Ki te Kau Epelu 1:1-14

  • E faipati mai te Atua e auala i tena Tama (1-4)

  • E maluga atu te Tama i agelu (5-14)

1  I aso ko ‵teka ne faipati atu a te Atua ki ‵tou tupuga e auala i pelofeta i taimi e uke mo auala kese‵kese.+  Nei la, i aso fakaoti konei ko oti ne faipati mai a ia ki a tatou e auala i tena Tama,+ telā ne fakaeke ne ia ke fai mo fai te sui o mea katoa,+ kae e auala i a ia ne fakatoka ne ia a mea katoa i te lagi mo te lalolagi.+  A te tino tenā ko te ata o te ‵malu o te Atua+ mo tena fakatusa tonu,+ kae e faka‵mautakitaki ne ia a mea katoa e auala i te ‵mana o tena muna. Kae i te otiga ne fai ne ia te faka‵māga mō ‵tou agasala,+ ne sagasaga a ia i te feitu fakaatamai o tena ‵Malu Sili i te lagi.+  Tela la, ko sili atu a ia i agelu,+ me ko oti ne maua ne ia te igoa telā e sili atu i te ‵lei i lō olotou igoa.+  E pelā mo te mea tenei, ko oi loa te agelu ne fai atu te Atua ki ei: “A koe ko taku tama, i te aso nei ko fai au mo fai tou tamana”?+ Kae ne toe fai atu foki: “Ka fai au mo fai tena tamana, kae ka fai a ia mo fai taku tama”?+  Kae i te aumaiga ne ia o tena Toekimua+ ki te lalolagi nofoaki, ne fai mai a ia: “Kae ko agelu katoa a te Atua ke ifo ki a ia.”  E fai mai foki a ia e uiga ki agelu: “E fai ne ia ana agelu ke ma‵losi,* kae ko ana tavini+ ke pelā me se ulaga o te afi.”+  Kae ne fai mai a ia e uiga ki te Tama: “A te Atua ko tou nofogaaliki+ ki te se-gata-mai, se-gata-mai eiloa, kae ko te tokotoko o tou Malo ko te tokotoko o te fai mea tonu.  E fiafia eiloa koe ki te amiotonu, kae takalialia koe ki te solitulafono. Tenā te pogai ne fakaeke+ ei koe ne te Atua, tou Atua, ki te sinu o te fiafia telā e sili atu i lō ou taugasoa.”+ 10  Kae: “I te kamataga, e te Aliki, ne fakatakato ne koe te fakavae o te lalolagi, kae ko te lagi ko galuega ne fai ki ou lima. 11  Ka ‵galo atu a mea konā, kae ko koe ka tumau faeloa, kae e pelā me se gatu ka se aoga katoa a mea konā, 12  kae ka pelu ne koe a mea konā e pelā me se gatu, e pelā me se laugatu, kae ka ‵fuli a mea konā. Kae ko koe e ‵pau eiloa, kae ko ou tausaga ka se mafai o gata.”+ 13  Kae ko oi foki te agelu ne fai atu te Atua ki ei penei: “Sagasaga i toku feitu fakaatamai ke oko ki te taimi e tuku ei ne au ou fili mo fai te mea e tuku ei ou vae”?+ 14  E a, e se ne agaga katoa latou mō te taviniga ‵malu,+ kolā ne uga mai ke tavini atu ki a latou kolā ka maua te fakaolataga?

Fakamatalaga mai lalo

Eleni, “agaga.”