Te Lua Nofoaiga Tupu 27:1-9

  • Iotama, te tupu o Iuta (1-9)

27  Ko 25 tausaga o Iotama+ i te taimi ne fai ei a ia mo tupu, kae ne pule atu a ia ki Ielusalema i tausaga e 16. A te igoa o tena mātua ko Ielusa te tama fafine a Satoka.+  Ne fai faeloa ne ia a te mea tonu i te kilokiloga a Ieova, e pelā eiloa mo mea ne fai ne tena tamana ko Usia,+ kae ko te mea fua ne seki ulu mālō atu a ia ki loto i te faletapu o Ieova.+ Kae ko tino koi fai eiloa ne latou a mea ma‵sei.  Ne faite ne ia te mataloa tafa ki luga o te fale o Ieova,+ kae uke foki ana mea ne faite i ‵pui o Ofele.+  Ne faite foki ne ia a fakai+ i te koga maugā o Iuta,+ kae ne faite ne ia a koga kolā e ‵pui faka‵lei+ mo taoa+ i te vao.  Ne taua atu a ia ki te tupu o tino Amoni+ kae fakamuli ifo ne manumalo a ia i a latou, tenā ne avatu ei ne tino Amoni ki a ia i te tausaga tenā e 100 taleni* siliva, 10,000 koli* o saito kae 10,000 koli o kalite. Ne ‵togi atu foki ne tino Amoni a te mea tenei ki a ia i te lua mo te tolu tausaga.+  Ne gasolo aka faeloa a Iotama o malosi me ne faka‵mautakitaki* ne ia ana auala i mua o Ieova tena Atua.  Kae ko te tala fakasolopito kātoa o Iotama, ana taua katoa mo ana auala, ne tusi i te Tusi o Tupu o Isalaelu mo Iuta.+  Ko 25 ana tausaga i te taimi ne fai ei a ia mo tupu, kae ne pule atu a ia ki Ielusalema i tausaga e 16.+  Tenā ne takato ifo ei a Iotama o malō‵lo fakatasi mo ana tupuga, kae ne tanu ne latou a ia i te Fakai o Tavita.+ Kae ko tena tama tagata ko Aasa ne fai mo tupu e sui ei a ia.+

Fakamatalaga mai lalo

A te taleni e ‵pau mo te 34.2 kk. Onoono ki te MF E14.
A te koli e ‵pau mo te 220 L. Onoono ki te MF E14.
Io me “fakatoka.”