Ki te Kau i Efeso 4:1-32

  • ‵Kau fakatasi i te foitino o Keliso (1-16)

    • Meaalofa tino (8)

  • Uiga mua mo uiga fou (17-32)

4  Tela la, e fakatagi atu au, te pagota+ ona ko te Aliki, ke sa‵sale koutou i te auala telā e fetaui+ mo te kalagaga telā ne kalagagina ei koutou,  mo te loto maulalo+ i taimi katoa mo te agamalu, mo te kufaki,+ kae ke fakatau fa‵ki koutou i otou mea ‵se i te alofa,+  i te otou taumafai malosi ke fakatumau ne koutou te tasi o te agaga telā ko te fusi o te filemu.+  E tasi te foitino,+ kae e tasi foki te agaga,+ e pelā eiloa mo te fakamoemoega e tasi+ telā ne kalagagina ei koutou;  e tasi te Aliki,+ e tasi te fakatuanaki, e tasi te papatisoga;  e tokotasi te Atua mo te Tamana o tino katoa, telā e pule ki a latou katoa, e galue e auala i a latou katoa, kae e galue i loto i a latou katoa.  Ne tuku mai ki a tatou taki tokotasi a te alofa tauanoa e ‵tusa mo te auala e tufa mai ei ne Keliso a te meaalofa faivasaga tenā.+  Me e fai mai: “I tena fanakaga ki luga ne ave ne ia a pagota; ne tuku mai ne ia a tāgata e pelā me ne meaalofa.”+  Se a la te uiga o te tugapati “i tena fanakaga ki luga”? E fakauiga i ei me ne fanaifo foki a ia ki koga ma‵lalo, telā ko te lalolagi. 10  Ko te tino telā ne fanaifo ki lalo ko ia foki tenā ne fanaka ki luga+ ke maluga fakafia atu a ia i lagi katoa,+ ko te mea ke fakataunu ne ia a mea katoa. 11  Kae ne tuku mai ne ia a nisi tino ke fai pelā me ne apositolo,+ ko nisi tino e pelā me ne pelofeta,+ ko nisi tino e pelā me ne tino talai,*+ ko nisi tino e pelā me ne tausi mamoe mo faiakoga,+ 12  ke fakatonutonu* ei a tino tapu, mō te faiga o galuega i te fakapotopotoga ke ati aka ei te foitino o Keliso,+ 13  ke oko ki te taimi e tasi* ei tatou katoa i te fakatuanaki mo te iloaga tonu e uiga ki te Tama a te Atua, ke fai tatou e pelā me se tagata ko matua ‵lei,+ ko te mea ke katoatoa tena matua ‵lei e pelā mo Keliso. 14  Tela la, e se ‵tau o toe fai tatou e pelā me ne tama‵liki, kolā e peipei valevale ne galu kae agi valevale ne matagi o akoakoga+ a tino faitogafiti, mo olotou aofaga fakaloi‵loi. 15  Kae mai te fai‵pati ki te munatonu, ke na ‵tupu aka tatou i mea katoa e auala i te alofa ko te mea ke ma‵tua ‵lei tatou mai lalo i a Keliso, telā ko te ulu.+ 16  E auala i a ia, e ‵soko fakatasi ei a vaega katoa o te foitino+ kae e fakafealofani a latou katoa e auala i ana sokogā ivi katoa ke tuku mai ei a mea kolā e manakogina. Kafai e ga‵lue faka‵lei ana vaega takitasi katoa, ka aoga eiloa te mea tenei ki te ola o te foitino i te taimi e tupu aka ei i te alofa.+ 17  Tela la, e fai atu ne au a te mea tenei kae e molimau atu foki au i mua o te Aliki, me ko se ‵tau o toe sa‵sale koutou e pelā mo tino o te lalolagi kolā e sa‵sale+ mo mea sē aoga i olotou mafaufau.+ 18  E ‵nofo olotou mafaufau i te pouliga, kae e ‵mao latou mai te olaga telā e maua mai i te Atua, ona ko te valea telā e nofo i loto i a latou, mo te ma‵keke o olotou loto. 19  Kae ona ko te sē iloa ne latou o ‵ma, ko tuku atu ne latou a latou eiloa ki amioga mata‵fatu mo te sē āva*+ kae e fai foki ne latou a vaegā amioga lai‵lai katoa mo te kaimanako. 20  Ne seki iloa ne koutou a Keliso ke fai penei, 21  māfai e tonu ko oti ne lagona ne koutou a ia kae akoako atu e auala i a ia, e ‵tusa eiloa mo te munatonu telā i loto i a Iesu. 22  Ne akoako atu ki a koutou ke tiakina a uiga mua+ kolā e fetaui ‵lei mo otou amioga mua, kae kolā ko fakamaseigina nei ona ko ana manakoga faka‵se tino.+ 23  Kae e ‵tau o tumau koutou i te faka‵fouga o otou mafaufau,*+ 24  kae e ‵tau o ‵pei ki uiga ‵fou+ kolā ne faite e ‵tusa mo te loto o te Atua i te tinā amiotonu mo te fakamaoni. 25  Tela la, ona ko te mea ko oti ne tiakina ne koutou a mea sē ‵tonu, ke na fai‵pati la koutou taki tokotasi ki otou tuakoi ki te mea tonu,+ me i a tatou ko fai mo fai se foitino e tasi.+ 26  Kaitaua, kae ke mo a ma agasala;+ ke se tō te mata o te la kae koi ita koutou,+ 27  ke mo a ma tuku se avanoaga ki te Tiapolo.+ 28  Ke se toe kaisoa te tino kaisoa; kae ke galue malosi a ia, ke fai ne ia a galuega ‵lei ki ana lima,+ ko te mea ke isi se mea e tuku atu ne ia ki se tino telā e manako ki se mea.+ 29  Ke seai ne pati ma‵sei* e ‵to mai i otou gutu,+ kae ko pati ‵lei fua kolā e ati aka ei a tino e ‵tusa mo te mea e manakogina, ko te mea ke mafai o tuku atu a mea aoga ki tino kolā e fakalogo‵logo mai.+ 30  E se gata i ei, sa fakafanoanoa atu ki te agaga tapu o te Atua,+ telā ko oti ne fakamailoga koutou ki ei+ mō te aso e fakasaoloto ei koutou e auala i te togiola.+ 31  Ke ave kea‵tea mai i a koutou a vaega katoa o te loto masei,+ te loto ita, te kaitaua, te paka‵laga valevale, mo pati faka‵mae loto,+ e pelā foki mo mea katoa kolā e logo‵mae ei a tino.+ 32  Kae ke fakatau atafai te suā tino ki te suā tino, ke fakatau a‵lofa atafai,+ ke fakatau fakamagalo atu a te suā tino ki te suā tino, e pelā eiloa mo te Atua ne fakamagalo ne ia koutou e auala i a Keliso.+

Fakamatalaga mai lalo

Io me “tino e folafola atu te tala ‵lei.”
Io me “fakamasani.”
Io me “‵kau fakatasi.”
Io me “amioga fakatakalialia.” Eleni, a·selʹgei·a. Onoono ki te FP.
Io me “i te malosi telā e fakagasuesue ne ia te mafaufau.” Eleni, “ki te agaga o tou mafaufau.”
Eleni, “se mea telā e pala.”