasue fakavave kae e se mafaufau* e agasala eiloa.
3 Ko te valea eiloa o te tagata e fai ei ke ‵se tena auala,Kae fai ei ke kaitaua tena loto ki a Ieova.
4 A tino mau‵mea e tokouke olotou taugasoa,Kae ko te tagata mativa ka tuku tiaki ne tino ke oko foki ki ana taugasoa.+
5 A te molimau ‵pelo ka se sao eiloa i te fakasalaga,+Kae ko te tino e loi i taimi katoa ka se sao.+
6 E tokouke a tino e ‵sala ki te taliaga a se tino tāua,*Kae ko tino katoa e fai taugasoa ki te tagata telā e fai meaalofa.
7 A taina katoa o se tagata mativa e takalia‵lia ki a ia;+Kae sili atu la te ‵kalo kea‵tea o ana taugasoa mai i a ia!+
E ‵sala a ia ki a latou o fai atu ana fakamolemole, kae e seai se tino e saga mai.
8 So se tino e maua ne ia te mafaufau* ‵lei e alofa ki a ia eiloa.+
So se tino e ‵teu faka‵lei ne ia te atamai i te faiga o faka‵tauga ‵lei ka maua ne ia te manuia.*+
9 A te molimau ‵pelo ka se sao eiloa i te fakasalaga,Kae ko te tino e loi i taimi katoa ka mate.+
10 A te tino valea e se ‵tau o ola i se olaga maumea;Kae sili atu la te sē ‵tau ke pule atu se tavini ki luga i pelenise!+
11 A te ‵loto o te malamalama o se tagata e fakatuai ei tena kaitaua,+Kae se mea gali ke se saga atu a ia ki se mea sē ‵lei ne fai ki a ia.+
12 A te kaitaua o te tupu e pelā mo te ‵tagi o se leona,+Kae ko tena alofa e pelā mo te ‵sau i luga i lakau.
13 A te tamaliki valea e aumai ne ia a puapuaga ki tena tamana,+Kae ko te avaga fafine kinau valea e fai pelā me se tuafale telā e se gata te ‵tulu.+
14 A te fale mo koloa ko tofi mai i tamana,Kae ko te avaga fafine poto e maua eiloa mai i a Ieova.+
15 A te paie e aumai ne ia te moe ‵nau,Kae ko te tino kaugata ka fiakai.+
16 A te tino e fakalogo ki te fakatonuga e tausi ne ia tena ola;+A te tino e fai valevale ana auala ka mate.+
17 A te tino e fakaasi atu te alofa ki tino ma‵lalo e avatu ne ia a mea ki a Ieova,+Kae ka toe ‵togi* atu ne Ia ki tou tagata e ‵tusa mo tena mea ne fai.+
18 Polopoloki tau tama koi maua se fakamoemoega,+Kae ke mo a ma ‵losi atu ki a koe e uiga ki tena mate.+
19 A te tagata saua ka ‵togi ne ia te sala;Kafai e taumafai koe o fakasao a ia, ka fai faeloa koe penā i taimi katoa.+
20 Fakalogo ki pati fakatonutonu kae talia a polopolokiga,+Ko te mea ke poto koe i aso mai mua.+
21 E uke a palani i te loto o se tagata,Kae ko pati fakatonutonu* a Ieova ka tumau eiloa.+
22 A te mea e manakogina malosi i se tagata ko tena alofa fakamaoni;+Kae e ‵lei atu te mativa i lō te fai pelā me se tino loi.
23 A te mataku ki a Ieova e takitaki atu ei ki te ola;+A te tino e maua ne ia ka maua ne ia se malologa gali, e saoloto mai mea fakalogo‵mae.+
24 A te tino paie e tanu ana lima i loto i se pōla fai meakai,Kae e kaugata ma tapale mai ki tua o tuku ki tena gutu.+
25 Ta atu te tino fakatauemu,+ ko te mea ke maua ne te tino e se lasi tena iloa a te atamai,+Kae polopoloki ‵mafa atu a te tino malamalama, ko te mea ke gasolo aka o lasi tena iloaga.+
26 A te tino e fai fakamasei ne ia tena tamana kae afuli kea‵tea tena mātuaSe tamaliki tagata telā e māfua i ei te ma mo te masiasi.+
27 Taku tama, kafai e se fakalogo koe ki polopolokiga,Ka takasēsē atu koe kea‵tea mai pati e maua i ei te iloaga.
28 A te molimau sē aoga e fakatauemu atu ki te fakamasinoga tonu,+Kae ko gutu o tino amio ma‵sei e folo fakavave ne latou a mea matagā.+
29 Ko oti ne fakatoka a fakamasinoga mō tino fakatauemu,+Kae ko ‵kini mō tua o tino va‵lea.+
Fakamatalaga mai lalo
^ Epelu, “e fakavave ana vae.”
^ Io me “tagata kaimalie.”
^ Epelu, “maua se loto.”
^ Epelu, “‵lei.”
^ Io me “taui.”
^ Io me “fuafuaga.”
