Te Tusi i te Lua ki te Kau Kolinito 5:1-21

  • Ke ‵pei ki mea ne fakatoka mō te lagi (1-10)

  • Galuega o te faka‵leiga (11-21)

    • Se mea fou ne faite (17)

    • Sui o Keliso (20)

5  E iloa ne tatou me kafai e ofa ki lalo ‵tou fale i te lalolagi nei, ko te faleie tenei,+ e maua eiloa ne tatou se fale mai te Atua, se fale e seki faite ki lima,+ e tumau ki te se-gata-mai i te lagi.  Me e mānava fi‵ta tatou i te fale tenei, kae e olioli faeloa ke na ‵pei tatou ki te mea ne fakatoka mō tatou i te lagi,*+  ko te mea kafai ko ‵pei tatou ki ei, ko se ‵nofo fuafua ei tatou.  E tonu, a tatou kolā e ‵nofo i te faleie tenei e mānava fi‵ta, kae loto mafatia me e se ma‵nako tatou o tapale kea‵tea te mea tenei, kae ma‵nako tatou o ‵pei ki te suā mea,+ ko te mea ke mafai o sui te mea telā e mafai o mate ki te ola.+  A te tino ne fakatoka ne ia tatou mō te mea tenei ko te Atua,+ telā ne tuku mai ne ia ki a tatou a te agaga mo fai se fakatalitonuga o te mea telā ka oko mai.*+  E loto ma‵losi faeloa tatou kae e iloa foki ne tatou me i te taimi koi ‵nofo ei tatou i ‵tou fale faka-te-foitino, e se ‵nofo fakatasi tatou mo te Aliki,+  me i a tatou e sa‵sale i te fakatuanaki kae e se i mea e lavea ki mata.  E loto ma‵losi tatou kae e fia‵fia foki ke ‵nofo fakatasi mo te Aliki, i lō te ‵nofo i te foitino tenei.+  Tela la, faitalia me e ‵nofo fakatasi tatou mo ia io me e ‵galo tatou mai i a ia, a te ‵tou fakamoemoega, ko te taumafai ke talia tatou ne ia. 10  Me e ‵tau mo tatou katoa o ‵tu atu* i mua o te nofoga fakamasino o te Keliso, ko te mea ke ‵togi atu ki tino taki tokotasi e ‵tusa mo olotou faifaiga kae koi ‵nofo latou i te foitino, faitalia me ‵lei io me masei.+ 11  Tela la, ona ko te mea e iloa ne tatou o ma‵taku ki te Aliki, e fakamalosi atu faeloa tatou ki tino, kae e iloa ‵lei tatou ne te Atua. Tela la, e fakamoemoe au me e iloa ne otou loto lagona a matou. 12  E se toe fakaasi atu ne matou ki a koutou me ko oi matou kae e tuku atu fua ne matou se fakamalosiga ke fai‵pati fakamata‵mata koutou i a matou, ko te mea ke mafai o isi se otou tali e fai atu ki a latou kolā e fai‵pati fakamata‵mata i foliga i tua+ kae e se ko mea i te loto. 13  Me kafai e ma‵sei omotou mafaufau,+ ne fai penā mō te Atua; kafai e ‵lei omotou mafaufau, ne fai penā mō koutou. 14  Me ne fakamalosi mai te alofa o Keliso ki a matou, ona ko te fakaikuga tenei ko oti ne fai ne matou, me ne mate te tagata e tokotasi mō tino katoa;+ ona ko te mea ko ‵mate a tino katoa. 15  Kae ne mate a ia mō tino katoa ko te mea ko tino kolā e ola ke se toe ola mō latou eiloa,+ kae mō ia telā ne mate mō latou kae toe fakatu aka. 16  Tela la, mai te taimi tenei o fano ki mua ko se toe iloa ne tatou se tino mai te kilokiloga faka-te-foitino.+ Kafai foki ne iloa ne tatou a Keliso e pelā me se tino, ko se mafai nei o iloa ne tatou a ia i te auala tenā.+ 17  Tela la, kafai e isi se tino e ‵kau fakatasi mo Keliso, a ia se mea fou ne faite;+ ko palele atu a mea mua; kiloke! ko oti ne oko mai a mea ‵fou. 18  Kae ko mea katoa ne maua mai i te Atua, telā ne faka‵lei ne ia te ‵tou fesokotakiga mo ia e auala i a Keliso+ kae tuku mai ki a matou te galuega o te faka‵leiga,+ 19  telā ko te faka‵leiga ne te Atua a te lalolagi ki a ia e auala i a Keliso,+ e se fakamau ne ia olotou agasala,+ kae ne tuku mai ne ia ki a matou a te fekau o te faka‵leiga.+ 20  Tela la, a matou ko sui+ kolā e sui ne matou a Keliso,+ e pelā eiloa me e fakatagi atu te Atua e auala i a matou. E pelā me ne sui o Keliso e fakatagi atu matou: “Faka‵lei koutou mo te Atua.” 21  A te tino telā ne seki iloa ne ia te agasala,+ ne fai ne te Atua e pelā me se taulaga mō ‵tou agasala,* ko te mea ke maua ne matou se tulaga amiotonu i mua o te Atua, e auala i a ia.+

Fakamatalaga mai lalo

Io me “‵tou koga ‵nofo i te lagi.”
Io me “ne tupe ko leva ne ‵togi (tupe mautinoa); se fakapatonuga (tautoga) o te mea ka oko mai.”
Io me “fakaasi atu.”
Eleni, “agasala.”