Faataoto 18:1-24

  • A te nofo tokotasi se uiga kaimanako kae e sē se faiga poto (1)

  • A te igoa o Ieova se taoa malosi (10)

  • A koloa se ‵pui malosi fua i mafaufauga (11)

  • Te poto ke fakalogo ki feitu e lua (17)

  • A te taugasoa e pili atu i lō se taina (24)

18  So se tino e fia nofo tokotasi e ‵sala eiloa ki ana manakoga totino;E ‵teke* ne ia a akoakoga aoga katoa o te poto.   A te tino valea e se fiafia ki te malamalama;E fia fakaasi atu fua ne ia te mea i loto i tena loto.+   Kafai ko vau te tino amio masei, ko oko mai foki te takalialia,Kae kafai ko fakaasi atu ne se tino te sē āva ko maua ei te masiasi.+   A pati i te gutu o se tagata e pelā me ne vai ‵poko.+ A te punavai o te poto e pelā me se vaitafe e ‵tafe.   E sē se mea ‵lei ke fakaasi atu te fakailoga tino ki te tino masei+Io me seai se fakamasinoga tonu e fai ki te tino amiotonu.+   A pati a te tino valea e takitaki atu ei ki kinauga,+Kae ko tena gutu e ‵kami mai ne ia a tino ke ta a ia.+   A te gutu o te tino valea ko tena fakamaseiga,+Kae ko ana laugutu se malei ki tena ola.   A pati a se tino gutu fatufatu e pelā me ne meakai ‵gali;+E vave folo ki loto i te tinae.+   So se tino e paie i tena galuegaKo te taina o te tino fakamasei mea.+ 10  A te igoa o Ieova se taoa malosi.+ E tele ki ei a te tino amiotonu kae maua i ei se puipuiga.*+ 11  A koloa o te tino maumea ko tena fakai malosi;E fai pelā me se ‵pui malosi i tena mafaufau.+ 12  A te loto fakamatamata o se tagata e mua atu i tena masiasi+Kae e mua mai a te loto maulalo i te ‵malu.+ 13  Kafai se tino e tali atu ki se mea kae koi tuai o fakalogologo ki fakamatalaga ‵tonu e uiga ki ei,Se mea valea tenā kae ka mavale a ia i ei.+ 14  A te tagata loto malosi e mafai o kufaki i tena masaki,+Kae ko oi e mafai o fa‵ki ne ia te loto telā ne tuki palapala?+ 15  A te loto o te tino malamalama e maua ne ia te iloaga,+Kae ko taliga o tino ‵poto e ‵sala ke maua te iloaga. 16  A te meaalofa a se tagata e ‵tala atu i ei te auala mō ia;+E tuku atu i ei se avanoaga mō ia i mua o tino ma‵luga. 17  E foliga mai me e tonu a te tino muamua telā e fai tena tagi,+Ke oko ki te taimi ko vau ei te suā tino kae iloilo a ia.*+ 18  A te faiga o vili e fakagata i ei a kinauga+Kae fai i ei a fakaikuga i te va o tino ma‵losi. 19  A te taina telā e kaitaua e sili atu tena faigata i lō se fakai malosi,+Kae e isi ne kinauga kolā e fai pelā mo lakau faka‵lava o se taoa maluga.+ 20  Ka ‵fonu a te tinae o se tagata i mea ‵lei e fua mai i ana pati;+Ka lotomalie a ia ki mea e fua mai i ana laugutu. 21  A te mate mo te ola e ‵nofo mai lalo i te malosi o te gutu;+A latou kolā e fia‵fia o fakaaoga a te mea tenā ka ‵kai ki ana fuataga.+ 22  A te tino e maua ne ia se avaga fafine ‵lei ko maua ne ia se mea ‵lei,+Kae e maua ne tou tagata te taliaga a Ieova.+ 23  A te tagata mativa e akai malosi atu i te taimi e faipati ei,Kae ko te tagata maumea e tali atu ki ei i se auala sē alofa. 24  E isi ne takaga e toka o tuki pala te suā tino,+Kae e isi se taugasoa e pili atu i lō se taina tonu.+

Fakamatalaga mai lalo

Io me “fakaasi atu te sē fiafia ki.”
Epelu, “ne fakamaluga aka,” ko tena uiga, e se mafai o oko atu ki ei, e saogalemu.
Io me “sukesuke faka‵lei a ia.”