Te Lua Nofoaiga Tupu 31:1-21

  • Ko tapale kea‵tea ne Hesekia a te aposetasi (1)

  • Ko ‵lago faka‵lei atu ki te kau faitaulaga mo tino Levi (2-21)

31  I te otiga o olotou mea katoa konei, ne olo katoa a tino Isalaelu i konā ki fakai o Iuta, kae tuki ki lalo ne latou a pou fatu tapu,+ ‵kati ki lalo a pou lakau tapu,*+ kae ofa ki lalo a koga ma‵luga+ mo fatafaitaulaga+ i Iuta mo Peniamina kātoa, e pelā foki mo Efalaima mo Manase,+ ke oko eiloa ki te taimi ko oti ne fakamasei katoatoa ne latou a mea konā, oti aka, ‵foki atu ei a tino Isalaelu katoa ki olotou fakai kolā e ‵nofo i ei latou.  Tenā ne ‵tofi aka ei ne Hesekia a faitaulaga+ mo tino Levi ki olotou potukau,+ ko faitaulaga mo tino Levi taki tokotasi ki olotou taviniga,+ mō taulaga ‵sunu mo taulaga ‵kai fakatasi, ke tavini kae ke avatu a fakafetai mo vikiga i loto i mataloa kese‵kese o koga ateatea kolā e fakatamilo i te faletapu o Ieova.+  E isi se vaega mai mea a te tupu e tuku atu mo fai te taulaga ‵sunu,+ e aofia i ei te taulaga i te tafataeao mo te afiafi,+ e pelā foki mo taulaga ‵sunu mō Sapati,+ masina sae,+ mo ‵kaiga fia‵fia,+ e ‵tusa mo mea kolā e tusi i te Tulafono a Ieova.  E se gata i ei, ne fakatonu atu a ia ki tino e ‵nofo i Ielusalema ke avatu a vaega e ‵tau o tuku atu ki faitaulaga mo tino Levi,+ ko te mea ke mafai o taofi ‵mau* latou ki te tulafono a Ieova.  I te taimi eiloa ne avatu ei te fakatonuga, ne tuku mai ne tino Isalaelu a aofaki e uke o fuataga muamua o saito, uaina fou, sinu+ mo hani mo fuataga katoa o te laukele;+ ne aumai ne latou a te tasi-vae-sefulu o olotou mea katoa.+  Kae ko tino Isalaelu mo Iuta kolā e ‵nofo i fakai o Iuta ne aumai foki ne latou te tasi-vae-sefulu o pulumakau mo mamoe mo te tasi-vae-sefulu o mea tapu+ kolā ne fakatapu ki a Ieova te lotou Atua. Ne aumai ne latou ki loto kae tuku i fakaputuga e uke.  I te tolu o masina+ ne kamata o fakaputu aka ne latou olotou meaalofa; kae i te fitu o masina+ ne palele atu ei.  I te taimi ne o‵mai ei a Hesekia mo pelenise kae lavea ne latou a fakaputuga konā, ne ‵viki atu latou ki a Ieova kae fakamanuia atu ana tino Isalaelu.  Ne fesili atu a Hesekia ki faitaulaga mo tino Levi e uiga ki fakaputuga konā, 10  kae ne fai atu ki ei a Asalia te faitaulaga pule o te kāiga o Satoka: “Mai te taimi ne kamata ei o aumai ne latou a meaalofa ki te fale o Ieova,+ a tino ne ‵kai malosi ke ma‵kona kae koi uke eiloa a mea e ‵toe, me ko oti ne fakamanuia ne Ieova ana tino, kae ‵toe mai a mea e uke konei.”+ 11  Tenā ne fai atu ei a Hesekia ki a latou ke fakatoka a potu ‵teu koloa*+ i te fale o Ieova, tenā ne fakatoka ei ne latou. 12  Ne fakamaoni eiloa latou o aumai faeloa a meaalofa, ko te tasi-vae-sefulu,+ mo mea tapu; ne ‵tofi aka a Konania te tino Levi ke onoono ki mea katoa konei e pelā me ko te takitaki, kae ko tena taina ko Simei ko te tokolua. 13  A Ieielu, Asasia, Nahata, Asaelu, Ielimota, Iosapata, Elielu, Isamakia, Mahata mo Penaia ne tino fesoasoani ki a Konania mo tena taina ko Simei, e ‵tusa mo te fakatonuga a te Tupu ko Hesekia, kae ko Asalia ko te takitaki o te fale o te Atua tonu. 14  Kae ko Kole te tama tagata a Imina, te tino Levi telā e tausi mataloa i te feitu ki saegala+ e onoono ki taulaga o te lotomalie+ mō te Atua tonu, kae ne vaevae aka ne ia a te meaalofa telā ne fai ki a Ieova+ mo toe mea tafasili i te tapu.+ 15  Kae mai lalo i tena takitakiga ko Etena, Miniamina, Iesua, Semaia, Amalia mo Sekania i loto i fakai o faitaulaga,+ i olotou tofiga, ke vaevae ‵pau a mea ki olotou taina i potukau,+ ki tino ma‵tua mo tama‵liki. 16  A te mea tenei e fakaopoopo atu ki te vaevaega ne fai ki tāgata ko taki tolu olotou tausaga o fanaka ki luga kolā ne fakamau olotou igoa i te fakasologa o gafa, kolā ne o‵mai i aso takitasi o tavini i te fale o Ieova kae fai a tiute o olotou potukau. 17  A te fakasologa o gafa o faitaulaga ne fai i kāiga i olotou tamana,+ e pelā mo mea ne fai ne tino Levi kolā ko taki 20 tausaga te ma‵tua o fanaka ki luga,+ e ‵tusa mo tiute o olotou potukau.+ 18  E aofia i te fakasologa o gafa ko olotou tama‵liki katoa, olotou avaga, olotou tama tāgata mo olotou tama fāfine, ko te lotou fakapotopotoga kātoa—me ne tumau latou i te fakatapuga o latou mō te mea telā e tapu ona ko olotou tofiga— 19  e pelā foki mo tino ne ‵tupu mai i a Alona, ko faitaulaga kolā e ‵nofo i laukele moukuā kolā e fakatamilo i olotou fakai.+ I fakai katoa, ne ‵tofi aka a igoa o tāgata ke tuku atu ne latou a vaega ki tāgata taki tokotasi kolā e aofia i faitaulaga mo tino katoa e aofia i te fakasologa o gafa o tino Levi. 20  Ne fai ne Hesekia a te mea tenei i Iuta kātoa, kae ne tumau a ia i te faiga o te mea ‵lei kae tonu kae fakamaoni i mua o Ieova tena Atua. 21  Kae ko galuega katoa ne fai ne ia ke ‵sala atu ki tena Atua, faitalia me ne fai a mea konā i te taviniga i te fale o te Atua tonu+ io me ki te Tulafono mo te fakatonuga, ne fai eiloa ne ia mo te loto kātoa, kae ne manuia eiloa a ia.

Fakamatalaga mai lalo

Onoono ki te FP.
Io me “tuku katoatoa atu latou.”
Io me “potu ‵kai.”