Faataoto 11:1-31

  • Te poto e maua ne tino agamalu (2)

  • E fakamasei ne te aposetate a nisi tino (9)

  • ‘Te manuia e maua i tino fakatonutonu e tokouke’ (14)

  • A te tino kaimalie ka manuia (25)

  • Te tino e talitonu ki ana koloa ka siga (28)

11  E takalialia a Ieova ki fua mea ‵mafa sē ‵tonu,Kae ko te fua mea ‵mafa tonu e aumai ei te fiafia ki a ia.+   Kafai e vau te fakamatamata, ka tautali mai tua a te masiasi,+Kae ko te poto e maua ne tino agamalu.+   A te fakamaoni o tino fai mea ‵tonu e takitaki ei latou,+Kae ko takolekolega a tino faitogafiti ka fakamasei ei latou.+   A te maumea* ka se aoga ki a latou i te aso o te kaitaua,+Kae ko te amiotonu ka faka‵sao ei latou mai te mate.+   A te amiotonu o te tino amio ‵lei e fai ei tena auala ke ‵tonu,Kae ko te tino amio masei ka siga ona ko ana amioga ma‵sei.+   A te amiotonu o tino fai mea ‵tonu ka faka‵sao ei latou,+Kae ko tino faitogafiti ka ‵poa aka eiloa e auala i olotou manakoga totino.+   Kafai ko mate se tagata masei, ko palele atu eiloa tena fakamoemoega;Kae ko fakamoemoega kolā ne fakavae ki tena malosi ka palele atu foki.+   A te tino amiotonu e fakasao mai puapuaga,Kae sui a ia ne te tino amio masei.+   E fakamasei ne te aposetate a tena tuakoi e auala i tena gutu,Kae ko tino amio‵tonu e faka‵sao e auala i te iloaga.+ 10  A te aga‵lei o te tino amiotonu e fai ei se fakai ke fiafia,Kae kafai ko ‵mate a tino amio ma‵sei, ko sae aka ei te tagi fiafia.+ 11  Ona ko te fakamanuiaga a te tino fai mea tonu ne fakamaluga aka ei se fakai,+Kae ko te gutu o te tino amio masei e ofa ne ia te mea tenā ki lalo.+ 12  So se tino telā e se lava te faka‵tau e fakaasi atu ne ia te sē fiafia* ki tena tuakoi,Kae ko te tagata telā e atamai tonu i te faiga o faka‵tauga ‵lei e nofo filemu.+ 13  A te tino gutu fatufatu e fanofano sāle fua o fakaasi a mea ‵funa kolā e se ‵tau o sautala ki ei,+Kae ko te tino e fakatalitonugina e se fakaasi atu ne ia a mea ‵funa.* 14  Kafai e seai ne fakatakitakiga atamai, e ‵siga a tino,Kae ka maua eiloa te manuia* e auala i tino fakatonutonu e tokouke.+ 15  So se tino e puipui ne ia te kaitalafu a se tino fakaa‵tea e mautinoa me iku atu ki te masei,+Kae ko so se tino e ‵kalo kea‵tea* mai i te lūlū lima i se tautoga ka tokagamalie. 16  A te fafine āva e maua ne ia te ‵malu,+Kae ko tāgata amio fakasaua e ‵fao ne latou a koloa. 17  A te tagata atafai* e maua ne ia a mea aoga,+Kae ko te tino saua e aumai fua ne ia a fakalavelave* ki a ia eiloa.+ 18  A te tino amio masei e maua tena peofuga i se auala faitogafiti,+Kae ko te tino e ‵toki ne ia te amiotonu e maua ne ia te taui tonu.+ 19  A te tino telā e tu ‵mautakitaki mō te amiotonu ka maua fakamuli ne ia te ola,+Kae ko te tino e afuli ne ia te masei ka maua fakamuli ne ia te mate. 20  A latou kolā e piko‵piko olotou loto e takalialia ki ei a Ieova,+Kae ko latou kolā e amio ‵lei olotou auala e aumai ei te fiafia ki a ia.+ 21  Ke iloa ne koutou a te mea tenei: A te tino amio matagā ka se sao eiloa a ia i te fakasalaga,+Kae ko tama‵liki a tino amio‵tonu ka ‵sao. 22  E pelā mo te ligi aulo i te isu o se puakaE penā eiloa te fafine tinogali telā e se fakaaoga faka‵lei tena mafaufau. 23  A manakoga o tino amio‵tonu e iku atu ki te ‵lei,+Kae ko te mea e fakamoe‵moe ki ei a tino amio ma‵sei e iku atu ki te kaitaua. 24  A te tino e tuku ana mea mo te kaimalie e iku atu ki te mauaga o mea e uke;+A te suā tino e taofi ne ia a mea kolā e ‵tau o tuku atu, kae iku atu ki te mativa.+ 25  A te tino kaimalie ka manuia,+Kae ko so se tino e fakamalosi ne ia nisi tino ka maua ne ia a fakamalosiga.+ 26  Ka fakamalaia ne tino a te tino telā e kaiu i ana saito,Kae ka fakamanuia ne latou a te tino telā e fakatau atu a mea konā. 27  A te tino telā e taumafai malosi o fai te mea ‵lei e ‵sala ke maua ne ia te taliaga,+ Kae ko te tino e salasala ki te masei​—tenā eiloa te mea ka oko atu ki a ia.+ 28  A te tino e talitonu ki ana koloa ka siga,+Kae ko tino amio‵tonu ka lauolaola e pelā mo lau o lakau.+ 29  So se tino e aumai ne ia a fakalavelave ki tena kāiga ka fai a te matagi mo fai tena tofi,+Kae ko te tino valea ka fai mo tavini a te tino e poto i tena loto. 30  A fuataga a te tino amiotonu se lakau o te ola,+Kae e poto te tino telā e fakatalitonu atu ki tino ke fai te mea ‵lei.+ 31  Kafai e tonu e maua ne te tino amiotonu a te taui i te lalolagi nei,Kae sili atu la te masei o te taui ka maua ne te tino amio masei mo te tino agasala!+

Fakamatalaga mai lalo

Io me “A mea tāua.”
Io me “takalialia.”
Epelu, “e ufi se mea.”
Io me “fakaolataga.”
Epelu, “takalialia.”
Io me “A te tagata alofa fakamaoni.”
Io me “te masiasi.”