Esekielu 31:1-18

  • Ko pakū a Aikupito, te lakau alasi maluga (1-18)

31  I te 11 o tausaga, i te tolu o masina, i te aso muamua o te masina, ne oko mai ei te fekau a Ieova ki a au, ana muna:  “Te tama a te tagata, fai atu ki te Falao te tupu o Aikupito mo tena kau,+‘Ko oi e ‵pau mo koe i tou sili?   E isi se tino Asulia, se alasi o Lepanona,Mo ana kaula ko ‵gali aka loa e pelā eiloa me se togavao malumalu, kae e maluga;Ne sae atu tena taulu i loto i kaumana.   Ne fai ne vai ke tupu lasi, kae ko vai ‵poko ne fai ei ke maluga. A vaitafe ne fakatamilo i te koga ne ‵toki ei;Olotou alavai ne fakasiusiu i ei a lakau katoa o te laukele.   Tenā te pogai ne loa atu ei i nisi lakau katoa o te laukele. Ana kaula ‵lasi ne gasolo aka faeloa o uke, kae ko ana nisi kaula ne gasolo o ‵loaOna ko te uke o vai i ana vaitafe.   A manu eva katoa o te lagi ne fai ofaga i ana kaula ‵lasi,A manu fe‵kai katoa o te vao ne fanafanau mai lalo o ana kaula,Kae ko tino katoa o atufenua ne ‵nofo mai i lalo i ana malūga.   Ne fai a ia e pelā me se lakau fakaofoofogia ona ko tena gali mo te ‵loa o ana kaula,Me i a ana aka ne ‵solo ifo eiloa ki lalo i vai e uke.   E seai se isi alasi i loto i te fatoaga o te Atua+ e mafai o faka‵tusa ki ei. E seai ne lakau ko iunipa e ‵pau mo ana kaula ‵lasi,Kae seai ne lakau ko alemoni e fetaui mo ana kaula. E seai se isi lakau i te fatoaga o te Atua e oko atu ki tena gali.   Ne fai ne au ke gali a ia kae uke ana lau,Kae ko nisi lakau katoa o Etena, ko te fatoaga a te Atua tonu, ne loto ma‵sei katoa ki ei.’ 10  “Tela la, konei a pati a te Aliki Sili ko Ieova ne fai mai: ‘Ona ko te mea ne loa ‵ki, ne sae atu tena taulu i loto i kaumana, kae ne maua ne ia te loto fia sili ona ko tena maluga, 11  ka tuku atu ne au a ia ki te pule mafi o atufenua.+ Ka taua atu eiloa a ia ki ei, kae ka ‵teke ne au a ia ona ko ana amioga ma‵sei. 12  Kae ko tino fakaa‵tea, ko toe tino fakasaua eiloa o atufenua ka ‵kati ne latou a ia ki lalo, kae ka tiaki ne latou a ia i luga i mauga, kae ko ana lau ka ‵to ki lalo i vanu katoa, kae ko ana kaula ka fati‵fati valevale i vaitafe katoa o te fenua.+ A tino katoa o te lalolagi ka olo kea‵tea mai i ana malūga kae tiaki atu a ia. 13  A manu eva katoa o te lagi ka ‵nofo i luga i te lakau telā ko siga, kae ko manu fe‵kai katoa o te vao i luga i ana kaula.+ 14  E fai penei ko te mea ke seai se lakau i tafa o vai e ola ke loa ‵ki io me maluga tena taulu ke oko atu ki kaumana ko te mea ke seai se lakau ola ‵lei i vai e oko atu tena maluga ki ei. Me ka tuku atu a latou katoa ki te mate, ki te laukele i lalo ifo o latou, fakatasi mo tama a tino, kolā e olo ifo ki lalo i te lua.’* 15  “Konei a pati a te Aliki Sili ko Ieova ne fai mai: ‘I te aso e fanaifo ei a ia ki te Tanuga,* ka fai ne au ke isi se tagi fanoanoa. Tela la, ka ufi ne au a vai ‵poko kae taofi ana vaitafe ko te mea ke se ‵tafe ana vai e uke. Ka fakapouli ne au a Lepanona ona ko ia, kae ka mage‵mage i ei a lakau katoa o te laukele. 16  I te tagi o tena takavale, ka fai ne au a atufenua ke pole‵pole māfai ko tuku ifo ne au a ia ki te Tanuga* fakatasi mo latou katoa kolā e olo ifo ki te lua,* kae ko lakau katoa o Etena,+ ko toe lakau ‵lei kae ‵gali o Lepanona, ko latou katoa kolā e fakasiusiu faka‵lei, ka maua ne latou se fakamafanafanaga i te laukele mai lalo ifo. 17  Ne olo ifo latou ki te Tanuga* fakatasi mo ia, ki a latou kolā ne ‵mate i te pelu,+ fakatasi mo tino kolā e ‵lago atu ki a ia kae ne ola i tena malūga fakatasi mo atufenua.’+ 18  “‘Ko lakau fea o Etena e ‵pau mo koe i te ‵malu kae sili?+ Kae ko koe ka tuku ifo fakatasi mo lakau o Etena ki te laukele mai lalo ifo. Ka takato ifo koe fakatasi mo tino e seki pilitome, mo latou kolā ne ‵mate i te pelu. Ka tupu te mea tenei ki te Falao mo ana kau katoa,’ ko te folafolaga a te Aliki Sili ko Ieova.”

Fakamatalaga mai lalo

Io me “tanuga.”
Io me “Seoli,” telā ko te tanuga masani o tino. Onoono ki te FP.
Io me “Seoli,” telā ko te tanuga masani o tino. Onoono ki te FP.
Io me “tanuga.”
Io me “Seoli,” telā ko te tanuga masani o tino. Onoono ki te FP.