Esela 4:1-24

  • ‵Tekemaiga ki te toe faitega o te faletapu (1-6)

  • Ko avatu ne fili se fameo ki te Tupu ko Aletaseta (7-16)

  • Te tali a Aletaseta (17-22)

  • Ko taofi te galuega ki te faletapu (23-24)

4  I te ‵logoga o fili o Iuta mo Peniamina+ me i tino kolā ne ‵foki mai i te avega fakapagota+ ko faite ne latou te faletapu o Ieova te Atua o Isalaelu,  ne olo fakavave atu latou ki a Selupapelu mo ulu o kāiga i olotou tamana kae fai atu ki a latou: “Talia mai ke ga‵lue fakatasi tatou; me e pelā eiloa mo koutou, e tapuaki* matou ki te otou Atua+ kae ne ofo atu faeloa ne matou a taulaga ki a ia talu mai aso o te tupu o Asulia ko Esalatonu,+ telā ne aumai ne ia matou ki konei.”+  Kae ne tali atu a Selupapelu mo Iesua mo ulu katoa o kāiga i olotou tamana i Isalaelu ki a latou: “E seai se otou vaega i te faitega o te fale o te motou Atua,+ me ko matou fua ka faite ne matou te fale o Ieova te Atua o Isalaelu, e pelā eiloa mo te fakatonuga+ a te tupu o Pelesia ko Kulesa ki a matou.”  Tenā ne faka‵tuka* atu faeloa ne tino o te fenua a tino Iuta mai te faiga o te galuega kae fakaloto vāivāi atu foki ki a latou.+  Ne ‵togi ne latou a tino fakatonutonu ke fakaseaoga olotou palani+ i aso katoa o te tupu o Pelesia ko Kulesa ke oko eiloa ki te pulega a te tupu o Pelesia ko Taliu.+  I te kamataga o te pulega a Asuelu, ne tusi atu ne latou se tusi e fakamasei ei a tino Iuta mo Ielusalema.  Kae i aso o te tupu o Pelesia ko Aletaseta, ne tusi atu ne Pisilama, Meteleta, Tapele mo te ‵toega o ana kau se tusi ki a Aletaseta te tupu; ne ‵fuli ne latou a te tusi ki te ‵gana Alamaika,+ kae tusi i mataimanu Alamaika.*  * Ne tusi ne Lehuma te takitaki ofisa o te malo mo Simisai te failautusi se tusi o fakamasei a Ielusalema ki te Tupu ko Aletaseta, penei:  (Ne aumai i a Lehuma te takitaki ofisa o te malo mo Simisai te failautusi mo te ‵toega o tino e ‵kau mo lāua, ko famasino mo sui kovana, failautusi, tino Eleki,+ tino Papelonia, tino e ‵nofo i Susa,+ kolā ko tino Elama,+ 10  mo tino mai fenua katoa kolā ne ave fakapagota ne te tagata sili kae fakaaloalogina ko Asenapa kae faka‵nofo i fakai o Samalia,+ mo te ‵toega o latou katoa i te Suā Feitu o te Vaitafe,* kae 11  tenei la te ‵kopi o te tusi ne ave ne latou ki tou tagata.) “Ki te Tupu ko Aletaseta mai i au tavini, ko tāgata i te kogā koga i te Suā Feitu o te Vaitafe: Kae nei la 12  ke fakailoa atu ki te tupu me i tino Iutaia kolā ne o‵mai ki a matou mai i a koe ko oti ne oko mai ki Ielusalema. Ko toe faite nei ne latou a te fakai ‵teke kae masei, kae ko fakaoti ne latou a ‵pui+ kae faite faka‵lei ana fakavae. 13  Ko fakailoa atu ki te tupu me kafai e toe faite a te fakai tenei kae fakaoti ana ‵pui, ka se tuku mai ne latou olotou lafoga foitino, tupe e ‵togi atu ki te malo,+ io me ko tupe e ‵togi sāle atu ki te fakaaogaga o auala, kae ka iku atu ki te mu‵tana o koloa e maua ne te tupu. 14  Ona ko te mea e maua sāle omotou peofuga mai te palesi,* kae se mea sē ‵lei ke ‵kilo atu matou ki te fakamaseiga o mea a te tupu, ko avatu i ei ne matou a te mea tenei ke fakailoa atu ki te tupu, 15  ko te mea ke fai se sukesukega ki te tusi ne fakamau ei a mea a otou tupuga.+ Ka maua ne koe i te tusi ne fakamau ei a mea me i te fakai tenei se fakai ‵teke, e fakamataku ki tupu mo kogā fenua, kae maua atu i loto i ei a tino kolā e ‵teke ki te malo mai aso mua eiloa. Tenā te pogai ne fakaseai+ atu ei te fakai tenei. 16  Ko fakailoa atu ne matou ki te tupu me kafai e toe faite a te fakai tenei kae fakaoti ana ‵pui, ka seai eiloa sou malosi* i te kogā koga i te Suā Feitu o te Vaitafe.”+ 17  Ne avatu te fekau tenei a te tupu ki a Lehuma te takitaki ofisa o te malo mo Simisai te failautusi mo tino katoa e ‵kau ki a lāua kolā e ‵nofo i Samalia mo koga katoa i te Suā Feitu o te Vaitafe: “Talofa! 18  Ko oti ne faitau* mai ki a au a te tusi telā ne aumai ne koutou ki a matou. 19  E auala i taku fakatonuga ne fai ei se sukesukega, kae ne maua aka me mai aso mua eiloa ne taua atu a te fakai tenei ki tupu, kae isi foki ne kinauga mo ‵tekeatuga ne fai i konā.+ 20  E isi ne tupu ma‵losi i Ielusalema kolā ne pule atu ki te kogā koga kātoa i te Suā Feitu o te Vaitafe, kae ne ‵togi atu ki a latou a lafoga foitino, tupe e ‵togi atu ki te malo mo tupe e ‵togi ki te fakaaogaga o auala. 21  Nei la, ke na avatu eiloa se fakatonuga ki tāgata konei ke taofi te galuega, ko te mea ke se toe faite aka te fakai ke oko ki te taimi e avatu ei ne au se fakatonuga. 22  Fakaeteete ke mo a ma fakata‵mala koutou o fai te mea tenei, ko te mea ke seai se fakalavelave e toe tupu ki mea a te tupu.”+ 23  I te otiga ne faitau atu a te ‵kopi o te tusi a te Tupu ko Aletaseta i mua o Lehuma mo Simisai te failautusi mo tino e ‵kau ki a lāua, ne olo fakavave atu latou ki Ielusalema ki tino Iutaia kae faimālō atu latou ke taofi te galuega. 24  Ko te taimi eiloa tenā ne taofi ei te galuega ki te fale o te Atua, telā e tu i Ielusalema; kae ne tumau eiloa penā ke oko ki te lua o tausaga o te pulega a te tupu o Pelesia ko Taliu.+

Fakamatalaga mai lalo

Epelu, “‵sala.”
Epelu, “fakavāi‵vai a lima o.”
Io me kāti, “ne tusi i te ‵gana Alamaika kae oti ko ‵fuli ei.”
A te Esl 4:8 ke oko ki te 6:18 ne tusi i te ‵gana Alamaika.
Io me “i te Suā Feitu o te Eufilate.”
Epelu, “‵kai ki masima o te palesi.”
Epelu, “vaega.”
Io me kāti, “ko oti ne ‵fuli kae faitau.”