Te Lua Tupu 1:1-18

  • Ko ‵valo ne Elia te mate o Aasaia (1-18)

1  Mai tua o te mate o Aapo, ne ‵teke atu a te kau Moapi+ ki Isalaelu.  Ko te taimi eiloa tenā ne tō ifo ei a Aasaia mai te mea valavala i te pūga o tena potu i te tuafale i Samalia kae pakia. Tenā ne uga atu ei ne ia a avefekau kae fai atu ki a latou: “Olo o fesili ki a Palasepupa te atua o Ekelona+ me e mata ka toe ‵lei au mai te pakiaga tenei.”+  Kae ne fai atu te agelu a Ieova ki a Elia*+ te tino Tisepi: “Tu ki luga, fano o fakafetaui ki avefekau a te tupu o Samalia kae fai atu ki a latou, ‘E a, e seai se Atua i Isalaelu tenā ko olo ei koutou ki a Palasepupa te atua o Ekelona?+  Tela la, konei a pati a Ieova ne fai mai: “Ka se tiaki ne koe a te moega tenā e takato koe i ei, i a koe ka mate eiloa.”’” Oti aka ko Elia eiloa ko fano.  I te ‵fokimaiga o avefekau ki a ia, ne fai fakavave atu a ia ki a latou: “Kaia ko ‵foki mai ei koutou?”  Ne tali atu latou ki a ia: “E isi se tagata ne vau o fakafetaui ki a matou, kae fai mai ki a matou, ‘Olo, toe ‵foki ki te tupu telā ne uga mai ne ia koutou kae fai atu ki ei, “Konei a pati a Ieova ne fai mai: ‘E a, e seai se Atua i Isalaelu tenā ko olo ei koutou ki a Palasepupa te atua o Ekelona? Tela la, ka se tiaki ne koe a te moega tenā e takato koe i ei, i a koe ka mate eiloa.’”’”+  Tenā ne fesili atu ei tou tagata ki a latou: “E pefea a foliga o te tagata telā ne fanatu o fakafetaui ki a koutou kae fai atu ne ia a pati konei ki a koutou?”  Ne tali atu latou ki a ia: “A ia se tagata e pei ki se gatu e faite ki fulufulu o manu+ mo se fusi e faite ki pa‵kili o manu i tena taugasulu.”+ Ne fai fakavave atu a ia: “Ko Elia te tino Tisepi.”  Tenā ne uga atu ei ne te tupu ki a Elia se takitaki o te toko 50 fakatasi mo ana tāgata e toko 50. I tena fanatuga ki ei, a tou tagata e sagasaga i te taulu o te mauga. Ne fai atu a ia: “Te tagata o te Atua tonu,+ a te tupu ne fai mai ‘Fanaifo ki lalo.’” 10  Kae ne tali atu a Elia ki te takitaki o te toko 50: “Kafai au se tagata o te Atua, ke fanaifo te afi mai te lagi+ o ‵sunu koe fakatasi mo au tāgata e toko 50.” Kae ne fanaifo eiloa te afi mai te lagi kae ‵sunu a ia fakatasi mo ana tāgata e toko 50. 11  Ne toe uga atu ne te tupu ki ei te suā takitaki o te toko 50 fakatasi mo ana tāgata e toko 50. Ne fanatu a ia kae fai atu ki tou tagata: “Te tagata o te Atua tonu, konei a pati a te tupu ne fai mai, ‘Fanaifo fakavave ki lalo.’” 12  Kae ne tali atu a Elia ki a latou: “Kafai au se tagata o te Atua tonu, ke fanaifo te afi mai te ‵lagi o ‵sunu koe fakatasi mo au tāgata e toko 50.” Kae ne fanaifo eiloa te afi a te Atua mai te lagi kae ‵sunu a ia fakatasi mo ana tāgata e toko 50. 13  Tenā ne toe uga atu ei ne te tupu a te tolu o takitaki o te toko 50 fakatasi mo ana tāgata e toko 50. Kae ne fanaka eiloa a te tolu o takitaki o te toko 50 ki luga kae ifo ki lalo i ana tuli i mua o Elia kae kamata o fakamolemole atu ki a ia kae fai atu ki ei: “Te tagata o te Atua tonu, fakamolemole, ke fakasao eiloa ne koe toku ola mo ola o au tavini e toko 50 konei. 14  Ko oti ne fanaifo te afi mai te lagi kae ‵sunu ei a takitaki e tokolua o taki toko 50 mo lā potukau kolā e taki toko 50 a tāgata i ei, kae nei la, ke alofa mai koe ki a au o fakasao aka au.” 15  I konā ne fai atu ei te agelu a Ieova ki a Elia: “Olo ifo mo ia. Sa mataku i ei.” Ne tu aka tou tagata kae olo ifo mo ia ki te tupu. 16  Tenā ne fai atu ei a Elia ki te tupu, “Konei a pati a Ieova ne fai mai: ‘Ne uga ne koe a avefekau ki a Palasepupa te atua o Ekelona.+ E a, e seai se Atua i Isalaelu?+ Kaia e seki fesili atu ei koe ki a ia? Tela la, ka se tiaki ne koe a te moega tenā e takato koe i ei, me i a koe ka mate eiloa.’” 17  Tenā ne mate eiloa a ia e ‵tusa mo pati a Ieova kolā ne fai atu ne Elia; kae ona ko te mea e seai sena tamaliki tagata, ne fai ei a Iolama*+ mo fai te tupu e sui ei a ia, i te lua o tausaga o te pulega a Iolama+ te tama tagata a Iosefatu te tupu o Iuta. 18  Kae ko te tala fakasolopito kātoa o Aasaia+ mo ana mea ne fai, e a, e se tusi katoa i te tusi o tala fakasolopito i taimi o tupu o Isalaelu?

Fakamatalaga mai lalo

Tena uiga “A Toku Atua ko Ieova.”
Telā ko te taina o Aasaia.