Faataoto 17:1-28

  • Sa taui atu a te ‵lei ki te masei (13)

  • Fano kea‵tea koi tuai o kamata se kinauga (14)

  • A te taugasoa tonu e alofa i taimi katoa (17)

  • “A te loto fiafia se vailakau ‵lei” (22)

  • A te tagata atamai e taofiofi ana pati (27)

17  E ‵lei atu a te falaoa malō i se koga e maua ei te filemu+I lō se fale e ‵fonu i meakai fakatasi mo kinauga.+   A te tavini e ‵loto tena malamalama ka pule atu ki se tama tagata telā e fai a mea fakamasiasi;Ka maua ne ia tena vaega i te tofi e pelā me se taina e tokotasi o tautaina konā.   A te ulo e faka‵ma i ei a siliva kae ko te ogaumu e faka‵ma i ei te aulo,+Kae ko Ieova ko te tino e iloilo ne ia a loto.+   A te tagata amio masei e saga atu ki pati fakalogo‵mae,Kae ko te tagata loi e fakalogologo ki te gutu fakamasei tino.+   So se tino e fakatauemu atu ki tino ma‵tiva e fakakaitaua ne ia te Atua telā ne faite ne ia a ia,+Kae ko so se tino e fiafia ona ko fakalavelave e fepaki mo te suā tino ka se sao eiloa a ia i te fakasalaga.+   A mokopuna tāgata* se kalauna ki te toeaina,Kae ko tama tāgata* e fakamata‵mata i olotou tamana.*   A pati o te fai mea tonu* e se fetaui ‵lei mo se tino valea.+ E sili atu la te sē fetaui ‵lei o pati ‵loi ki se tino pule!*+   A te meaalofa e fai pelā me se fatu tāua* ki te tino i a ia;+So se koga e ‵fuli a ia ki ei, e aumai ei te manuia ki a ia.+   So se tino e fakamagalo ne ia se mea ‵se e ‵sala ki te alofa,+Kae ko te tino e faipati faeloa ki se mea, e fai ne ia ke mavae‵vae a taugasoa ‵pili.+ 10  E sili atu te aoga o pati fakatonutonu e fai ki se tino e isi se malamalama+I lō te ‵kini fakaselau taimi ne koe se tino valea.+ 11  A te tagata masei e salasala fua ki ‵tekeatuga,Kae ka uga atu se avefekau amio fakasaua ke fakasala a ia.+ 12  E ‵lei atu ke fetaui mo se manu ko te pea telā e fanoanoa ona ko ana tamaI lō te fetaui mo se tino e fakavalevale ki te valea.+ 13  Kafai e taui atu ne se tino a te ‵lei ki te masei,Ka se tiaki ne te masei a tena fale.+ 14  A te kamataga o se taua e pelā eiloa mo te ‵talaga o se mea e taofi ei a vai;Koi tuai o kamata se kinauga, ke na fano kea‵tea koe.+ 15  So se tino e fakasaoloto ne ia te tino amio masei mo so se tino e taku fakamasei ne ia te tino amiotonu+​—E takalialia a Ieova ki a lāua. 16  Se a te aoga māfai e mafai ne te tino valea o maua te potoKae e se manako tonu* ke maua ne ia te mea tenā?+ 17  A te taugasoa tonu e fakaasi atu ne ia te alofa i taimi katoa+Kae fai pelā me se taina ne fanau mai mō taimi o te puapuaga.+ 18  A te tagata e se lava tena faka‵tau e lūlū lima kae lotomalieO fai se puipuiga i mua o tena tuakoi.+ 19  A te tino e fiafia ki kinauga e fiafia ki amioga solitulafono.+ So se tino e fakamaluga aka ne ia tena auala ki loto e ‵kami mai ne ia te fakamaseiga.+ 20  A te tino e pikopiko tena loto ka se maua ne ia te manuia,+Kae ko te tino e faipati fakaloiloi ka tō atu ki te fakaseaiga. 21  A te tamana o te tamaliki valea ka maua ne ia te fanoanoa;Kae ko te tamana o te tamaliki e se ‵lei tena mafaufau e se fiafia.+ 22  A te loto fiafia se vailakau ‵lei,*+Kae ko te loto telā ne tuki ke palapala e ‵miti kea‵tea ne ia te malosi.*+ 23  A te tagata masei ka puke ‵funa ne ia se ‵togi fakakolekoleKe ‵fuli i ei a te fakamasinoga tonu.+ 24  A te poto e tu tonu eiloa i mua o te tino e atamai i te faiga o faka‵tauga ‵lei,Kae ko mata o te tino valea e oloolo valevale fua ki koga ‵mao o te lalolagi.+ 25  A te tamaliki valea e aumai ne ia te fanoanoa ki tena tamanaMo te loto mafatia ki te tino ne fanau mai ne ia a ia.+ 26  E se ‵lei ke fakasala te tino amiotonu,Kae e sē se mea tonu ke ‵kini a tino fakaaloalogina. 27  A te tagata poto e taofiofi ne ia ana pati,+Kae ko te tagata e atamai i te faiga o faka‵tauga ‵lei e nofo filemu.+ 28  A te tino valea telā e nofo filemu ka fai eiloa pelā me se tino poto,Kae ko te tino e ‵pono ana laugutu, se tino e atamai i te faiga o faka‵tauga ‵lei.

Fakamatalaga mai lalo

Io me “mokopuna.”
Io me “tama‵liki.”
Io me “mātua.”
Io me “‵lei.”
Io me “tino tāua.”
Io me “se fatu e fai ei a tino ke fia‵fia mai.”
Epelu “e seai sena loto.”
Io me “e ‵lei ki te faka‵leiga o masaki.”
Io me “fakama‵lō ne ia a ivi.”