Te Lua Nofoaiga Tupu 17:1-19

  • Iosefatu, te tupu o Iuta (1-6)

  • Te galuega ki te akoakoga o tino (7-9)

  • Te malosi o te kautau a Iosefatu (10-19)

17  Kae ko tena tama tagata ko Iosefatu+ ne fai mo tupu e sui ei a ia, kae ne fakamalosi aka ne ia tena tulaga i Isalaelu.  Ne tuku ne ia a kautau i fakai katoa o Iuta kolā ne puipui faka‵lei kae tuku atu a potukau leoleo i te fenua o Iuta mo fakai o Efalaima kolā ne puke ne tena tamana ko Asa.+  Ne fakatasi atu faeloa a Ieova ki a Iosefatu me ne sasale a ia i auala o tena tupuga ko Tavita+ i aso mua kae ne seki ‵sala a ia ki a Paala.  Me ne ‵sala atu a ia ki te Atua o tena tamana+ kae tautali* eiloa i ana fakatonuga kae e se ko faifaiga a tino Isalaelu.+  Ne faka‵mautakitaki faeloa ne Ieova a te malo i ana lima;+ kae ne tumau eiloa a Iuta kātoa i te tuku atu o meaalofa ki a Iosefatu, kae ne maua ne ia a koloa e uke penā foki loa mo te ‵malu sili.+  Ne maua eiloa ne ia te loto toa i auala o Ieova, kae ne tapale foki ne ia kea‵tea a koga ma‵luga+ mo pou lakau tapu*+ mai Iuta.  I te tolu tausaga o tena pulega ne uga atu ne ia ana pelenise ko Penihaila, Opetaia, Sakalia, Netanelu mo Mikaio ke akoako atu i fakai o Iuta.  Ne fakatasi atu ki a latou ko tino Levi: ko Semaia, Netania, Sepatia, Asaelu, Semilamota, Ieonatana, Atonia, Topita mo Topatonita, kae fakatasi atu ki a latou a faitaulaga ko Elisama mo Iolama.+  Ne kamata o akoako atu latou i Iuta, kae ave ne latou te tusi o te Tulafono a Ieova,+ kae ne olo atu latou i loto i fakai katoa o Iuta o akoako a tino i ei. 10  Kae ne ma‵taku a malo katoa o fenua i tafa o Iuta i a Ieova, kae ne seki taua atu latou ki a Iosefatu. 11  Kae ne aumai ne tino Filisitia ki a Iosefatu a meaalofa mo tupe ke fakaaloalo atu ki a ia. Ne aumai ne tino Alapi ki a ia e 7,700 mamoe kae 7,700 kouti tāgata mai olotou lafu manu. 12  Ne gasolo aka a Iosefatu o malosi,+ kae ne tumau eiloa a ia i te faitega o koga e puipui faka‵lei+ mo fakai e ‵teu ei a mea+ i Iuta. 13  Ne fai ne ia a galuega ‵lasi i fakai o Iuta, kae e isi ne ana sotia, ne toa ‵mafi i Ielusalema. 14  Ne ‵tofi aka a latou konei ki potukau i kāiga o olotou tamana: mai Iuta te takitaki o taki tokoafe, ko Atenaa te takitaki, kae e fakatasi atu ki a ia ko te toko 300,000 toa ‵mafi.+ 15  Kae mai lalo i tena pulega ko Ieoananu te takitaki, kae e fakatasi atu ki a ia ko te toko 280,000. 16  Kae mai lalo foki i tena pulega ko Amasea te tama tagata a Sikeli, telā ne ofo atu a ia mō te taviniga a Ieova, kae e fakatasi atu ki a ia ko te toko 200,000 toa ‵mafi. 17  Kae mai i a Peniamina+ ko Eliata, se toa mafi, kae fakatasi atu ki a ia ko te toko 200,000 tāgata kolā e isi ne olotou kausana mo talita.+ 18  Kae mai lalo i tena pulega ko Ieosepata, kae fakatasi atu ki a ia ko te toko 180,000 tāgata kolā ko toka o ‵kau ki te kautau. 19  Ne tavini atu a latou konei ki te tupu i tafa o latou kolā ne tuku ne te tupu i fakai e puipui faka‵lei i loto i Iuta kātoa.+

Fakamatalaga mai lalo

Epelu, “sasale i.”
Onoono ki te FP.