Te Lua Nofoaiga Tupu 22:1-12

  • Aasaia, te tupu o Iuta (1-9)

  • Ko ‵fao ne Atalia te nofogaaliki (10-12)

22  Tenā ne fai ei ne tino Ielusalema a tena tama tagata foliki ko Aasaia ke fai mo tupu e sui ei a ia, me i te potukau kai‵soa kolā ne o‵mai mo tino Alapi ki te koga e ‵nofo ei te kautau ne tamate ne latou a tino ma‵tua katoa.+ Tenā ne kamata ei a Aasaia te tama tagata a Iolama o pule e pelā me se tupu o Iuta.+  Ko 22 a tausaga o Aasaia i te taimi ne fai ei a ia mo tupu, kae ne pule a ia i se tausaga e tasi i Ielusalema. A te igoa o tena mātua ko Atalia+ te mokopuna fafine* o Omeli.+  Ne sasale foki a ia i auala o te kāiga o Aapo,+ me i tena mātua ne fai pelā me ko tena tino fakatonutonu i te faiga o mea ma‵sei.  Kae ne fai faeloa ne ia a mea ma‵sei i te kilokiloga a Ieova, e pelā mo te kāiga o Aapo, me ne fai latou mo ana tino fakatonutonu mai tua o te matega o tena tamana, ke oko eiloa ki te taimi ne fakaseai ei a ia.  Ne tautali a ia i olotou pati fakatonutonu kae olo atu lāua mo Iolama te tama tagata a te tupu o Isalaelu ko Aapo o taua atu ki te tupu o Sulia ko Hasaeli+ i Lamota-kileata,+ te koga telā ne pakia ei a Iolama i tino sana matasana.  Ne foki a ia ki Ieseleelu+ o fai ke ‵lei ana pakiaga mai i Lama i te taimi ne taua ei a ia ki te tupu o Sulia ko Hasaeli.+ Aasaia* te tama tagata a Iolama+ te tupu o Iuta ne fanaifo ki Ieseleelu o āsi ki a Iolama+ te tama tagata a Aapo, me i a ia e pakia.*+  Kae ne fakaaoga ne te Atua te asiga a Aasaia ki a Iolama ke tamate ei a ia; kae i tena okoatuga ne olo a ia mo Iolama o fakafetaui ki a Ieu+ te mokopuna tagata* o Nimesi, telā ne fakaeke ne Ieova ke fakaseai ne ia te kāiga o Aapo.+  I te taimi ne kamata ei o fakamasino ne Ieu a te kāiga o Aapo, ne maua ne ia a pelenise o Iuta mo tama tāgata a taina o Aasaia, ko tavini a Aasaia, kae ne tamate ne ia latou.+  Tenā ne fano ei a ia o ‵sala a Aasaia; ne puke ne latou a ia i tena koga ‵muni i Samalia, kae avatu ne latou a ia ki a Ieu. Ne tamate ne latou a ia kae tanu,+ me ne fai mai latou: “A ia ko te mokopuna tagata o Iosefatu, telā ne ‵sala ki a Ieova mo tena loto kātoa.”+ E seai se tino i te kāiga o Aasaia e isi sena malosi o pule i te malo. 10  I te iloaga ne Atalia,+ te mātua o Aasaia, i tena tama tagata ko mate, ne tu aka tou fafine kae tamate katoa ne ia a tino i te kaigā tupu* o Iuta.+ 11  Kae ko Ieosepa te tama fafine a te tupu ne puke ne ia a Ioasa+ te tama tagata a Aasaia kae ave ne ia kea‵tea mai tama tāgata a te tupu kolā ka tamate, kae tuku atu a ia fakatasi mo tena nesi i te potu ‵moe tafa ki loto. A Ieosepa te tama fafine a te Tupu ko Iolama+ (a ia ko te avaga a Ieoiata+ te faitaulaga kae ko te tuagane o Aasaia) ne ‵funa ne ia tou tagata mai i a Atalia, tenā ne seki tamate ei ne tou fafine a ia.+ 12  Ne ‵nofo a ia mo latou i tausaga e ono o ‵muni i te fale o te Atua tonu, kae ko Atalia ne pule ki te fenua.

Fakamatalaga mai lalo

Epelu, “tama fafine.”
I nisi tusitusiga Epelu, ko “Asalia.”
Io me “i a ia e masaki.”
Epelu, “tama tagata.”
Epelu, “fanau katoa o te malo.”