Faataoto 1:1-33

  • Pogai o faigamuna (1-7)

  • Te fakamataku o taugasoa ma‵sei (8-19)

  • A te poto tonu e tagi i mua o tino (20-33)

1  Ko faigamuna a Solomona,+ te tama tagata a Tavita,+ te tupu o Isalaelu:+   Ke tauloto* ki te poto+ mo te faiga o akoakoga;Ke malamalama i pati o te poto;   Ke maua a akoakoga+ kolā e tuku mai ei te ‵loto o te malamalama,Te amiotonu,+ fakamasinoga ‵tonu+ mo te fai mea tonu;*   Ke tuku atu te atamai+ ki te tino e se lasi tena iloa;Ke tuku atu ki se tamataene a te iloa mo te mafaufau ‵lei.+   A te tino poto e fakalogologo kae puke ‵mau ki akoakoga e uke;+A te tagata malamalama e maua ne ia a fakatakitakiga atamai*+   Ke malamalama i se faigamuna mo se tugapati faigata,*Ko pati a tino ‵poto mo olotou pati fakauiga.+   A te mataku* ki a Ieova ko te kamataga o te iloaga.+ Ko tino va‵lea fua e manatu fatauva ki te poto mo te faiga o akoakoga.+   Taku tama, fakalogo ki akoakoga a tou tamana,+Kae ke mo a ma tiaki a pati fakatonutonu* a tou mātua.+   E fai a mea konā e pelā me se fou gali i tou ulu+Mo se malele ‵lei i tou ua.+ 10  Taku tama, kafai e taumafai a tino agasala o fakakolekole koe, sa talia ne koe.+ 11  Kafai e fai mai latou: “Vau ke olo tasi tatou. Ke lamalama ne tatou se tino ke tamate. Ka ‵muni tatou o faka‵tali ki tino e seai ne olotou mea ‵se ne fai e aunoa mo se pogai. 12  Ka folo ola ne tatou a latou e pelā mo te mea e fai ne te Tanuga,*Folo kātoa, e pelā mo latou kolā e olo ifo ki te lua. 13  Ke puke ne tatou olotou koloa tāua katoa;Ka faka‵fonu ne tatou a ‵tou fale ki mea ne maua mai i te taua. 14  E ‵tau o kau mai koe ki a matou,*Kae ka vaevae ‵pau ne tatou katoa a ‵tou mea e kaisoa.”* 15  Taku tama, sa tautali i a latou. Ke mo a eiloa ma ‵laka ou vae ki te lotou auala,+ 16  Me i olotou vae e ‵tele o fai a mea matagā;E fakava‵vave latou o fakamaligi a toto.+ 17  E mautinoa eiloa me e seai se aoga ke tala se tili kae lavea faka‵lei mai ne se manu eva. 18  Tenā te pogai e ta‵kato ei a latou konei o lamalama a tino ke tamate;E ‵muni latou o tamate a nisi tino. 19  Konei a auala o latou kolā e salasala ke maua a mea i auala faitogafiti,Kolā ka ‵galo atu i ei a ola o tino kolā ne maua ne latou a mea konā.+ 20  A te poto tonu+ e tagi i se leo maluga i te auala.+ E gasolo aka faeloa tena leo ki luga i malae o te fakai.+ 21  E kalaga mai a ia i te ‵kōna o te auala telā e tokouke a tino i ei. I mataloa o te fakai e fai mai a ia:+ 22  “E pefea te leva ka fia‵fia ei koutou e tino e se lasi te iloa ki faifaiga va‵lea? E pefea te leva ka fia‵fia ei koutou e tino fakatauemu ki fakatauemuga? Kae e pefea te leva ka takalia‵lia ei koutou e tino va‵lea ki te iloaga?+ 23  ‵Saga mai ki aku polopolokiga ‵mafa.*+ Ka ‵ligi atu ne au toku agaga ki a koutou;Kae ka fai ne au ke iloa ne koutou aku pati.+ 24  Me ne kalaga atu au, kae ne ita faeloa koutou,Ne ‵fola atu toku lima, kae seai ne tino ne ‵saga mai,+ 25  Ne manatu mā‵ma faeloa koutou ki aku pati fakatonutonu katoaKae ‵teke ki aku polopolokiga ‵mafa, 26  Au foki ka kata māfai e oko atu a fakalavelave ki a koutou;Ka fakatauemu atu au māfai e oko atu a mea e ma‵taku koutou i ei,+ 27  Māfai e oko atu a mea e ma‵taku koutou i ei e pelā me se matagi malosi,Kae oko mai te otou malaia e pelā me se kaumatagi,Māfai e oko atu ki a koutou a puapuaga mo fakalavelave. 28  I te taimi tenā ka ka‵laga mai faeloa latou ki a au, kae ka se tali atu au;Ka ‵sala malosi latou ki a au, kae ka se maua ne latou au,+ 29  Me ne takalia‵lia latou ki te iloaga,+Kae ne seki filifili aka latou ke ma‵taku ki a Ieova.+ 30  Ne seki talia ne latou oku manatu fesoasoani;Ne seki āva latou ki aku polopolokiga ‵mafa katoa. 31  Tenā la, ka tau ne latou a ikuga* o olotou auala,+Kae ka logo‵mae latou i ikuga o olotou pati fakatonutonu.* 32  Me i faifaiga ma‵sei a tino e se lasi te lotou iloa ka ‵mate i ei latou,Kae ko te fakata‵mala o tino fakavale‵vale ka fakaseai ei latou. 33  Kae ko te tino e fakalogo mai ki a au ka nofo i te tokagamalie+Kae ka se nofo mataku a ia ki so se fakalavelave.”+

Fakamatalaga mai lalo

Epelu, “Ke iloa.”
Io me “te mea telā e tonu.”
Io me “fakatonutonuga ‵poto.”
Io me “se tala fakatusa.”
Io me “āva.”
Io me “tulafono.”
Io me “Seoli,” telā ko te tanuga masani o tino. Onoono ki te FP.
Io me “‵Pei ki loto tou vaega fakatasi mo motou mea.”
Io me “e tasi ‵tou ato (taga tupe).”
Io me “‵Fuli mai māfai e polopoloki atu au.”
Epelu, “kai ki fuataga.”
Io me “togafiti; palani.”