Te Lua Nofoaiga Tupu 4:1-22

  • Te fatafaitaulaga, te Tai mo pesini (1-6)

  • Tugamoli, taipola mo koga ateatea 7-11a)

  • Ko oti a meāfale o te faletapu (11e-22)

4  Tenā ne faite ei ne ia te fatafaitaulaga kopa,+ e 20 kupita te loa, 20 kupita te lauefa kae 10 kupita te maluga.  Ne faite ne ia te pesini vai lasi telā e fakaigoa ki te Tai+ kopa. E foliga pukupuku, e 10 kupita mai te kaugutu ki te suā kaugutu kae 5 kupita te maluga, kae e fua ki se uka telā e 30 kupita te loa ke fakatamilo i ei.+  Kae e isi ne mea fakagali‵gali puku‵puku e pelā me ne meleni vao+ e fakatamilo mai lalo i ei, e sefulu i te kupita e tasi, e fakatamilo katoa i te Tai. E lua a laina o meleni vao kolā ne faite ke ‵piki ki ei.  Ne tu a te mea tenā i luga i pulumakau tāgata e 12,+ e 3 e ‵fuli ki mātū, e 3 e ‵fuli ki togala, e 3 e ‵fuli ki saute, kae 3 e ‵fuli ki saegala; kae ko te Tai ne tuku i luga i ei, kae ko olotou feitu ki tua e ‵fuli katoa ki te kogaloto.  Kae ko tena matolu e ‵pau mo te alofilima;* kae ko tena kaugutu ne faite ke pelā mo te kaugutu o se ipu, e pelā me se pula o te lili e matala. E mafai o tuku i loto i te pesini tenā e 3,000 paita* vai.  E se gata i ei, ne faite ne ia e sefulu a pesini mo ‵fulu a mea, ne tuku ne ia e lima ki te feitu fakaatamai kae lima ki te feitu fakamaui.+ E ‵fulu ne latou i loto i ei a mea e fakaaoga mō taulaga ‵sunu.+ Kae ko te Tai e ‵fulu i ei a lima mo vae o faitaulaga.+  Oti aka, faite ei ne ia e sefulu a tugamoli aulo,+ e pelā eiloa mo te fakamatalamaiga,+ kae tuku atu ki loto i te faletapu, e lima ki te feitu fakaatamai kae lima ki te feitu fakamaui.+  Ne faite foki ne ia a taipola e sefulu kae tuku atu ki loto i te faletapu, e lima ki te feitu fakaatamai kae lima ki te feitu fakamaui;+ kae ne faite ne ia e 100 a pōla aulo.  Oti aka, faite ei ne ia a te koga ateatea+ o faitaulaga+ mo te koga ateatea lasi+ mo mataloa o koga ateatea, kae ufi ne ia a mataloa ki te kopa. 10  Kae tuku ne ia te Tai i te feitu fakaatamai, ki te feitu ki saute-saegala.+ 11  Ne faite foki ne Hilamo a kāpa, sevolo mo pōla.+ Ne fakaoti ne Hilamo a te galuega ne fai ne ia mō te Tupu ko Solomona i te fale o te Atua tonu:+ 12  ko pou e lua+ mo ulupou e foliga pelā me ne pōla i luga i te avā pou konā; ko mea valavala e lua+ e ufi ki ei a ulupou e lua e foliga pelā me ne pōla i luga i pou; 13  ko pomekalanite+ e 400 mō mea valavala e lua, ko laina e lua o pomekalanite mō mea valavala takitasi, ke ufi ki ei a ulupou e foliga pelā me ne pōla i luga i pou;+ 14  ko kā* e sefulu mo pesini e sefulu i luga i kā;+ 15  te Tai mo pulumakau tāgata e 12 mai lalo i ei;+ 16  mo kāpa, sevolo, foka+ mo olotou meāfale katoa kolā ne faite ne Hilamo-apivi+ ki kopa ne ‵fulu ke matilo‵tilo ma te Tupu ko Solomona mō te fale o Ieova. 17  Ne fai ne te tupu a mea konei i te kogā fenua o te Iolitana i te kele matolu i te va o Sukota+ mo Sieleta. 18  Ne faite ne Solomona a mea katoa konei ke uke; a te ‵mafa o kopa e se iloa tonu.+ 19  Ne faite ne Solomona a meāfale katoa+ mō te fale o te Atua tonu: te fatafaitaulaga aulo;+ ko taipola+ e tuku ei a falaoa ne ofo atu ki te Atua;+ 20  ko tugamoli mo olotou moli mai tinā aulo,+ ke ‵ka faeloa mai mua o te potu tafa ki loto e ‵tusa mo te tulafono; 21  mo pulalakau, moli mo sikofi ne faite ki aulo, ko te tinā aulo; 22  ko mea tamate moli, pōla, ipu, mo mea tuku malala ‵ka, mai tinā aulo; mo te auala ki loto i te fale, ana mataloa tafa ki loto mō te Potu Tafasili i te Tapu,+ mo mataloa o te fale kātoa o te faletapu, ne faite ki aulo.+

Fakamatalaga mai lalo

Kāti se 7.4 sm (2.9 ini.). Onoono ki te MF E14.
A te paita e ‵pau mo te 22 L (5.81 kalone). Onoono ki te MF E14.
Io me “kā vai.”