Ki te Kau Epelu 4:1-16

  • Fakamataku o te sē ulu atu ki te aso malōlō o te Atua (1-10)

  • Fakamalosiga ke ulu atu ki te malōlōga o te Atua (11-13)

    • E ola te muna a te Atua (12)

  • Iesu, te ‵toe faitaulaga sili (14-16)

4  Tela la, ona ko tena folafolaga ke ulu atu ki tena koga malōlō koi tumau, e ‵tau o fakaeteete tatou i te mea ma isi se tino i a koutou e se oko atu ki ei.+  Me ko oti foki ne folafola mai ki a tatou te tala ‵lei e pelā eiloa mo latou;+ kae ko te muna ne lagona ne latou ne seki aoga ki a latou, me i a latou e seki ‵kau fakatasi i te fakatuanaki mo latou kolā ne faka‵logo.  Me ko tatou kolā ne fakaasi atu faeloa te ‵tou fakatuanaki ka ulu atu ki loto i tena koga malōlō e pelā eiloa mo ana muna: “Tela la, au ne tauto i toku kaitaua, ‘Ka se ulu atu eiloa latou ki loto i toku koga malōlō,’”+ e tiga eiloa ko oti atu ana galuega talu mai te taimi ne fakavae* ei te lalolagi.+  Me e isi se koga ne fai mai a ia e uiga ki te fitu o aso: “Kae ko te Atua ne malōlō i te fitu o aso mai i ana galuega katoa,”+  kae ne toe fai mai a ia: “Ka se ulu atu eiloa latou ki loto i toku koga malōlō.”+  Tela la, ona ko te mea e isi ne tino ka ulu atu ki loto i ei, kae ko tino kolā ne folafola atu muamua ki ei te tala ‵lei ne seki ulu atu ona ko te sē faka‵logo,+  ne toe fakamailoga ne ia se aso telā ne fai mai i te salamo a Tavita i se taimi leva fakamuli ifo, “I te aso nei”; e pelā eiloa mo pati i luga nei, “I te aso nei, kafai e faka‵logo koutou ki tena leo, sa loto ma‵keke.”+  Moi fai ne takitaki latou ne Iosua+ ki loto i se koga malōlō, penei e se toe faipati mai te Atua e uiga ki se isi aso.  Tela la, koi isi eiloa se sapati malōlō mō tino o te Atua.+ 10  Me i te tino telā ko oti ne ulu ki loto i te koga malōlō o te Atua ko oti foki ne malōlō mai i ana galuega totino, e pelā eiloa mo te Atua ne malōlō mai i ana galuega.+ 11  Tela la, ke fakaoti ‵tou mafi ke ulu atu tatou ki loto i te koga malōlō tenā, ko te mea ke seai se tino e se fakalogo e pelā mo latou.+ 12  Me i te muna a te Atua e ola kae ‵mana+ kae e ‵kai atu i lō se pelu e ‵kai i feitu e lua+ kae e ‵suki ne ia ke vaelua te foitino mo te agaga,* mo sokogā ivi mo mea i loto i ei, kae e mafai o iloa ne ia a mafaufauga mo manakoga o te loto. 13  Kae e seai se mea ne faite e mafai o ‵funa mai i ana mata,+ kae ko mea katoa e tuku faka‵sau atu eiloa ki mata o te tino telā e ‵tau o avatu ne tatou ki ei se fakamatalaga e uiga ki a tatou.+ 14  Tela la, ona ko te mea ko oti ne fanatu te ‵tou faitaulaga sili ki te lagi, ko Iesu te Tama a te Atua,+ ke tumau la tatou i te folafola atu i mua o tino a mea e uiga ki a ia.+ 15  Me i te ‵tou faitaulaga sili, e sē se tino telā e se amanaia ki ‵tou vāivāiga,+ kae se tino telā ko oti ne tofotofogina i feitu katoa e pelā eiloa mo tatou, kae e seai sena agasala.+ 16  Ke na fakapili‵pili atu tatou ki te nofogaaliki o te alofa tauanoa mo te saolotoga o fai‵pati atu,+ ko te mea ke maua ne tatou te alofa fakamagalo mo te alofa tauanoa ke fesoasoani mai ki a tatou i te taimi tonu.

Fakamatalaga mai lalo

Onoono ki te fml i te 1Pe 1:20.
Onoono ki te FP.