Esela 5:1-17

  • Ko toe faka‵soko ne tino Iutaia te faitega o te faletapu (1-5)

  • Te tusi a Tatenai ki te Tupu ko Taliu (6-17)

5  Tenā ne fai ei te valoaga a te avā pelofeta ko Hakai+ mo Sakalia+ te mokopuna o Ito+ ki tino Iutaia kolā ne ‵nofo i Iuta mo Ielusalema, i te igoa o te Atua o Isalaelu telā e fakatasi atu ki a latou.  Ko te taimi tenā ne toe faite ei ne Selupapelu+ te tama tagata a Salatielu mo Iesua+ te tama tagata a Iosataka a te fale o te Atua,+ telā e tu i Ielusalema; kae ne fakatasi atu a pelofeta a te Atua ki a lāua o ‵lago atu ki a lāua.+  I te taimi tenā, ne olo atu ei ki a latou a Tatenai te kovana o te kogā koga i te Suā Feitu o te Vaitafe* mo Setala-posenai mo tino e ‵kau ki a lāua kae fesili atu: “Ko oi ne fakatonu ne ia koutou ke faite a te fale tenei kae fakaoti a te mea tenei?”*  Tenā ne fesili atu ei latou: “Ko oi a igoa o tāgata ne ga‵lue i te faitega o te fale tenei?”  Kae ko te Atua e kilokilo mai eiloa ki toeaina o tino Iutaia,+ kae ne seki taofi aka latou ke oko ki te taimi ne avatu ei te lipoti ki a Taliu kae toe avatu se tusi mai te tupu ki a latou e uiga ki te mea tenei.  Tenei te ‵kopi o te tusi a Tatenai te kovana o te kogā koga i te Suā Feitu o te Vaitafe mo Setala-posenai mo tino e ‵kau ki a lāua, ko sui kovana o te kogā koga i te Suā Feitu o te Vaitafe, telā ne ave ki te Tupu ko Taliu;  ne avatu ne latou te lipoti ki a ia, kae konei a mea ne tusi ne latou: “Ki te Tupu ko Taliu: “Ke i a koe te filemu katoatoa!  Ko fakailoa atu ki te tupu me ne olo matou ki te kogā fenua o Iuta ki te fale o te Atua sili, kae ko oti ne faite ki fatu ‵lasi kolā ne faka‵teka ki olotou tulaga, kae ko laupapa e fakata‵kato i loto i ‵pui. A te galuega tenā e fai ne tino mo te loto finafinau kae gasolo aka faeloa ki luga ona ko olotou taumafaiga.  Tenā ne fesili atu ei matou ki olotou toeaina: ‘Ko oi ne fakatonu ne ia koutou ke faite a te fale tenei kae fakaoti a te mea tenei?’*+ 10  Ne fesili atu foki matou me ko oi olotou igoa ke fakailoa atu ki a koe, ko te mea ke mafai ne matou o tusi a igoa o tāgata kolā e fai ne latou te takitakiga. 11  “Tenei te tali ne tuku mai ne latou ki a matou: ‘A matou ko tavini a te Atua o te lagi mo te lalolagi, kae ko toe faite ne matou te fale telā ne fakatu i tausaga e uke ko ‵teka, telā ne faite ne se tupu sili o Isalaelu kae fakaoti foki ne ia.+ 12  Kae ona ko omotou tamana ne fai ne latou ke kaitaua a te Atua o te lagi,+ ne tuku atu ne ia latou ki lima o te tupu o Papelonia ko Nepukanesa,+ te tino Kaletaia, telā ne ofa ne ia te fale tenei+ kae ave fakapagota ne ia a tino ki Papelonia.+ 13  Kae i te tausaga muamua o te tupu o Papelonia ko Kulesa, ne avatu ne te Tupu ko Kulesa se fakatonuga ke toe faite a te fale tenei o te Atua.+ 14  E se gata i ei, ne puke mai ne te Tupu ko Kulesa mai te faletapu i Papelonia a pōla aulo mo siliva o te fale o te Atua kolā ne puke ne Nepukanesa mai te faletapu i Ielusalema kae avatu ki te faletapu i Papelonia.+ Ne tuku atu a mea konā ki te tagata e igoa ki a Sesepasa,*+ telā ne fai ne Kulesa mo fai te kovana.+ 15  Muna a Kulesa ki a ia: “Puke a pōla konei. Fano o tuku ki loto i te faletapu telā e tu i Ielusalema, kae ke toe faite aka a te fale o te Atua i tena koga mua.”+ 16  Tenā ne vau ei a Sesepasa kae fakatakato ne ia a te fakavae o te fale o te Atua,+ telā e tu i Ielusalema; kae koi faite eiloa te fale tenā mai te taimi tenā ke oko mai nei, kae seki palele eiloa.’+ 17  “Nei la, kafai e ‵lei ki te tupu, ke fai la se iloiloga ki te koga ‵teu koloa a te tupu i konā i Papelonia, ke fakamautinoa aka me e isi eiloa se fakatonuga a te Tupu ko Kulesa ne fai ke toe faite te fale o te Atua i Ielusalema;+ kae ke fakailoa mai ki a matou a te fakaikuga ka fai ne te tupu e uiga ki te mea tenei.”

Fakamatalaga mai lalo

Io me “i te Suā Feitu o te Eufilate.”
Io me “‵saga konei.”
Io me “‵saga konei.”
Kāti ko Selupapelu i te Esl 2:2; 3:8.